NEHEMIA 9:6 - KITAB NU TUMPU ALLA LELE MA'IMAI'

⁶ Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

NEHEMIA 9:6 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

KAJADIAN 1:9

Lapas aijo' Tumpu notatae mule', “Tionyo ahi' uee anu i aluknyo nu langit mo ili mamba i sa'angu' na tampat, sahingga tano' kantoan”. Lantas han aijo' tinimbalimo.

KAJADIAN 2:1

Lantas ilapasmo na nompotimbali songko-songko na dunia ka' iwi-iwi' na isinyo.

KAJADIAN 32:2

Salatan tinoamo i Yakub na aha ia notataemo, “Aiyamo na pinombauan kemah nu Tumpu Allah,” kalana aijo' sinanggohannyomo na tampat aijo' Mahanaim.

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

2 TOMU-TOMUNDO' 19:15

lantas binalado'amo, ia notatae, “Tumpu, Tumpu Allah Israel anu jojoong kiita' i suluga', Belentomo na sa'a-sa'angu'nyo anu mongkuasai silina na kalaja'an i dunia aiya. Belentomo na anu mompodaagi' langit tiba tano' aiya.

2 TOMU-TOMUNDO' 19:19

O Tumpu, Tumpu Allah mami, lapasakon mae na kami aijo' hi aha to mia-mian nu Asyur da iwi-iwi' na bansa i dunia aiya monsumbu' taalu' ola ahi' belento sa'a-sa'angu'nyo na Tumpu Allah.”

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

MAZMUR 102:25

Lantas aku notataemo, “O, Tumpu boli mongala nyawangku i pohintonga'an nu kantumuu'anku.” O, Tumpu, Belento tumuu' sampe toka sidu-sidutu',

MAZMUR 103:21

O, puji' na Tumpu, o belemiu iwi-iwi' malaekat kiita' i suluga', iwi-iwi' na posaihon-Nyo anu mombau apaa na anu nu kahanda'i.

MAZMUR 115:15

O' amalakon da belemiu nubalakati nu Tumpu anu nompotimbali langit ka' tano'!

MAZMUR 124:8

Anu nontulungi mae kita Tumpu, anu nompotimbalimo langit ka' tano'.

MAZMUR 146:6

Iamo na nompotimbali langit tiba tano', ambai tiba iwi-iwi' na isinyo; Ia saja' manonong sampetoka sidu-sidutu'.

MAZMUR 24:10

Ihe na Tomundo' anu talasanggo aijo'? Tumpu Anu Daka' hondo na Kuasanyo, Iamo na Tomundo' anu talasanggo!

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

MAZMUR 36:6

O Tumpu kalibosan nu Belento matangkas hondo sumo langit ka' mule' kanonongan nu Belento toka-tokamo i kundom.

MAZMUR 86:10

Kalana Belento mahoson ka' baani ka' mombaumo hahan anu okabangangi, olamo samata-mata Belentomo na Tumpu.

YESAYA 37:16

“O, Tumpu Anu Daka' na Kuasanyo, Tumpu anu mongkuasai iwi-iwi' na kalaja'an idunia aiya.

YESAYA 37:20

O, Tumpu, Tumpu mami, posalamat mae na kami da madi' nu patei nu aha mian Asyur haha aijo' da iwi-iwi' na bansa idunia aiya monsumbu' saba' ola-olanyomo ahi' Belento na Tumpu.”

YESAYA 43:10

O, mian anu palesayamo hi beleng-Ku, belemiumo na to sakisi-sakising-Ku, belemiu pinile'an-Kumo da baumo to posa-posaihon-Ku da monsumbu' mae Aku ka' mule' palesaya mae hi beleng-Ku, ka' mangalati'mo taalu' Akumo ahi' na Tumpu. Akumo na Tumpu Anu Sa'a-sa'angu'nyomo madi'mo daagi' ko sangga'atnyo mau ma'isa pe'e ko Akunyo kabai mau daagi'mo ko Akunyo aiya.

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

YESAYA 44:8

O, bansang-Ku, boli mabuhuk kabai tolokengkeng; temisa' salatanmo pe'e naipuan mae sampe uuka aiya, Aku nongkila-kilamo apaa na anu jadi saidi' mae? Belemiumo na to saki-sakising-Ku. Madi'ko anu sangga'at na monjagai, ka' mule' madi' ko anu Kusumbu' sangga'at.”

YESAYA 45:12

Akumo na Tumpu anu nompotimbalimo dunia aiya, ka' mule' nompotimbalimo mian da monjojoongi. Tiba kakuasa'an-Ku, Aku nombokamo langit ka' nompalentahmo batu nu sinaa, bitu'on tiba to manda-mandala'.

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

YEHEZKIEL 20:11

Ikiijo' mae Ku bee'mo na palentah-ngKu hi aha ka' Ku ajanakonmo na atulan-Ku anu tionyo ahi' nu tuluti nu aha kalana mian anu montuluti aijo' na tataap ahi' tumuu'.

YUNUS 1:9

Tinaaman i Yunus, “Aku mian nu Ibrani. Aku monsombah Tumpu, Tumpu anu kiita i suluga', anu nompojadi ambai tiba katano'an.”

YOHANES 10:30

Aku tiba Tuuma sa'a-sa'angu'nyomo.”

SISIKON NU TO RASUL-RASUL 4:24

Salatan i hongo nu to sanga-sangalu nu aha aijo', aha hingga-hinggat nomposa'angu'mo kinyonyoa binalado'a hi Tumpu. Aha notatae, “Tumpu, Kitamo na nompotimbali langit ka' tano', ambai ka' iwi-iwi' na isinyo.

PO'ULE' INGULIT 10:14

Tumpu Allah nu belemiu ko langit-Nyo matangkas; ka' ko tano'-Nyo ka' iwi-iwi' apaa na anu daagi' aijo' i tano'.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

PO'ULE' INGULIT 6:4

To utu-utus, jaga mae! Ola Tumpu, ka' ola Tumpu na Tumpu Allah-nto!

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 1:6

Panyo tempo'nyo Tumpu nonsai mae Anak-Nyo tumpe-tumpe toka i dunia aiya, Tumpu notataemo sumo uuka, “Iwi-iwi' na malaikat nu Tumpu patut monsombah Anak aijo'.”

ANU PINOTO'I HI YOHANES 14:7

Malaikat aijo' notatae daka-daka', “Pabuhukmo hi Tumpu Allah ka' o puji' na katalasanggoan-Nyo! Kalana tempo'nyomo na Tumpu momputusimo mian. O sombah na Ia anu nompotimbalimo langit, tano', ambai ka' iwi-iwi' na mata nu uee!”

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”