NOMBILANGMO 13:33 - KITAB NU TUMPU ALLA LELE MA'IMAI'

³³ Ka' mule' kami nontoa mian haha kiijo' sumomo raksasa, lee' mae nu aha mian nu Enak. De opokakanakon tiba aha, o'oa'i mami na kami ola sumo kihi-kihi' ka' tantumo sumo aitu na aha montoa mae kami.”

NOMBILANGMO 13:33 ပူးပေါင်းရင်းမြစ်များ

PO'ULE' INGULIT 1:28

Jadi bau apa na kita mokijo? Tomi-mian anu pinokaunto no kijo' mombau kita mabuhuk tiba mompotoiakon saba bansa aijo lebe mahason ka lebe bani hondo tiba kita, ka'aha mule' jojong i kota-kota anu ko pimpi'nyo ko tangkasnyo toka i langit.

YESAYA 40:22

Anu nompotimbali ia jojoong ibuan nu dunia aiya anu timpo-timpodon mian anu jojoong i unonyo otoa mae me toto ise-ise' susumo kihi-kihi'. Ia nomboka langit susumo hude, ka' nompokona susumo kemah bau kajojoongan.

KAJADIAN 6:4

Tempo'nyo aitu, ka' mule' ilapas na aijo' daagi' ko to mia-mian anu daka' hondo na butongnyo i dunia. Aha lee' nu to lalangkoyang nu manusia anu no'osoamo tiba to mala-malaekat. To mia-mian anu daka' hondo na butongnyo aijo' to babaani hondo ka' mian haha aijo' talasanggo hondo tempo'nyo naipuan mae.

1 SAMUEL 17:42

Panyo salatan ia nontoamo i Daud, ka' nontoamo apaa na anu totoong hi ia, i Goliat kinumojomo mongkokojoi i Daud kalana ma'isa tu'a hondo ka' olitau hondo.

PO'ULE' INGULIT 9:2

Miannyo to daka-daka' ka' mahoson na butongnyo; aha aijo' raksasa, ka' i hongomo nu belemiu, madi' ko samian anu moko ala mongewa aha.

PO'ULE' INGULIT 3:11

I tomundo Og me sausa'nyo ia, na mian nu aha Refaim. Peti' pinongisian ia sinilaka batu na pina'at ko mantanyo opat na meten ka' ko bolanyo ohanimo ohua' na meten na sukatannyo anu tinantukan. Sampe tempo' uuka aiya daagi' timbali otoa kiijo' i Raba kota nu aha mian Amon.)

1 TAWARIKH 11:23

Ia toho'mo suele nompatei mian nu Mesir samian anu daka' hondo na butongnyo; ko tangkasnyo molabi ohua' na meten. Mian aijo' ko toongon bau pimuhuk te talombo' anu daka' hondo, panyo ingahopan i Benaya ola amangkun na toongonnyo. Talombo' anu i lima nu mian nu Mesir aijo' ingagoannyo lantas aijo'mo na pinompateinyo mian aijo'.

PO'ULE' INGULIT 2:10

Naipuan mae Ar nujojoongi nu aha mian Emim. Butong nu aha to daka-daka', pokakana mian nu aha Enak, suele bansa anu to daka-daka'.

NOMBILANGMO 13:22

Momonanyo aha nokiijo' i sasu selatan lipu' aijo' ka' tinokamo i kota Hebron, jojoongan nu aha mian Ahiman, Sesai ka' Talmai, lee' mae i Enak. Hebron pinotinjo popitu'mo na taun na kinopinnyo ma'isa pe'e ko kota Zoan kiijo' mae i Mesir.

NOMBILANGMO 13:28

Panyo mian nu lipu' haha kiijo' to hoso-hoson. Ka' kota nu aha to daka-daka' ka' binauan bentengnyo. Ka' mule' tinoa mami aha lee' mae nu aha mian anu toto daka-daka' na butongnyo.

NOMBILANGMO 14:1

Sampahu-pahu aha mian Israel lewa'mo moloboo' ka' lewa'mo humang.

YOSUA 11:21

Tempo'nyomo aitu suele na i Yosua namba nompatei iwi-iwi' bansa Enak, aijo'mo bansa anu toto daka-daka' na butong nu aha anu jojoong i da'erah nu bungkutnyo – kiijo' mae i Hebron, Debir, Anab, ka' songko-songko na da'erah nu bungkutnyo Yehuda tiba Israel. Aha iwi-iwi' pinateanmo i Yosua ka' iwi-iwi' na kota nu aha ingideanmo.

YOSUA 14:12

Kalana aijo', bee'mo mae uuka aiya na da'erah nu bungkutnyo anu jinanji'mo nu Tumpu hi belengku tempo'nyo aku tiba to mia-mian anu hingga-hinggat tiba aku ninsusule'mo mae ka' nomboa mae lele ka' pinoto'imo. Tempo'nyo aitu posi belentomo na nohongo, saba' kiijo' mae daagi' ko bansa anu toto daka-daka' osanggohi bansa Enak. Aha jojoong i kota toto daka-daka' anu pinagan nu mesen. Ihe na monsumbu' Tumpu montulungije aku, sahingga ku poko ala na molaa' aha susumo anu pinoto'imo nu Tumpu.”

YOSUA 15:14

Lee' mae i Enak aijo'mo aha mian nu Sesai, Ahiman tiba Talmai. I Kaleb nolaa'mo aha iwi-iwi' da madi'mo jojoong i Hebron.

1 SAMUEL 17:24

Salatan tinoamo nu aha na i Goliat aha nabuhukmo ka' nopalaimo.