NOMBILANGMO 14:30 - KITAB NU TUMPU ALLA LELE MA'IMAI'

³⁰ Kalana aijo' belemiu tionyo ahi' matemo ka' bangke' nu belemiu motanatamo i padang bola aiya. Olamo i Kaleb ka' i Yosua na anu daagi' tumuu', madi' ko samian pe'e anu atina' hi belemiu anu umunnyo uampulu'mo na taun mokiita' na timbali minsoop i lipu' anu jinanji'-Kumo hi belemiu.

NOMBILANGMO 14:30 ပူးပေါင်းရင်းမြစ်များ

KAJADIAN 14:22

Panyo tinaaman i Abram, “Aku basumpa' i ahop nu Tumpu, Tumpu Allah Anu Matangkas hondo na kuasanyo, anu Nompotimbalimo langit ka' tano,

MAZMUR 95:11

Sahingga kalana anu notambuha'mo, aku binasumpa'mo, aha madi'mo timbali minsoop i lipu' aijo' da milawe hingga-hinggat tiba aku.”

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

YEHEZKIEL 20:15

I padang tampat anu kaho bone'nyo aijo' suele Aku nontambuha'imo tukoong-Ku bansa Israel madi'mo daagi' Ku boa minsoop itano' anu pinotoukakonmo hi aha aijo'mo tano' anu kaya ka' mule' ma'omuk ka' mule' anu ma'ima' hondo isongko-songko na dunia.

YEHEZKIEL 20:38

To mia-mian anu saja' motomuhuk tiba anu saja' mombau palabuatan anu ma'idek madi'mo Ku pogalum atina' hi belemiu. Aha Ku boamo mosabat lengkat lipu' iwi-iwi', tampat nu aha tempo uuka aiya ka' madi'mo Ku pobee' minsusule' itano' nu Israel. Sahingga nu sumbu'je nu belemiu taalu' Akumo ahi' na Tumpu.”

NOMBILANGMO 14:24

Panyo madi' sumo aijo' na posaihon-Ku i Kaleb. Ia saja' tulu-tulutan hi beleng-Ku. Kalana aijo' ku boa na ia i lipu' anu pininsoopannyomo. Uuka aiya aha mian nu Amalek ka' aha mian nu Kana'an jojoong kiijo' i bangka'nyo. Panyo da'erah aijo' saidi' mae timbalimo anu nu lee' i Kabel, posaihon-Ku aijo'. Dodop belemiu tionyo ahi' minsusule'mo mambamo i padang bola sasu Luoknyo nu Akaba.”

NOMBILANGMO 14:38

Aha sampulu' ka' ohua' na anu namba nondoyoni, ola i Yesua ka' i Kaleb na anu daagi' tutuu'.

NOMBILANGMO 26:65

Pinoto'imo nu Tumpu tukoonyo aha iwi-iwi' tionyo ahi' silakamo i padang bola. Ka' memang aha sinilakamo iwi-iwi' me i Kaleb anak i Yefune tiba i Yosua anak i Nun, na anu daagi' tutuu'.

NOMBILANGMO 32:12

Iwi-iwi' na mian mohumpak hukuman aijo' ola i Kaleb anak i Yefune, mian nu Kenas, tiba i Yosua anak i Nun na madi', kalana ua-ua'aha na saja' ahi' tulu-tulutan hi Tumpu.

ANU PINOTO'I HI YOHANES 10:6

Ia binasumpa' tiba sanggo nu Tumpu anu tumuu' sampe toka sidu-sidutu', anu nompotimbalimo langit, dunia ka' ambai tiba batu-batu anu daagi' i unonyo. Malaikat aijo' notatae, “Tempo'nyo madi'mo daagi' o tunda!