NOMBILANGMO 15:15 - KITAB NU TUMPU ALLA LELE MA'IMAI'

^15-16 Iwi-iwi' na atulan tiba palentah pokakana na mompojalan hi belemiu tiba hi mian anu lengkat mae i salipu'an anu jinojoongmo i lipu nu belemiu, kalana belemiu tiba aha pokakana i ahop nu Tumpu. Ka' han aijo' obau sampe toka sidu-sidutu'.

NOMBILANGMO 15:15 ပူးပေါင်းရင်းမြစ်များ

ESTER 9:27

nonsaduakon da aha nosi baumo atulan anu kona hi posi butong nu aha, kona hi lee' nu aha ka' kona hi iwi-iwi' mian anu ninsoopmo bansa Yahudi. Koonyo nu atulan aijo' sataun toka sataun aha tionyo ahi' molame'akon ohu-ohua' na sinaa aijo' anu pinoto'imo i Mordekhai.

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 12:24

Belemiu ka' to ana-anak nu belemiu tionyo ahi' mohongo-hongo palentah aijo' sampe toka sidu-sidutu'.

NOSABATMO 12:43

Tumpu notatae hi Musa ka' hi Harun, “Aiya na atulan molame'akon Paskah. Mian anu i salipu'an mae madi' timbali mongkaan antok nu domba anu sinombahkonmo i sinaa nu Paskah.

NOSABATMO 12:49

Atulan aiya pokakana na opake mongkona aha anu memang ahi' Israel ka' hi mian anu i salipu'an mae anu jojoongmo tataap itina' hi belemiu.”

NOSABATMO 28:43

Saluan aijo' tionyo ahi' saja' opusok nu aha de aha minsoopmo i Kemah-Ku kabai mongohanimo mezbah monsombahmo mae salaku imam i Salipi' Susi', da aha madi' silaka kalana kantoanmo na butong nu aha anu madi' pantas otoa. Atulan aijo' saja' nupake i Harun ka' hi to lelee'nyo.”

IMAMAT 24:22

Hukuman aijo' kona hi belemiu iwi-iwi' ka' suele hi mian anu lengkat mae i salipu'an anu tataapmo atina' hi belemiu, kalana Akumo na Tumpu, Tumpu Allah nu belemiu.”

NOMBILANGMO 10:8

Tolompet haha aijo' tionyo ahi' to ima-imam ka' to ana-anak i Harun na tionyo ahi' mompuuhi. Aijo' na atulan anu tionyo ahi' otuluti nu belemiu sampe toka sidu-sidutu'.

NOMBILANGMO 15:14

Mian anu lengkat mae isalipu'an anu jinojoongmo i lipu' nu belemiu mau ola sasaingoni' kabai jojoongmo sidu-sidutu' tionyo ahi' montuluti iwi-iwi' na atulan aijo' de ia monsombahkonmo koloban kaanon anu hongohisnyo momposanangmo kinyonyoa nu Tumpu.

NOMBILANGMO 15:29

Atulan aijo' opokona suele, maumo pa' hi he na anu nombaumo dosa' anu madi' tinotonggolakon, maumo hi aha mian Israel kabai mian anu lengkat mae i salipu'an anu tinataapmo na jinojoong hi aha.

NOMBILANGMO 18:8

Tumpu notataemo hi Harun, “O'inau'! Iwi-iwi' na anu sinombahkonmo samata-mata hi beleng-Ku anu madi' pinotunu belemiu na tumpunyo. Aijo'mo na bagi miu anu tinantukanmo sampe toka sidu-sidutu'. Aijo' Ku bee'mo hi belemiu ka' hi lee' nu belemiu.

NOMBILANGMO 9:14

De daagi' ko anu hi belemiu mian anu i salipu'an mae anu ko kahanda' molame'akon Paskah, ia molame'akon aijo' tionyo ahi' susumo atulan anu tinantukanmo. Atulan aijo' opake kona hi toto samian mau mian nu Israel mau pe'e mian anu lengkat mae i salipu'an.”

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

YOSUA 8:33

Aha mian nu Israel tiba to pola-polaya', to kapa-kapala nu suludadu, to mia-mian kopian, ka' suele to mia-mian anu lengkat mae i salipu'an anu jojoong ikiijo' hi aha, tinuminjomo i sambiha' ka' sambiha' nu Peti' Palajanjian nu Tumpu mongahopi to ima-imam Lewi anu molemban Peti' Palajanjian aijo'. Sambagian na mian haha aijo' mongahopi Bungkutnyo nu Gerizim, ka' sambagian mule' mongahopi Bungkutnyo nu Ebal. I Musa posaihon nu Tumpu aijo', nompalentahkonmo da aha mombau han anu sumo aijo' de tokamo na tempo'nyo aha mohumpakmo balakat anu jinanji'mo nu Tumpu.

1 SAMUEL 30:25

Lapas aijo' binauakonmo i Daud sa'angu' na atulannyo ka' saja'mo tinulutan nu aha Israel sangkut tempo uuka aiya.