NOMBILANGMO 14:45 - KITAB NU TUMPU ALLA LELE MA'IMAI'

⁴⁵ Sahingga aha mian nu Amalek ka' aha mian nu Kana'an anu jojoong kiijo' mae nontumbuhimo mae ka' nompatundu'mo aha mian Israel haha aijo' ka' mule' nololoi'mo aha tinoka-toka i Horma.

NOMBILANGMO 14:45 ပူးပေါင်းရင်းမြစ်များ

NOMBILANGMO 21:3

Tumpu nontalimamo poitaon nu mian Israel ka' nontulungimo aha nompatundu'mo mian nu Kana'an. Sahingga aha mian nu Israel nompateimo aha mian nu Kana'an haha aijo' ka' nongideimo kota nu aha haha aijo', lantas tampat aijo' sinanggohanmo nu aha Horma.

TO MIA-MIAN KOPIAN 1:17

Lapas aijo' hingga-hinggat tiba tulunan nu bansa Simeon, tulunan nu bansa Yehuda aijo' nambamo nontumbuhi ka' nompatundu'mo aha mian nu Kana'an anu jojoong i kota Zefat. Aha nongkutukimo kota aijo' lapas aijo' nohopu'imo ka' nonsanggohimo Horma.

PO'ULE' INGULIT 1:44

Lantas mian nu Amori anu monjongi da'erah nu bungkutnyo aijo no sahabatmo mongewa komiu. Konjo'nyo nu aha daisan hondo, susumo posaanguan nu uani'. Aha nololoi komiu konjoonnyo Horma, lantas nompatunduimo komiu i da'erah bungkut nu Edom.

NOMBILANGMO 14:43

De belemiu mahandupa'mo tiba mian nu Amalek ka' mian nu Kana'an aijo', belemiu silakamo i pahampatean. Tumpu madi'mo monsangalui belemiu kalana belemiu madi' tulu-tulutan hi Ia.”

YOSUA 7:5

Mian nu Ai haha aijo' mololoi' mae aha lengkat pe'e i sabatan daka' nu kota Ai tinoka-toka i da'erah tampat pongkekean balang anu i uno nu tano', lantas nompateimo aha tolumpulu' ka' anom na mian i tengke nu bungkutnyo. Sahingga aha mian nu Israel tinolosok'mo na kinyonyoa ka' nabuhukmo.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

NOSABATMO 17:16

Notataemo na i Musa, “Toongi hoso-hoson na Tumpu anu nompo untung kita i pahampatean! Tumpu nahampatemo nongewa mian nu Amelek sampe toka sidu-sidutu'!”

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

NOMBILANGMO 15:1

Tumpu nombee'mo atulan haha aiya hi Musa,

1 SAMUEL 4:2

Suludadu nu aha Filistin nontumbuhimo, ka' salatan sinidamo hondo na nahampate suludadu nu Israel nahungku'mo ka' kila-kila opat na madala na mian nate i pahampatean aijo'.

1 SAMUEL 27:8

Tempo'nyo aitu i Daud tiba to sulu-suludadunyo toto minsan mamba montumbuhi aha mian nu Gesur, mian nu Girzi tiba mian nu Amalek; bansa haha aijo' pininmo na jinojoong i da'erah aijo'. Ia mamba montumbuhi da'erah haha aijo' tinoka-toka i Sur na kinojo'onnyo ka' mule' nokiijo' i Mesir.

MAZMUR 89:43

Belento nompo'untungmo nahampate aha anu monsampobali' mae ia, ka' iwi-iwi' na mian anu nongewa mae ia i lame'mo.