NOMBILANGMO 14:14 - KITAB NU TUMPU ALLA LELE MA'IMAI'

¹⁴ ka' aha monsisikje hi to mia-mian i lipu' aijo', anu nohongomo taalu' Belento, Tumpu, nonsangaluimo mae kami. Aha nohongomo mule' taalu' Belento, Tumpu, nanintoamo hi kami tempo'nyo Belento i lumajangmo namba momona hi kami i uno nu kundom de sinaamo, ka' i uno nu apu de pihimo.

NOMBILANGMO 14:14 ပူးပေါင်းရင်းမြစ်များ

KAJADIAN 32:30

Lapas aijo' i Yakub notataemo, “Aku nompaha piamo tiba Tumpu Allah, ka' aku daagi' tinumuu'.” Kalana aijo' sinanggohannyomo na tampat aijo' Pniel.

NEHEMIA 9:12

Kundom binaumo pinohohungi nu belento aha de sinaamo. Ka' de pihimo na aha lumajang nu jingkaimo nu belento nu apu.

NEHEMIA 9:19

Panyo i padang anu mateges aijo' aha madi' ahi' pinala ian nu Belento, kalana Belento talalo ahi' mongkalibosi. Kundom anu tinumatampokmo ka' mule' apu madi'mo ingalinan nu Belento. Binaumo pompotiju'jalan nu aha sinaa ka' mule' pihi.

MAZMUR 105:39

Tumpu nongkokamo kundom da bau pohohungi mian anu palesayamo hi Ia, ka' apu na bau ponjingkai de pihimo.

MAZMUR 78:14

Ia nolaya'mo aha, ka' kundom na binau pinohohungi de sinaamo ka' apu na binau pinonjingkai de pihimo.

NOSABATMO 15:14

To bansa-bansa nohongomo ka' i lakatnyomo; mian nu Filistin ka' to pola-polaya' nu Edom ginago'mo. Mian nu Moab anu toto babaani i lakatnyomo, mian nu Kana'an kinulangmo na kinyonyoanyo.

NOSABATMO 33:11

Tumpu tiba i Musa nompaha ahop susumo mian basisik tiba sangalunyo. Lapas aijo' i Musa minsusule'mo i kemah kajojoongannyo. Panyo i Yosua anak i Nun anu daagi' olitau, anu saja' montulungi kalaja' i Musa, na sajojoongnyo ahi' i Kemah aijo'.

NOSABATMO 33:16

Mosia na mian monsumbu' taalu' Belento sanang hi belengku ka' hi bansa aiya de belento madi' montulungi kami? Tumpu saja' hingga-hinggat tiba kami aijo'mo na salaku tanda saba' kami madi' pokakana tiba bansa-bansa sangga'at i dunia aiya.”

NOSABATMO 40:38

Tempo'nyo bansa Israel namba ka' lewa' nolali-lalin, Tumpu jojoong i Kemah aijo', susumo kundom de sinaamo ka' susumo apu de pihimo.

NOMBILANGMO 10:34

De aha mambamo mompala'imo tampat pinombauan nu aha kemah, kundom nu Tumpu na saja' mohohungi aha i singit nu sinaa.

NOMBILANGMO 12:8

Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 14:9

Panyo i Yesus nontaami, “Sumo u'ukamo na kinopiinnyo Aku no'imboa tiba komiu, ka' madi' mule' beleyum monsumbu' Aku, Filipus? Mian anu nontoamo Aku, nontoamo Tuuma. Mosia ka' beleyum timbali notaloakon, ‘Potiju'akon mae na Tuuma hi kami’?

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

PO'ULE' INGULIT 1:19

“Salatan susumo anu pinalentakon Tumpu Allahnto kita nompala'i Bungkut nu Sinai ka i lumajang non tulu padang bola anu ewa ka'okabuhuk mokijo da'erah bungkut nu mian Amori.

PO'ULE' INGULIT 34:10

Hi aha bansa Israel madi'mo ko nabi anu susumo i Musa timbali motatae mompaha ahop ka' mompaha tonto' tiba Tumpu.

PO'ULE' INGULIT 5:24

Aha notatae, ‘Tumpu Allah-nto nompotoamo kakuasa'an-Nyo ka' katalasanggoan-Nyo tempo'nyo kami nohongomo Ia notatae i uno nu apu. Sinaa aiya kami nonsakisimo taalu' memang timbali na manusia tataap tumuu', maumo Tumpu Allah notataemo hi ia.

PO'ULE' INGULIT 5:4

Lengkat mae i apu aita' i bungkutnyo aijo' Tumpu kahanda'mo motatae hi belemiu.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.