NOMBILANGMO 13:29 - KITAB NU TUMPU ALLA LELE MA'IMAI'

²⁹ Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

NOMBILANGMO 13:29 ပူးပေါင်းရင်းမြစ်များ

KAJADIAN 14:7

Lapas aijo' aha anu nololoi' po'ule'mo ninsusule' mae ka' namba nokiijo' i En-Mispat anu tempo' uuka sinanggohanmo Kades. Aha nompatundu'mo songko-songko na tano' nu Amalek ka' nompatundu'mo mian nu Amori anu jojoong kiijo' i Hazezon-Tamar.

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

MAZMUR 83:7

bansa Edom ka' Ismael, to mia-mian nu Moab tiba Hagar;

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

NOMBILANGMO 13:17

Salatan i Musa nonsaimo aha da mambamo, pinoto'inyomo hi aha, “Lako' lajang mokiijo' sasu utara, mompatui sasu selatan lipu' nu Kana'an, lantas lau-lausmo i da'erah anu i puge'nyo.

NOMBILANGMO 13:30

Panyo i Kaleb nompokinde'imo da sanang na kinyonyoa nu to mia-mian anu nososonmo hi Musa. Notatae na i Kaleb, “Lipu' aijo' tionyo ahi' otumbuhintomo ka' o alantomo uuka aiya, kalana kita to hoso-hoson timbali mompokala aha.”

NOMBILANGMO 14:43

De belemiu mahandupa'mo tiba mian nu Amalek ka' mian nu Kana'an aijo', belemiu silakamo i pahampatean. Tumpu madi'mo monsangalui belemiu kalana belemiu madi' tulu-tulutan hi Ia.”

NOMBILANGMO 14:45

Sahingga aha mian nu Amalek ka' aha mian nu Kana'an anu jojoong kiijo' mae nontumbuhimo mae ka' nompatundu'mo aha mian Israel haha aijo' ka' mule' nololoi'mo aha tinoka-toka i Horma.

NOMBILANGMO 24:20

Noko lapas na nontoa aijo' i Bileam nontoamo aha mian nu Amalek. Sahingga ia nontaloakonmo potatae sumo uuka, “Iwi-iwi' na bansa i dunia aiya, Amalekmo na anu talalo daka' na kuasanyo. Panyo bansa aijo' i mihinyo mae, mingkotmo sampe toka sidu-sidutu'.”

PO'ULE' INGULIT 20:17

Susumo anu pinalentahkon nu Tumpu Allah nu belemiu, belemiu tionyo ahi mompatei aha mian nu Het, Amori, Kana'an, Feris, Hewi ka' Yebus.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 10:5

Sahingga aha olima' na tomundo nu Amori aijo', aijo'mo tomundo nu Yerusalem, Hebron, Yarmut, Lakhis ka' Eglon nosa'angu'mo lantas iwi-iwi' na suludadu nu aha nontikumo ka' nontumbuhimo Gibeon.

YOSUA 10:6

Aha mian nu Gibeon nompolelemo lele aiya hi Yosua kiijo' i kemah nu aha i Gilgal, “Boli opojohok nu belento na kami ola sausa' Tuumangku! Lia-lia' toka mae montulungi kami, kalana suludadu lengkat mae hi tomundo nu aha Amori iwi-iwi' i da'erah anu i bungkutnyo nosa'angu'mo mongewa kami!”

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 9:1

Lele nu aha Israel anu saja' untung i pahampatean tinogilelemo hi iwi-iwi' na tomundo i sasu kinsoban Kaunyo nu Yordan – aita' mae i bungkutnyo, i tengke nu bungkutnyo ka' i hatanyo tutuus sonibi nu Ambai anu Totonga'nyo kojo'onnyo toka-toka i Bungkutnyo nu Libanon sasu utara aijo'mo to tomu-tomundo nu aha Het, Amori, Kana'an, Feris, Hewi ka' Yebus.

TO MIA-MIAN KOPIAN 3:5

Mokonyo aijo' aha mian nu Kana'an, Het, Amori, Feris, Hewi tiba Yebus tataap jojoong i lipu' aijo' hingga-hinggat tiba mian nu Israel.

TO MIA-MIAN KOPIAN 6:3

Ka' mule' de aha mian nu Israel anu mongale' mosu'anmo apa-apaa, tokamo mae na mian nu Midian tiba aha mian nu Amalek ka' to mia-mian anu lengkat mae i padang bone', montumbuhi aha mian nu Israel.

1 SAMUEL 14:48

Ia nahampate binaanimo hondo ka' nompatundu'mo aha mian nu Amalek, ka' nompobebasmo mian nu aha Israel da madi'mo kinuasan nu tololang.

1 SAMUEL 27:8

Tempo'nyo aitu i Daud tiba to sulu-suludadunyo toto minsan mamba montumbuhi aha mian nu Gesur, mian nu Girzi tiba mian nu Amalek; bansa haha aijo' pininmo na jinojoong i da'erah aijo'. Ia mamba montumbuhi da'erah haha aijo' tinoka-toka i Sur na kinojo'onnyo ka' mule' nokiijo' i Mesir.

1 SAMUEL 30:1

Inguansinaamo na i Daud tiba to sulu-suludadunyo tinokaje i kota' Ziklag. Salatan tinokamo ikiijo' tinokan nu aha mian nu Amalek nontumbuhimo mae sasu salatan lipu' nu aha Yehuda ka' nontumbuhimo mule' Ziklag. Madi' ko anu pinatean nu aha mau ola samian. Panyo pinapuanmo nu aha na kota' aijo' sampe noangot, lantas aha lau-lausmo namba ka' nomboamo to bou-boune, to ana-anak ka' mian sangga'at. Aha mule' nohakopmo bengkele' i Daud ua-ua aha i Ahinoam tiba i Abigail, tiba to ana-anaknyo ka' suele bengkele' tiba to ana-anak nu suludadunyo. I Daud tiba to sulu-suludadunyo sinusa'mo hondo, sahingga aha lewa'mo nohaangi ka' luusmo hondo na butong nu aha.

1 SAMUEL 7:14

Kota' nu aha Israel iwi-iwi' anu pinatundu'mo nu mian Filistin, lengkat pe'e mae i Ekron tinoka-toka i Gad, sinule'akonmo hi aha mian Israel. Jadi po ule'mo i humpak nu aha Israel na daerah nu aha. Mian nu Israel tiba aha mian nu Amori nahandamemo.