NEHEMIA 9:28 - KITAB NU TUMPU ALLA LELE MA'IMAI'

²⁸ Panyo salatan lipu' nu aha madi'mo ko anu nompoposia, aha po ule' mule' ahi' binaladosa'. Sahingga po ule' mule' ahi' binee' nu Belento na aha, hi sampobali' nu aha anu nononsansalamo aha. Panyo salatan aha nangalati'mo ka' mule' nompele-pele'mo hondo, aha nomoitamo tulung hi Belento da oposalamat. Sahingga kiita' mae i suluga' ihongomo nu Belento ka' saja'mo tinulungan mae nu Belento. Kalana Belento tinolopaya'mo hi aha ka' mule' talalomo ahi' nolibos.

NEHEMIA 9:28 ပူးပေါင်းရင်းမြစ်များ

1 TOMU-TOMUNDO' 8:39

de timbali da Belento kiita' mae i suluga' i uno nu kajojoongan nu Belento mompotombihingakon mae ka' mongampuniakon mae ka' montulungi aha. Ola Belento na monsumbu' kinyonyoa nu mian. Kalana aijo' o hukum na toto samian apaa na anu binaunyomo,

MAZMUR 106:42

Lantas aha saja'mo sinakisa nu anu monsampobali' aha, ka' tinundu'mo i kakuasa'an nu aha.

MAZMUR 136:24

Pinobebas-Nyomo na kita da boli nu patei nu mian anu monsampobali' mae; kalibosan-Nyo sampe toka sidu-sidutu.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

TO MIA-MIAN KOPIAN 2:19

Panyo de polaya' aijo' silakamo, bansa aijo' mompaka baumo anu ma'idek ka' lebemo molingkudui aha anu ilapisannyo mae momona. Aha pinalesayamo ka' nohongo-hongomo to pilo-pilogot sangga'at ka' nonsombahmo pilogot haha aijo'. Aha nompinsusule'imo kabiasa'an anu toto ide-idek anu saja' nubau nu aha ka' madi'mo mongka'oho' mombabali'i sipat nu aha.

TO MIA-MIAN KOPIAN 3:30

Sinaa aijo' Moab no hungku i mo i Israel, sahingga na'ima'mo ka' madi'mo ko anu nompoposia lipu' aijo' inguampulu' na taun na kinopinnyo.

TO MIA-MIAN KOPIAN 4:1

Salatan i Ehud sinilakamo, bansa Israel po'ule' mule' binaladosa' hi Tumpu.

TO MIA-MIAN KOPIAN 5:31

O amalakon da iwi-iwi' na sampobali' nu belento o Tumpu, mate susumo i Sisera, panyo iwi-iwi' na anu mompahasumbu' belento Tumpu talasanggo susumo jingka aita' i langa! Lapas aijo', madi'mo ko anu nompoposia lipu' aijo' pinatompulu' na taun na kinopinnyo.