NOMBILANGMO 14:22 - KITAB NU TUMPU ALLA LELE MA'IMAI'

²² saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

NOMBILANGMO 14:22 ပူးပေါင်းရင်းမြစ်များ

KAJADIAN 31:41

Sumo aijo' na bau-baunyo aku tempo'nyo nokalaja hi belento babo', sinampe uwampulu' na taun na kopinnyo. Sampulu' ka' opat na taun na kinopinnyo aku nokalajamo da mongosoai anak nu kita Babo' ua-ua'aha aijo' – ka' daagi' inganom na taun da mohumpak pahasan nu mee' ka' domba aijo'. Ka' tempo'nyo aitu mule' kita Babo' nombabali'imo tambongku sampe pinimpitun.

KAJADIAN 31:7

Mau mule' sumo aijo' aku ingakalannyomo ka' ingabali'nyomo na tambongku sampe pininsampulu'mo. Panyo Tumpu Allah madi' mompojohok ia mombau anu ma'idek hi belengku.

AYUB 19:3

Saja'mo belemiu mompopo'ambang aku, ka' madi' ma'ambang na belemiu monsakisa aku.

MAZMUR 106:14

I tampat padang anu mateges na tano'nyo aha sinuha'mo nu napisu, sahingga nonsobaimo Tumpu.

MAZMUR 106:26

Sahingga binasumpa'mo na Ia ka' binajanji'mo, mompateimo aha i tampat padang anu mateges na tano'nyo aijo'.

MAZMUR 78:41

Saja'mo ahi' na aha nonsobai Tumpu nongideimo kinyonyoa nu Anu Susi' hondo, Tumpu nu aha Israel.

NOSABATMO 14:11

Notataemo na aha hi Musa, “Pa' kiijo' mae i Mesir madi' ko polamunan sahingga beleyum nomboamo mae kami da mate i tampat aiya? Toa misa' mingahenmo ma'idek na palabuatan nu beleyum atina'!

NOSABATMO 15:24

Sahingga mian haha aijo' nososonmo hi Musa ka' nompokilawa, “Apaa na o inumto?”

NOSABATMO 16:2

I padang bola aijo' aha iwi-iwi' nososonmo hi Musa ka' hi Harun.

NOSABATMO 17:2

Lantas aha nososonmo hi Musa ka' notatae, “Bee'i mae na kami uee anu o inum.” Tinaaman i Musa, “Kadaka' komiu nososonmo ka' monsobaimo Tumpu?”

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

NOSABATMO 17:7

Tampat aijo' sinanggohanmo Masa kalana i tampat aijo' aha mian nu Israel nonsobaimo Tumpu tempo'nyo aha nompokilawa, “Pa' Tumpu monsangalui mae kita kabai madi'?” Tampat aijo' sinanggohanmo suele Meriba kalana i tampat aijo' aha mian nu Israel nososonmo.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

NOSABATMO 5:21

Notataemo na mandon haha aijo', “Tumpu monsumbu' apaa na anu binaumo nu belemiu! Ia mohukumo belemiu! Belemiu na nonsaduakon kami kina'idekanmo i tomundo ka' to pangka-pangkat anu mokalaja hi ia, sahingga aha mongkahanda'imo mompatei kami.”

YESAYA 42:20

O, Israel, manjoo'mo na anu tinoa nu beleyum panyo madi' nu palahatikan, bihing nu beleyum tabuka' panyo madi' beleyum mohongo.”

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”

NOMBILANGMO 11:1

Daagi' kino sansinaan aha bansa Israel nontampu'unimo nososon hi Tumpu kalana nongoa'imo sagala kasusa'an nu aha. Nohongo aha nososonmo aijo' Tumpu pinusamo ka' nompotokamo mae apu hi aha. Apu nolelemo hi aha ka' nompapuimo sambagian na kemah nu aha.

NOMBILANGMO 11:4

Aha namba na mian nu Israel haha aijo', daagi' ko to mia-mian anu lengkat mae i Salipu'an na nombatuki. Aha aijo' mongkahanda'i hondo mongkaan ponoka', ka' mian nu Israel suele nontampu'unimo nososon. Aha notatae, “Yoh, soba pa' ko ponoha' hi kita!

NOMBILANGMO 12:1

I Musa nongalamo samian na boune mian nu Kus binaunyomo bengkele'nyo, ka' han aijo' binaumo sabab i Miryam ka' i Harun da nompisala'imo i Musa.

NOMBILANGMO 14:11

Tumpu notataemo hi Musa, “Daagi' hipian na kopinnyo na mian haha aijo' panggaga hi beleng-Ku? Sampe toka hipian na aha madi' mongka'oho' palesaya hi beleng-Ku, padahan Aku nombaumo manjoo' hondo na anu okabangangi hi aha?

NOMBILANGMO 14:2

Aha lewa'mo monsosoli' i Musa ka' i Harun, ka' montaloakon, “Lebe ma'ima' kita matemo mae i Mesir kabai i padang bola aiya! Pojohokmo da kita matemo!

NOMBILANGMO 32:12

Iwi-iwi' na mian mohumpak hukuman aijo' ola i Kaleb anak i Yefune, mian nu Kenas, tiba i Yosua anak i Nun na madi', kalana ua-ua'aha na saja' ahi' tulu-tulutan hi Tumpu.

MATIUS 4:7

I Yesus nontaami, “Panyo i uno nu Kitab nu Tumpu tinulis mule', ‘Boli beleyum monsobai Tumpuum.’ ”

1 KORINTUS 10:5

Mau mule' sumo aitu kanjoo'annyo na aha madi' nuka'ima'i nu Tumpu, ka' aijo'mo na sababnyo bangke' nu aha haha aijo' notanata i padang bolaa.

1 KORINTUS 10:9

Kita madi' timbali monsoba-soba Tumpu, sumo anu binau nu sambagian aijo' hi aha naipuan mae, sahingga aha i nate binahe' nu ulo anu ko bisa'nyo.

PO'ULE' INGULIT 9:7

Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.

IBRANI 3:9

‘Kiijo' mae mompolee' miu nonsobaimo Aku, ka' nonguji'mo Aku’, na koo-Nyo nu Tumpu, ‘padahan aha nontoamo anu binaung-Ku patompulu' na taun na kinopinnyo.’