NOMBILANGMO 14:34 - KITAB NU TUMPU ALLA LELE MA'IMAI'

³⁴ Belemiu saidi' mae montanggungmo hukuman nu dosa' nu belemiu kopinnyo patompulu' na taun; sataun toto patompulu' na sinaa na olotnyo, sansinaa na opake monselidiki tano' aijo'. Osumbu'je nu belemiu mosia de Aku mongka'idekimo belemiu!

NOMBILANGMO 14:34 ပူးပေါင်းရင်းမြစ်များ

1 TOMU-TOMUNDO' 8:56

“O puji' na Tumpu anu nombee'imo mae ka'amanan hi mian anu pinalesayamo hi ia susumo anu jinanji'-Nyomo hi Musa posaihon-Nyo. Iwi-iwi' na anu ma'ima' anu jinanji'-Nyomo ginanapan-Nyomo.

2 TAWARIKH 36:21

Sumo aijo'mo na tinimbali susumo apaa na anu pinoto'imo nu Tumpu hi Yeremia tukoonyo lipu' aijo' timbalimo tano' mateges 70 taun na kopinnyo salaku bau pombolosi taun-taun Sabat anu madi'mo kinali-kalinga.

MAZMUR 105:42

Kalana saja' nu inau' nu Tumpu na anu jinanji'-Nyomo, hi Abraham, posaihon-Nyo.

MAZMUR 38:4

Tahahumo ahi' na sakitku kalana tambuha' nu Belento; madi'mo daagi' ko anu mahoson i uno nu butongku kalana dosa'ku.

MAZMUR 77:8

“Pa' toka-tokamo sidu-sidutu' na Tumpu madi'mo mae monginau' ka' madi'mo daagi montalima?

MAZMUR 95:10

Pinatompulu' na taun na kopinnyo na aku lewa' nonguahi nontoa aha; Aha notataemo: Totu-totu'u, bansa aijo' madi' tulu-tulutan! Aha madi' mompajuli iwi-iwi' na palentah-ngKu.

YEHEZKIEL 14:10

Maumo nabi aijo' kabai aha anu momoita pokinde'nyo saidi' mae mohumpakmo hukuman anu pokakana.

YEHEZKIEL 23:35

Tumpu Anu Matangkas na Kuasanyo notatae, “Kalana beleyum nongkolilimimo Aku, ka' nohikumo mae Aku, beleyum mongoa'imo kasansala'an kalana taha-tahahumo na napisu majota hi mo'ane na beleyum ka' sola-sola' masala' na beleyum.”

YEHEZKIEL 4:6

Lapas atina' male'mo maninsohipi' sasu koanan ka' oa'imo pa' mosia na hukuman anu opokana ikasala'an nu aha Yehuda patompulu' na sinaa na kopinnyo, sansinaa mongibalatakon sataun na hukuman nu aha.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

IMAMAT 20:19

De ko samian na mo'ane moduhusmo tiba dada'nyo, ua-ua'aha tionyo ahi' mohumpak hukuman, kalana nombaumo kasala'an aijo'.

ZAKHARIA 11:10

Lantas tokon anu sinanggohanku i “Kanonongan” aijo' ingalangkumo ka' pinato'kumo da bolimo osidahakon na palajanjian anu binaumo nu Tumpu hi iwi-iwi' na bansa.

NOMBILANGMO 13:25

Pinoko doyonan nu aha ima-ima' na lipu' aijo' kinopinnyo pinatompulu' na sinaa, aha anu lewa' nondoyoni aijo' ninsusule'mo

NOMBILANGMO 18:23

Otampu'uni uuka aiya ola aha mian nu Lewi na timbali mongkalesang Kemah-Ku ka' anu montanggungi hondo pakalaja'an aijo'. Atulan aijo' opake suele hi lee' nu belemiu sampe toka sidu-sidutu'. Aha mian nu Lewi madi' ko pombagian apa-apaa i Israel,

NOMBILANGMO 32:13

Tumpu nontambuha'imo bansa Israel sahingga Ia nompojohokmo aha nahalajangan i padang bola pinatompulu' na taun na kopinnyo sahingga iwi-iwi' na mian anu noto idekmo hi Ia sinilakanmo iwi-iwi'.

SISIKON NU TO RASUL-RASUL 13:18

Sinabaanakonnyo na mongkona kalakuan nu aha i padang bolaa patompulu' na taun na kopinnyo.

PO'ULE' INGULIT 2:7

O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

YOSUA 14:10

Uuka aiya patompulu'mo ka' olima' na taun salatanmo pe'e Tumpu nompoto'i han aijo' hi Musa. Aijo' jinadi tempo'nyo bansa Israel hau-haunyo lewa' namba sinongko i tampat anu ewa ola saja' bone' sumomo padang. Ka' susumo anu jinanji'mo nu Tumpu, Tumpu suele nonjagaimo aku sahingga aku sabole-bole tinumuu' sampe uuka aiya. Soba toa, umunku uuka aiya ualumpulu'mo ka' olima' na taun,

ANU PINOTO'I HI YOHANES 11:3

Aku monsaije ua'aha na sakising-Ku anu mompusok baju' monsusa'akon anu silakamo, ka' aha mompoto'ije lele nu Tumpu Allah kopinnyo 1.260 na sinaa.”

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.