NOMBILANGMO 15:20 - KITAB NU TUMPU ALLA LELE MA'IMAI'

²⁰ De belemiu montunumo roti nu gandum momona pinadak na binau roti, aijo' tionyo ahi' osombahkon salaku koloban samata-mata hi Tumpu. Bau-baunyo nu monsombahkon pokakana tiba bau-baunyo nu monsombahkon gandum anu momona giniling nu belemiu.

NOMBILANGMO 15:20 ပူးပေါင်းရင်းမြစ်များ

NEHEMIA 10:37

Kami tionyo ahi' momboa hi to ima-imam i Laigan nu Tumpu kompolan nu gandum anu binaumo labu aijo'mo bua' nu gandum anu momona opadak na bua'nyo sataun toka sataun ka' mule' iwi-iwi' na palasombahan sangga'at sumo anggur, lanya' nu zaitun ka'iwi-iwi' na ngangahan nu bua' nu kau' sangga'at. Palasombahan anu sambagian na o ala i sampulu' na bagian na isi nu ale' tionyo ahi' oboa mami hi to mia-mian nu Lewi anu molimu' apa-apaa na palasombahan anu o ala sambagian hi sampulu' na bagian anu lengkat mae i songko-songko na kota' anu ko ale'nyo.

NOSABATMO 23:19

Sataun toka sataun belemiu tionyo ahi' momboa i Laigan nu Tumpu Allah nu belemiu, gandum anu momonanyo pinadak nu belemiu. Antoknyo nu anak nu domba kabai anak nu mee' madi' timbali okola' tiba juu' nu susu nu tinanyo.”

NOSABATMO 34:26

Sataun toka sataun belemiu tionyo ahi' momboa i Laigan nu Tumpu Allah nu belemiu bua'nyo momona anu sinu'an i tano' nu belemiu. Antoknyo nu anak nu domba kabai anak nu mee' madi' timbali o unjang tiba juu' nu susu nu tinanyo.”

YEHEZKIEL 44:30

To ima-imam tionyo ahi' obee'i bagian anu ma'ima' hondo anu o ala i iwi-iwi na ngahannyo nu anu o ala iale' palatamanyo, ka' suele anu o ala i apaa na anu sinombahkonmo hi beleng-Ku. De aha mian nu Israel mombaumo roti, saba' roti anu momona obau aijo' bau bagian nu to ima-imam. Sahingga Ku balakatije na laigan nu aha bansa Israel iwi-iwi'.

IMAMAT 2:12

Isi nu ale' anu momonanyo o ala i taun aijo, sambahagian tionyo ahi' osombahkon hi Tumpu, panyo madi' timbali opotunu i mezbah.

IMAMAT 2:14

De belemiu monsombahkonmo hi Tumpu gandum anu momona pinadak miu, boa na gandum anu bu'ou anu inguja'mo binau labu kabai anu pinanggangmo.

IMAMAT 23:20

Roti ka' ohua' na anak nu domba aijo' tionyo ahi' osombahkon nu imam salaku palasombahan anu obee' hi Tumpu, ka' aijo' baumo bagi' nu imam. Palasombahan haha aijo' susi'.

NOMBILANGMO 15:21

Sampe toka sidu-sidutu' batu-batu roti anu gandum momona pinadak na binau roti, aijo' tionyo ahi' obee' nu belemiu salaku anu samata-mata osombahkon hi Tumpu.

NOMBILANGMO 18:12

Ku bee' hi belemiu iwi-iwi' na anu ma'ima' hondo apaa na hasinnyo nu ale' momona anu sinombahkonmo nu aha mian Israel hi beleng-Ku sataun toka sataun aijo'mo lanya' nu zaitun, anggur anu binaumo inumon ka' gandum.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

ROMA 11:16

De sandihis na roti anu momona binee'mo hi Tumpu, aijo' alati'nyo iwi-iwi' na roti obee'mo hi Tumpu. Ka' de bakat nu kau' anu Nu Tumpu, aijo' alati'nyo to panga-panga'nyo anu-Nyomo suele.

1 KORINTUS 15:20

Panyo nanasamo i Kristus sinilaka po'ule' pinotumuu'. Aijo'mo na katantuannyo taalu' to mia-mian anu sinilakamo po'ule' ahi' opotumuu'.

PO'ULE' INGULIT 14:22

“Sataun toka sataun belemiu tionyo ahi momposi po'iwi' anu sampulu' na bagian, sambagian na o ala i hasinnyo nu tano' miu iwi-iwi'.

PO'ULE' INGULIT 14:23

I Ahop nu Tumpu Allah nu belemiu i tampat anu pinile'an-Nyomo bau tampat ponsomban nu belemiu na tionyo ahi' pongkaanan nu belemiu palasombahan anu sampulu' na bagian aijo' sambagian na o ala na gandum, anggur, lanya' nu zaitun tiba anak nu sapi' ka' mee' ka' domba nu belemiu anu momona pino'anaknyo. Bau na han aijo' da sampe toka sidu-sidutu' belemiu saja' mompakalioi mongadati Tumpu Allah nu belemiu.

PO'ULE' INGULIT 16:13

“Salatan iwi-iwi' na gandum nu belemiu opoko ututmo ka' iwi-iwi' na bua'nyo opoko tapimo nu belemiu, belemiu tionyo ahi' molame'akonmo Lamean Tahon o atopi nu Hon nu kau' pitun sinaa na kopinnyo.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.