NEHEMIA 9:37 - KITAB NU TUMPU ALLA LELE MA'IMAI'

³⁷ Iwi-iwi' na hasinnyo anu ohumpak i tano' aiya, tionyo ahi' obee'mo hi to tomu-tomundo' nu lipu' To mia-mian anu balakuasa haha aijo' anu i hangkatmo nu Belento da mompalentah mian anu palesayamo hi Belento. Salaku hukuman nu dosa' anu binaumo mami hi Belento. Aha nompalentahmo mae yayamo pa' apaa na anu nu kahanda'i nu kinyonyoa nu aha, mompalentah butong mami ka' mule' mongkuasai potuu'on mami. Kalana aijo' kami nongoa'imo kasansala'an, saja'mo sinakisa ka' mule' saja'mo tinokan nu kasusa'an!”

NEHEMIA 9:37 ပူးပေါင်းရင်းမြစ်များ

EZRA 4:13

De kota aijo' po'ule'mo nubau nu aha ka' pagan mesen nu kota' aijo' jadimo, aha mian anu jojoong i kiijo' madi'mo mongka'oho' mombayan hasin, lantas hasin anu o humpak hi mian da'isan maga'amo na anu obee' hi kalaja'an.

EZRA 6:8

Ka' mule' aiya ku palentah na Belemiu to utu-utus da otu lungi na aha mokalaja mombau Laigan aijo' sumo uuka na mongatun: Iwi-iwi' na pombayan anu mokalaja Laigan aijo', tionyo ahi' o'ala i hasin nu negara propinsi Efrat sasu Kinsoban ka' tionyo ahi' bau pombayan mian haha aijo' boli otanda'i pin.

EZRA 7:24

Belemiu madi' timbali mongala hasin hi to ima-imam, mian nu Lewi, to panya-panyanyi, anu monjagai sabatan daka, anu lewa' osai mokalaja, kabai maumo pa' hi he na anu mokalaja i Laigan nu Tumpu.

NEHEMIA 5:8

ka' pinoto'ingkumo, “Kita binala'usahamo hondo totu-totu'u nontokongi to utu-utusto mian nu Yahudi anu paya bemanau' nompobalukmo butongnyo hi bansa anu i salipu'an. Panyo uuka aiya belemiumo mule' ahi' na mompakisa aha da mompobaluk butong nu aha hi belemiu, padahan belemiu suele bubu' mian nu Yahudi!” To pola-polaya' haha aijo' madi' noko ala nontaami maumo pe'e ola santaa'.

MOHAANGI 5:5

Susumo binatang, kami opakisa na mokalaja anu maboat, kami nalawemo, panyo madi' opobee' na milawe.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

YOHANES 8:33

“Kami aiya lee' i Abraham,” na koonyo nu aha, “Ma'isa toho' kami binotuanan pa' ihe! Apaa na poso'nyo nu potatae-Um, ‘Komiu o pobebasje’?”

PO'ULE' INGULIT 28:33

Bansa anu lengkat mae i salipu'an na mongala isi nu ale' iwi-iwi' anu i humpak i lawe nu pakalaja'an miu. Panyo belemiu madi' nohumpak apa-apaa ola mule' ahi' kasansala'an anu ma'idek hondo na i humpak.

PO'ULE' INGULIT 28:39

Belemiu monsu'animo iwi-iwi' na ale' nu anggur ka' mompalakai panyo madi' montipu bua' nu anggur kabai monginum anggurnyo, kalana pu'un nu anggur haha aijo' ola mingkot nukaan nu koe'.

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.

PO'ULE' INGULIT 28:51

Nu ingkotimo nu aha na potuu'on ka' isi nu ale' miu, ka' madi'mo mompo'una'i da bau bagi nu belemiu na gandum, anggur, lanya' nu zaitun, kabai sapi' ka' mee' ka' domba nu belemiu sampe belemiu silakamo nu ohop.