NOMBILANGMO 11:15 - KITAB NU TUMPU ALLA LELE MA'IMAI'

¹⁵ De Tumpu saja' mombau aku sumo aiya, paya'mo na aku; sahanyo pateimo mae na aku lia-lia' da aku madi'mo mongoa'i kasansala'an anu sumo aiya.”

NOMBILANGMO 11:15 ပူးပေါင်းရင်းမြစ်များ

1 TOMU-TOMUNDO' 19:4

lantas ia i lumjangmo tengke nambamo i padang mateges sinansinaa na ia i lumajang sampe tinoka no kiijo' i patu nu kau' anu hopo' hondo na honnyo. I kiijo'mo na kina suhangannyo ka' gagalannyo sahanyo matemo. “Madi'mo ku poko ala mongintim O Tumpu.” Na pinoto'inyo hi Tumpu. “Alamo na nyawangku. Aku madi' lebe ma'ima' molingkudui mompole'ku mae!”

AYUB 7:15

Sahingga gagalanku otekokmo mae na aku lantas silakamo apaa na gunanyo aku tumuu' padahan ola saja' mongoa'i sansala i uno nu kantumuu'an aiya.

NOSABATMO 32:32

Sana-sanang pe'e mae na mongampuni dosa' nu aha; de madi', yo alinimo na sanggongku i kitab nu to mia-mian anu tumuu'?”

YEREMIA 15:18

Kadaka' aku saja'mo mongoa'i sansala? Kadaka' belangku talalomo ahi' tinadok ka' madi'mo dongan ma'alin? Pa' Belento ko kahanda'mo ahi' mompopato kinyonyoangku susumo kaunyo anu mo'otimo itempo' nu posinaa?”

YEREMIA 20:18

Kadaka' aku pinohampemo? Ola da monta'up kasansala'an tiba kasusa'an? Ka' mule' da kantumuu'anku mompala'i anu moko ambang samata-mata?

YUNUS 4:3

Uuka aiya, o Tumpu pojohokmo da aku silakamo, kalana lebe ma'ima' aku silakamo ka' bolimo tumuu'.”

ZEFANYA 3:15

Kalana Tumpu madi'mo mohukum belemiu, ilaa'-Nyomo iwi-iwi' na sampo bali' nu belemiu. Belemiu jinaganmo nu tomundo' Israel aijo'mo Tumpu nu belemiu. Uuka aiya belemiu madi'mo palalu mongoa'i daagi mabuhuk.

YAKOBUS 1:4

O jaga da kasabalan nu kinyonyoa miu aijo' saja' opo boa-boa sampe komiu totu-totu'u ma'ima'mo ka' madi'mo kakulangan i uno nu han mau pe'e pa' apaa.