NEHEMIA 9:38 - KITAB NU TUMPU ALLA LELE MA'IMAI'

³⁸ Kalana hahan anu jinadimo aijo', kami mian da'isan aha Israel nombaumo palajanjian totu-totu'u ka' mule' palajanjian aijo' tinulismo ka' sinapmo nu aha to pola-polaya' mami, to mia-mian nu aha Lewi ka' samian na imam mami.

NEHEMIA 9:38 ပူးပေါင်းရင်းမြစ်များ

2 TAWARIKH 23:16

I imam Yoyada nonsale'imo i Tomundo Yoas tiba mian da'isan hingga-hinggat suele tiba ia da balajanji'mo tukoonyo aha, aha timbalimo mian anu palesayamo hi Tumpu.

2 TAWARIKH 29:10

Uuka aiya aku kahanda'mo mombau palajanjian tiba Tumpu, Tumpu Allah nu Israel, da Ia madi'mo montambuha'i kita.

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

NEHEMIA 10:1

Mian anu momona nontekengi sulat aijo', aijo'mo i Gubernur Nehemia anak i Hakhalya. Lapas aijo' i Zesekiamo. Ilapas na aha aijo' atina'je ka' mian haha aiya suele nontekengimo:

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”

MATIUS 27:66

Lantas aha namba i kubulan, nonsegen batu pontumbannyo ka' nompojoong anu monjagai i ahopnyo, da boli ko anu mohenggo kubulan aijo'.