NOMBILANGMO 13:20 - KITAB NU TUMPU ALLA LELE MA'IMAI'

²⁰ Pohoson na kinyonyoa nu belemiu. Toa pa' tano'nyo ma'omuk kabai manjoo' na kau'nyo. Boli okolilimi de minsusule'mo mae momboa mae bua' nu sosu'anon anu ikiijo' mae.” Tempo'nyo aitu montampu'unimo pontipuan anggur.

NOMBILANGMO 13:20 ပူးပေါင်းရင်းမြစ်များ

1 TAWARIKH 22:11

Lantas po'ule' pinoto'i i Daud, “Uuka aiya, anaku o' amalakon da Tumpu Allah nu beleyum saja' montulungi beleyum. Ka' O' amalakon na beleyum da moko ala mompotimbali laigan nu Tumpu anu obau aijo' susumo anu jinanji'-Nyomo.

NEHEMIA 9:25

Mian anu palesayamo hi Belento mongkuasaimo iwi-iwi' na benteng anu bau kahosonan nu aha, tano' anu ma omuk ka' mule' laigan anu manjoo' hondo na kakaya'annyo. Iwi-iwi' na bubung ka' bulakan nu uee ingalamo nu aha, ale' nu anggur, ka' mule' kau' zaitun ka' to bua-bua' nu kau' sangga'at. Aha nolompo'mo kalana nongkaanmo yayamo na anu nu kahanda'i nu kinyonyoa nu aha. Iwi-iwi' apaa na anu ma'ima' bibinee'mo nu Belento tina'upmo nu aha.

NEHEMIA 9:35

Binee'anmo nu Belento to tomu-tomundo' anu nompalentahmo mian anu palesayamo hi Belento, salatan aha jinojoongmo i tano' anu ewa hondo ka' ma'omuk anu bibinee'mo nu Belento. Panyo aha madi' nongkakabasakon kantumuu'an nu aha anu ma'i-ma'idek aijo'. Madi' mongka'oho' tulut totu-totu'u hi Belento ka' mule' madi' monsombah Belento.

YEHEZKIEL 34:14

Memang totu'u Ku posadiaimo na aha padang tampat anu hemputon anu molumba' aita' mae i bungkutnyo tiba ito bangka-bangka'nyo i tano' nu Israel. Ikiijo' mae aha mingkainmo ka' mongototmo hemput madi'mo ko anu mompoposia.

DANIEL 11:24

Tiba akannyo ia montumbuhimo daera-daerah anu molumba' salatan mian anu jojoong ikiijo' monganggapmo au'aitu madi'mo ko anu mompoposia aha. Ia mombaumo apaa na anu ma'isa toho' binau nu mompolee'nyo. Lantas nu bagi-bagiakonmo hi aha anu monsangaja'i ia, iwi-iwi' na balang anu pinahuhuakon haha aijo' tiba kakaya'an anu ihumpaknyo mae i uno nu pahampatean. Ia mombaumo sa'angu' na kapandean da montumbuhimo tampat-tampat anu ko bentengnyo panyo kasampatannyo madi' pin.

MIKHA 7:1

Silakamo na aku! Aku sumomo mian anu no'ohopmo mamba montipu bua' nu kau' padahan nokolapasmo natempo'nyo nimbua'. Madi'mo daagi' ko bua'nyo na to kau-kau' Bua' nu anggur tiba bua' kau' ara anu toto ima-ima' iwi-iwi' iningkotmo tinipuan.

NOMBILANGMO 13:19

Palesa ima-ima' na lipu' aijo' pa' ma'ima' kabai ma'idek, ka' apaa miannyo jojoong i kampung anu kantoan kabai i uno nu kota anu binauan bentengnyo.

PO'ULE' INGULIT 1:24

Aha nompisopi bungkut aijo kojoon bangka'nyo Eskol, ka no lajangimo.

PO'ULE' INGULIT 1:25

Lapas aitu aha ninsusule'mo i kita nomboa bua-bua'on anu i humpak nu aha i kijo' mae ka nompoto'i talu lipu anu nu be'akon nu Tumpu Allah aitu talalo maomuk.

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

IBRANI 13:6

Kalana aijo' kita baani ahi' na motatae, “Tumpu na anu Montulungi mae aku, aku madi' mabuhuk. Apaa na anu nu poko ala nubau nu mian hi belengku?”

YOSUA 1:6

Tionyo ahi' beleyum palesaya totu-totu'u ka' baani kalana beleyumo na molaya' bansa aiya de aha jojoongmo i lipu' anu jinanji'-Kumo hi mompolee' nu aha.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

YOSUA 2:1

Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 2:3

Sahingga i Tomundo nonsaimo mian namba hi Rahab da mompoto'i palentah sumo uuka, “Sabatakon mae na mian haha itina' anu nompoita jojoong pe'e i laigan nu beleyum itina'. Aha mian anu mondoyoni toka mae montoa pa' mosia na da'erah nu Yerikho songko-songko!”