NOMBILANGMO 14:9 - KITAB NU TUMPU ALLA LELE MA'IMAI'

⁹ Boli panggaga hi Tumpu, ka' boli mabuhuk hi mian haha aijo' anu jojoong i lipu' kiijo', kalana dengke na kita mompatundu' aha. Anu monjagai aha nompala'imo aha, panyo Tumpu na monsangalui ahi kita. Jadi, boli mabuhuk.”

NOMBILANGMO 14:9 ပူးပေါင်းရင်းမြစ်များ

KAJADIAN 48:21

Lantas notataemo na i Yakub hi Yusuf, “Sumo anu tinoamo nu beleyum, ukunku silaka malia'mo, panyo Tumpu Allah na montulungi belemiu ka' momboa belemiu minsusule' i lipu' nu mompolee' nu belemiu.

2 TAWARIKH 13:12

Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

NEHEMIA 4:14

Salatan tinoangku taalu' mian da'isan nabuhukmo ahi', pinoto'ingkumo hi aha ka' hi to tu'a-tu'anyo ka' hi to pola-polaya', “Boli mabuhuk hi sampobali'! Boli okolilimi na Tumpu anu mahoson ka' baani ka' pahampatemo, tinjohakon na to utu-utus nu belemiu, to ana-anak nu belemiu, bengkele' ka' laigan nu belemiu!”

MAZMUR 106:24

Lapas mae aha madi'mo nongka'ima'i lipu' anu ma'ima'an hondo aijo', kalana madi'mo pinalesaya hi janji' nu Tumpu.

MAZMUR 121:5

Tumpu na monjagai beleyum Ia saja' i sohipi' nu beleyum da monjagai beleyum.

MAZMUR 14:4

Tumpu notatae, “Pa' madi'mo ko kasinsumbu'annyo na mian toto ide-idek na kinyonyoanyo haha aijo'? Aha tumuu' ola saja' mompahuhui mian anu palesayamo hi Beleng-Ku ka' madi'mo toho' balado'a mae hi Beleng-Ku.”

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

MAZMUR 46:8

Tumpu Anu Balakuasa hondo montoa mae kita, Tumpu i Yakub monjagai mae kita.

MAZMUR 74:14

Belento nompohintutumo iwi-iwi' na ubak nu Lewiatan ka' nompotimbalimo ia kaanon nu anu jojoong i tampat padang anu mateges.

MAZMUR 91:1

Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo,

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 33:16

Mosia na mian monsumbu' taalu' Belento sanang hi belengku ka' hi bansa aiya de belento madi' montulungi kami? Tumpu saja' hingga-hinggat tiba kami aijo'mo na salaku tanda saba' kami madi' pokakana tiba bansa-bansa sangga'at i dunia aiya.”

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YEREMIA 42:11

Bolimo daagi' mongkabuhuk itomundo' Babel ai-aijo'. Aku atina'mo hingga-hinggat hi belemiu ka' montulungimo ka' molapasakonmo belemiu da bolimo nu kuasai nu Babel.

YEREMIA 48:45

Aha mian anu nalaimo madi'mo noko ala nombau apa-apaa aha nambamo nolio paninsulukan kiijo' mae i Hesybon, panyo kota' aijo' suele ahi' pinapumo ka' laigan i Tomundo' Sihon kinaanmo nu apu. Apu nontanggotimo daerah potempasan tiba bungkutnyo nu Moab, lipu' nu to mia-mian anu mongka'ima'i mahampate.

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

DANIEL 9:9

Belento saja' nongampuni ka' mule' nongkalibosi mae, maumo kami saja' panggaga hi belento.

NOMBILANGMO 13:30

Panyo i Kaleb nompokinde'imo da sanang na kinyonyoa nu to mia-mian anu nososonmo hi Musa. Notatae na i Kaleb, “Lipu' aijo' tionyo ahi' otumbuhintomo ka' o alantomo uuka aiya, kalana kita to hoso-hoson timbali mompokala aha.”

NOMBILANGMO 17:6

Han aijo' pinoto'imo i Musa hi aha mian nu Israel. Lantas to pola-polaya' nu aha mombee'mo hi ia, toto sa'angu'an na tokon anu ingala hi toto samian na polaya' nu aha tompukan nu tulunan nu bansa. Iwi-iwi'mo sampulu' ka' ohua' na tokon, ka' sala'sa'angu' kiijo'mo na tokon i Harun.

NOMBILANGMO 20:2

Daagi' kino sansinaan i tampat pinongkema'an nu aha madi' ko ueenyo. Sahingga tinokamo na mian haha aijo' sinihuk hi Musa ka' hi Harun

NOMBILANGMO 24:8

Tumpu Allah anu nomboamo mae aha nosabat lengkat i Mesir, sumomo sapi' anu ma'ela' Ia nahantandukmo kalana monjagai kita. Iwi-iwi' na bansa anu monsampobali' saidi' mae mingkot na ilonyom-Nyo, iwi-iwi' na buku nu aha i hutean-Nyo ka' iwi-iwi' na pana' nu aha pinahapato'akon-Nyo.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 1:21

Belengku notatae: Uka komiu timokamo i da'erah bungkut nu mian Amori, tano anu bine'mo hi kita i Tumpu-Allahnto ka Allah mompole'to. Toa i ahop miu tala-tala na tano' aijo. Lako'mo patundui susumo anu pinalentah nu Tumpu. Bolimo bata-bata kabai mabuhuk.

PO'ULE' INGULIT 1:26

Panyo komiu nolawanimo palentah Tumpu Allah nu belemiu ka madi mongka oho lipu' aijo.

PO'ULE' INGULIT 1:29

Panyo belengku no tatae, boli mabuhuk hi to mia-mian aijo'.

PO'ULE' INGULIT 31:6

Tionyo ahi' kinyonyoa nu belemiu opohoson ka' tionyo ahi' baani. Boli okabuhuk na aha kalana nutulungije nu Tumpu Allah nu belemiu na belemiu. Ia madi' ola mompojohok belemiu sahingga belemiu mompele-pele'mo, kabai mompala'i belemiu.”

PO'ULE' INGULIT 31:8

Tumpu na momboa ka' montulungi beleyum. Ia madi' ola mompojohok belemiu sahingga belemiu mompele-pele'mo kabai mompala'i beleyum. Kalana aijo' boli mabuhuk kabai bata-bata.”

PO'ULE' INGULIT 32:42

Pana'-Ku iwi-iwi' baso'onmo nu baso' nu aha; iwi-iwi' na anu mongewa Aku, Ku pateimo nu bajak-Ku. Madi' Ku pojohok mau mule' pa' ihe na anu mongewa mae Aku; mian anu tinalungku' ka' mian anu binelaonmo suele tionyo ahi' mate.

PO'ULE' INGULIT 7:18

Panyo boli okabuhuk na aha; o' inau' apaa na anu binaumo nu Tumpu Allah nu belemiu hi tomundo nu Mesir ka' hi iwi-iwi' na layatnyo.

PO'ULE' INGULIT 7:21

Jadi boli mabuhuk hi bansa haha aijo'. Tumpu Allah nu belemiu na monjagai belemiu. Ia Tumpu Allah anu talasanggo ka' okabuhuk.

PO'ULE' INGULIT 9:7

Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

YOSUA 14:12

Kalana aijo', bee'mo mae uuka aiya na da'erah nu bungkutnyo anu jinanji'mo nu Tumpu hi belengku tempo'nyo aku tiba to mia-mian anu hingga-hinggat tiba aku ninsusule'mo mae ka' nomboa mae lele ka' pinoto'imo. Tempo'nyo aitu posi belentomo na nohongo, saba' kiijo' mae daagi' ko bansa anu toto daka-daka' osanggohi bansa Enak. Aha jojoong i kota toto daka-daka' anu pinagan nu mesen. Ihe na monsumbu' Tumpu montulungije aku, sahingga ku poko ala na molaa' aha susumo anu pinoto'imo nu Tumpu.”

TO MIA-MIAN KOPIAN 1:22

Tulunan nu bansa Efraim tiba Manasye lee' mae i Yusuf nambamo nontumbuhi kota Betel, anu tempo'nyo aitu sinanggohan Lus. Ka' Tumpu nontulungimo aha. Tempo'nyo anu mondoyoni sinaimo namba i kota aijo',