NOMBILANGMO 13:26 - KITAB NU TUMPU ALLA LELE MA'IMAI'

²⁶ ka' nompoto'imo hi Musa, hi Harun ka' hi iwi-iwi' na aha mian nu Israel anu hau-haunyo sinihukmo kiijo' i Kades, i padang bola Paran. Aha monsisikmo apaa na anu tinoamo mae nu aha ka' nompotoamo bua-bua' nu sosu'anon haha aijo' anu binoa mae nu aha.

NOMBILANGMO 13:26 ပူးပေါင်းရင်းမြစ်များ

KAJADIAN 14:7

Lapas aijo' aha anu nololoi' po'ule'mo ninsusule' mae ka' namba nokiijo' i En-Mispat anu tempo' uuka sinanggohanmo Kades. Aha nompatundu'mo songko-songko na tano' nu Amalek ka' nompatundu'mo mian nu Amori anu jojoong kiijo' i Hazezon-Tamar.

MAZMUR 29:8

Potatae nu Tumpu nonggayu'mo padang tampat anu mateges Tumpu nonggayu'mo padang tampat anu mateges i daerah Kades.

NOMBILANGMO 13:25

Pinoko doyonan nu aha ima-ima' na lipu' aijo' kinopinnyo pinatompulu' na sinaa, aha anu lewa' nondoyoni aijo' ninsusule'mo

NOMBILANGMO 13:3

Susumo anu pinalentahkonmo nu Tumpu Allah aijo', i Musa nonsaimo aha lengkat mae i padang bola Paran. Iwi-iwi' na mian haha aijo' atina'mo na to pola-polaya' nu aha mian Israel: TULUNAN NU BANSA POLAYA' Ruben i Syamua anak i Zakur Simeon i Safat anak i Hori Yehuda i Kaleb anak i Yefune Isakhar i Yigal anak i Yusuf Efraim i Hosea anak i Nun Benyamin i Palti anak i Rafu Zebulon i Gadiel anak i Sodi Manasye i Gadi anak i Susi Dan i Amiel anak i Gemali Asyer i Setur anak i Mikhael Naftali i Nahbi anak i Wofsi Gad i Guel anak i Makhi

NOMBILANGMO 20:1

I bitu'on anu momonanyo iwi-iwi' na aha mian nu Israel tinokamo i padang bola Zin ka' jinojoongmo kiijo' i Kades. I Miryam sinilakamo ka' i lamunmo ikiijo'.

NOMBILANGMO 20:14

Lapas aijo' daagi' kiijo' mae i Kades, i Musa nonsaimo bobotokon da mamba mangadap hi tomundo Edom. Aha notatae, “Kami lengkat mae hi aha bansa Israel anu daagi' ko tuusanannyo moto utus tiba belento Tuanku. Ugaat sinumbu'mo nu belento Tuanku na kasusa'an anu nontokaimo kami.

NOMBILANGMO 20:16

ka' kami nongkakasemo hi Tumpu nomoita tulung. Ia nohongomo poitaon mami ka' nonsaimo mae samian na malaekat. Malaekat aijo' nolaya'mo mae kami nosabat i tano' nu Mesir. Uuka aiya kami kiijo'mo i Kades, sa'angu' na kota kiijo' i potempasan nu da'erah nu belento Tuanku.

NOMBILANGMO 32:8

To tutuuma nu belemiu suele nombaumo sumo aijo' tempo'nyo aku nonsaimo aha lengkat mae i Kades-Barnea da mamba montoa pa' mosia na lipu' aijo'.

NOMBILANGMO 32:9

Aha tinokamo i Bangka'nyo nu Eskol ka' nontoamo tano' aijo'. Panyo salatan aha ninsusule'mo mae, aha nompopobuhukmo bansa Israel da bolimo minsoop i tano' anu binee'mo nu Tumpu hi aha.

PO'ULE' INGULIT 1:19

“Salatan susumo anu pinalentakon Tumpu Allahnto kita nompala'i Bungkut nu Sinai ka i lumajang non tulu padang bola anu ewa ka'okabuhuk mokijo da'erah bungkut nu mian Amori.

PO'ULE' INGULIT 1:2

(Lengkat i bungkut nu Sinai, toka i Kades-Barnea montulu da'erah bungku-bungkut nu Edom, olajangi sampulu'ka saangu na sina.)

YOSUA 14:6

Daagi' kino sansinaan aha mian tulunan nu bansa Yehuda tinokamo mae da singkabot tiba i Yosua kiijo' i Gilgal. Sala'samian na aha aijo'mo i Kaleb anak i Yefune mian nu aha Kenas, notatae, “Koonyo: Yosua! Belento nonsumbu'mo apaa na anu pinoto'imo nu Tumpu hi Musa anu sinaimo mae nu Tumpu Allah aijo', kiijo' i Kades-Barnea mongkona belento tiba aku.

YOSUA 14:7

Umunku patompulu'mo na taun tempo'nyo i Musa, posaihon nu Tumpu aijo', nonsaimo aku lengkat mae i Kades-Barnea salaku anu mondoyoni da osumbu' na lipu' aiya. Ka' aku po'ule' ninsusule' hi ia nomboa lele ka' nompoto'i anu sahondo-hondonyo.