NOMBILANGMO 10:33 - KITAB NU TUMPU ALLA LELE MA'IMAI'

³³ Salatan aha bansa Israel nompala'imo Sinai, bungkutnyo kajojoongan nu Tumpu, aha i lumajang kopinnyo tinolun sinaa. Peti' Palajanjian nu Tumpu saja' oboa mamba momona da aha molio tampat bau pompotinjoan kemah nu aha.

NOMBILANGMO 10:33 ပူးပေါင်းရင်းမြစ်များ

MAZMUR 95:11

Sahingga kalana anu notambuha'mo, aku binasumpa'mo, aha madi'mo timbali minsoop i lipu' aijo' da milawe hingga-hinggat tiba aku.”

NOSABATMO 19:3

ka' i Musa nindakomo i bungkutnyo aijo' mamba singkabot tiba Tumpu Allah. Tumpu notatae hi Musa i bungkutnyo aijo' ka' nompokaumo ia da mompoto'i hi aha mian nu Israel lee' mae i Yakub,

NOSABATMO 3:1

Tempo'nyo aitu i Musa nolaya' to domba-domba ka' to me-mee' anu i Yitro, moniannyo, imam i tano' nu Midian. Tempo'nyo ia hau-haunyo nomboamo potuu'on haha aijo' nokiijo' i santoa nu padang bola, tinokamo na ia i Bungkutnyo nu Sinai, bungkutnyo anu susi'.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 28:12

Tumpu monsale'akonmo tampat da bau pilawean nu belemiu iwi-iwi' panyo belemiu madi' ahi' mongka'oho' mompotombihing Ia.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YEREMIA 3:16

Lantas de belemiu mompaka panjoo'mo ilipu' aiya, mian madi'mo daagi' mombisalakon Peti' Palajanjian-Ku. Aha madi'mo daagi' mompopikilakon kabai daagi' monginau', pakalaus aha madi'mo daagi' mompalalui ia kabai mombaumo Peti' Palajanjian sangga'at.

YEREMIA 31:2

Ipadang tampat anu mapeges Ku potoaje na kalibosan-Ku hi aha anu madi' tinokan nu kasilaka'an. Tempo'nyo Israel noliomo kantumuu'an anu sanang

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

YEHEZKIEL 20:6

Tempo'nyo aijo' Aku nompohosonmo nu sumpa' na momboa aha mosabat lengkat i Mesir mamba ilipu' anu pinile'an-Kumo da bau kajojoongan nu aha. Lipu' aijo' kaya ka' mule' ma'omuk, tano' anu ma'ma hondo isongko-songko na dunia.

NOMBILANGMO 10:12

Lantas aha mian Israel aijo' nambamo nolundu-lundu nompala'imo padang bola Sinai, ka' kundom aijo' jinojoongmo salatan aha tinokamo i padang bola Paran.

PO'ULE' INGULIT 1:33

anu i lumajang i ahop miu da molioi tampat pombauan tahop. Ia nompotiju' jalan hikomiu tempoknyo pihi tuminjo na apu sumo ohi, ka tempoknyo sinaa tuminjo na kunoom sumo ohi.”

PO'ULE' INGULIT 31:26

“Alamo na kitab nu Atulan nu Tumpu Allah aiya, ka' po'una' i sohipi'nyo nu Peti' Palajanjian nu Tumpu Allah nu belemiu, da saja' sabole-bole ikiijo' bau salaku pomponyata' hi bansa aijo',

PO'ULE' INGULIT 9:9

Aku nindakomo i bungkutnyo aijo' da montalima batu palajanjian anu binau nu Tumpu tiba belemiu. Kinopinnyo pinatompulu' na sinaa ka' pinatompulu' na pihi na aku jinojoong i bungkutnyo aijo' madi' nongkaan kabai nonginum.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

YOSUA 4:7

tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

TO MIA-MIAN KOPIAN 20:27

Tempo'nyo aitu Peti' Palajanjian nu Tumpu Allah kiijo' i Betel, ka' i Pinehas, anak i Eleazar, makumpu i Harun, na mokalaja salaku imam. Sahingga aha mian nu Israel nompokilawamo hi Tumpu, “O Tumpu, pa' tionyo ahi' kami daagi' mamba mompahampateakon to utu-utus mami mian nu Benyamin haha aijo', kabai pa' madi'mo kami aiya mamba mahampate?” Tumpu nontaami, “Tumbuhimo na aha! Dodop Ku bee'imo ka'untungan mahampate na belemiu.”

1 SAMUEL 4:3

Salatan tuha' nu suludadu anu nahungku'mo ninsusule'mo i kemah nu aha, to pola-polaya' nu aha Israel notataemo, “Kadaka' Tumpu nompojohokmo kita da ihungku'anmo nu mian Filistin sinaa aiya? Imbo' da mamba o'alanto na Peti' Palajanjian nu Tumpu kiijo' mae i Silo, da oboantomo mae da nu tulungi nu Tumpu na kita ka' oposalamatmo na kita madi'mo nupatei nu sampo bali'.”