NEHEMIA 9:33 - KITAB NU TUMPU ALLA LELE MA'IMAI'

³³ Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

NEHEMIA 9:33 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

NEHEMIA 9:34

Mompolee' mami, tomundo', imam ka' mule' to tu'a-tu'anyo, nolanggaimo atulan nu Belento ka' madi'mo nontapali. Iwi-iwi' na palentah tiba pokinde' anu binee'mo nu Belento, madi'mo pinajuliannyo ka' madi'mo mule' lewa' pinotombihing.

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

AYUB 33:27

Sahingga i ahop nu mian da'isan ia motataemo, ‘Anu ma'idek ku anggapmo ma'ima', dinaka'mo na dosa'ku, panyo Tumpu Allah madi' mohukum aku.’

AYUB 34:23

Madi' palalu na Tumpu Allah mompatikolo tempo'nyo, manusia na tokamo mae da Nu bee'i kaputusan.

MAZMUR 106:6

Kami binaladosa'mo susumo mompolee' mami; kami nombaumo gau' anu ma'idek ka' pinalagantamo.

MAZMUR 119:137

Belento adin, o, Tumpu iwi-iwi' na atulan nu Belento kinonamo hondo.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

NOSABATMO 32:31

Lantas i Musa po'ule' mule' namba nangadap hi Tumpu ka' notatae, “Bansa aijo' nombaumo dosa' anu daka' hondo. Aha nombaumo pilogot mosoni' na binau.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

YEHEZKIEL 11:12

Sahingga nu sumbu'je nu belemiu taalu' Akumo ahi' na Tumpu, ka'belemiu Ku hukumo kalana nolanggaimo iwi-iwi na atulan-Ku ka' madi'mo nontuluti iwi-iwi' na palentah-ngKu panyo nontulutimo iwi-iwi na atulan nu bansa-bansa anu mompaha ohani belemiu.”