NOMBILANGMO 1:50 - KITAB NU TUMPU ALLA LELE MA'IMAI'

⁵⁰ Pokau na aha mongkalesang Kemah-Ku, tiba posadiaonnyo iwi-iwi'. Kalaja nu aha aijo'mo molemban Kemah-Ku tiba posadiaonnyo ka' mongkalesang. Aha tionyo ahi' mompotinjo kemah kajojoongan nu aha montikubi Kemah-Ku.

NOMBILANGMO 1:50 ပူးပေါင်းရင်းမြစ်များ

2 TAWARIKH 24:6

Kalana aitu i laganyomo na i Imam Yoyada, polaya' nu aha, ka' pinoto'inyomo, “Te misa' i Musa posaihon nu Tumpu nompokaumo mian da'isan da mombayan hasin bau pongongkosi Kemah nu Tumpu? Uuka aiya kadaka' to mia-mian nu Lewi haha aijo' madi' o sekeli nu Belento Tuuma da molimu' hasin hi mian da'isan i Yehuda ka' i Yerusalem?” (

NEHEMIA 12:22

Daputan nu sanggo, nu to tu'a-tu'anyo nu auwan, kona hi aha mian nu Lewi ka' auwan nu aha to ima-imam tinulismo daagi' tempo'nyo to Ima-imam Daka' haha aiya: i Elyasib, i Yoyada, i Yohanan tiba i Yadua. Nontulis aijo' ola tinoka hi Darius tempo'nyo ia daagi' nompalentah salaku tomundo' nu Persia.

NEHEMIA 12:47

Tempo'nyo daagi' i Zerubabel ka' suele mule' tempo'nyo daagi' i Nehemia, iwi-iwi' na mian da'isan Israel mombee' palasombahkon bau pomposukup anu opalalui sansina-sinaa nu to panya-panyanyi ka' anu monjagai Sabatan Daka' Laigan nu Tumpu. Mian da'isan nombee'mo palasombahan samata-mata kona hi to mia-mian nu Lewi ka' to mia-mian nu Lewi suele mombee'i to ima-imam bahagian anu tinantukanmo.

NEHEMIA 12:8

To mia-mian nu Lewi. Anu mongkapalai manyanyi nyanyian pontalima kase hi Tumpu: i Yesua, i Binui, i Kadmiel, i Serebya, i Yehuda ka' i Matanya.

NEHEMIA 13:22

Lantas pinokaungkumo na mian nu Lewi haha aijo' mombau adatnyo pomposusi' butong ka' monjagai sabatan daka' haha aijo' montoa ka' montewa' anu toka mae, da mian iwi-iwi' mongadati sinaa nu Sabat. Aku binalado'amo, “O Tumpu Allah, inau'akon mae na aku kalana han aijo', ka' kalibosiakon mae na aku nu kalibosan nu Belento anu talalo hondo daka'.”

NEHEMIA 13:5

I Elyasib nombee'mo hi Tobia sa'angu' na salipi' anu daka' anu sabenannyo oposadia samata-mata pongisian gandum anu sinombahkonmo hi Tumpu, ka' mule' kamangian, pakakas anu opake i Laigan nu Tumpu, ka' mule' palasombahan mo da obee' hi to ima-imam, anu ingalana sambahagian na gandum, anggur, ka' i sampulu' na lanya' nu zaitun bahagian ka' obee' hi to mia-mian nu Lewi, to mia-mian anu mompahaikakon musik ka' anu monjagai Sabatan Daka' Laigan nu Tumpu.

MAZMUR 122:4

I aiyamo na katokaan mae nu tulunan nu to bansa-bansa, tulunan nu to bansa-bansa anu pinile'anmo nu Tumpu, da montalima kaseh hi Ia susumo anu pinalentahkon-Nyomo.

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

NOSABATMO 38:21

Aiyamo na daputan nu pakakas anu opake i Kemah nu Tumpu tampat anu pompo'una'an ohua' na batu tiba Sampulu' na Palentah nu Tumpu Allah. Daputan aijo' binau kalana pinalentahkon i Musa ka' tinulis nu aha to mia-mian nu Lewi anu mokalaja nu atun i Itamar anak i Imam Harun.

NOMBILANGMO 1:53

Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 10:21

Lapas aijo' nambamo na aha mian nu Kehat anu nomboa to paka-pakakas anu susi'. De aha tokamo i tampat pompotinjoan kemah anu po'ule' mule' opotinjo, Kemah nu Tumpu opotinjomo mule'.

NOMBILANGMO 17:7

Lantas pinotimpasmo i Musa na tokon haha aijo' i uno nu Kemah nu Tumpu i ahop nu Peti' Palajanjian.

NOMBILANGMO 18:5

Ola beleyum, i Harun, tiba to ana-anak nu beleyum na tionyo ahi' mombau pakalaja'an i Salipi' anu Susi' ka' i mezbah, da madi' Ku tambuha'i na bansa Israel.

NOMBILANGMO 2:17

Lapas aijo', i totonga'nyo nu suludadu Israel iwi-iwi', lumajangmo na tulunan nu aha Lewi molemban Kemah nu Tumpu. Susumo aha mompotinjo kemah, sumo aijo' mule' na aha lumajang toto sanggombu kiijo' i tampat nu aha ko posi-posi bandela' nu aha.

NOMBILANGMO 20:11

Lantas i Musa nohangkatmo tokon aijo' ka' nonsapahi bungkutnyo nu batu aijo' pininduan. Sahingga i lubatmo mae na uee mabohos hondo, sahingga mian iwi-iwi' ka' potuu'on nu aha nonginumo.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

NOMBILANGMO 4:3

lantas o tulismo na sanggo nu mo'ane iwi-iwi' anu ko umunmo tolumpulu'mo na taun sampe limampulu'mo na taun anu moko alamo mokalaja i Kemah nu Tumpu.

NOMBILANGMO 8:19

ka' mian nu Lewi haha aijo' Ku bee'mo hi Harun ka' hi to ana-anaknyo da timbali mokalaja hi aha mian nu Israel i Kemah-Ku. Ka' suele da aha momoita da Ku ampuni na bansa Israel da bansa aijo' madi' nukona nu balaa' de aha toka mae talalo ohani i tampat anu susi' aijo'.”

NOMBILANGMO 8:20

Kalana aijo' i Musa, i Harun ka' iwi-iwi' na aha mian nu Israel nonsombahkonmo mian nu Lewi hi Tumpu, susumo anu pinalentahkonmo nu Tumpu hi Musa.

NOMBILANGMO 8:22

Aha mian nu Israel nombaumo iwi-iwi' apaa na anu pinalentahkonmo nu Tumpu hi Musa kona hi aha mian nu Lewi. Sahingga aha mian nu Lewi nohumpakmo hak da mokalaja i Kemah nu Tumpu, ka' polaya' nu aha i Harun tiba to ana-anaknyo.

ANU PINOTO'I HI YOHANES 15:5

Lapas aijo' aku nontoamo Laigan nu Tumpu i suluga' tinontuhea'mo, ka' Kemah nu Tumpu kiijo' i unonyo.