NEHEMIA 9:15 - KITAB NU TUMPU ALLA LELE MA'IMAI'

¹⁵ Salatan aha no ohopmo ka' kinadagi'anmo i anu okaan, roti lengkat mae i langit tinau'mo mae nu Belento. Ka' batu anu maboat hondo, mahoson ka' mokut aijo' pinompolubatanmo mae nu Belento, uee anu matombo' hondo da nongingkoti megot. Pinokaumo nu Belento na aha da jojoong i tano', anu jinanji'mo nu belento hi aha ka' binau akonmo sumpa'.

NEHEMIA 9:15 ပူးပေါင်းရင်းမြစ်များ

KAJADIAN 14:22

Panyo tinaaman i Abram, “Aku basumpa' i ahop nu Tumpu, Tumpu Allah Anu Matangkas hondo na kuasanyo, anu Nompotimbalimo langit ka' tano,

NEHEMIA 9:20

Kalana kuasa nu Belento anu ma'ima' hondo aijo' binaumo salaku pokinde' nu Belento hi aha. Aha nongkaanmo manna ka' nonginumo uee sampe sinukup hondo.

MAZMUR 114:8

anu nombali'imo batu gahanggan da tinimbali talaga nu uee, ka' bungkutnyo nu batu tinimbalimo mata nu uee.

NOSABATMO 16:4

Tumpu notataemo hi Musa, “Uuka aiya Ku tau'akonmo mae na anu okaan manjoo' hondo sumo ujan bau bagi miu iwi-iwi'. Sansina-sinaa belemiu tionyo ahi' molimu' anu okaan aijo' saimbanggan anu okaan sansinaa. Tiba jalan anu sumo aijo' Aku monguji'mo mian anu pinalesayamo hi beleng-Ku da Ku sumbu' pa' aha mohongo-hongo to pale-palentah-ng-Ku kabai madi'.

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

NOSABATMO 17:6

Aku tuminjoje i ahop nu beleyum aita' i batu anu daka' i Bungkutnyo nu Sinai. Sapahi na batu aijo' da uee mosabat sahingga to mia-mian timbalimo monginum.” I Musa nombaumo sumo aijo' sinakisian nu to pola-polaya' nu aha mian Israel.

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

YESAYA 48:21

Maumo ahi' Ia nompotiju'mo aha nontulu mae padang tampat anu kinunmo, aha madi' ahi' sinansala nu megot. Tumpu nombiha'mo bungkutnyo nu batu ka' nompolubatmo mae uee, lengkat mae aijo' ibatu pinolubat-Nyomo mae na uee bau kapalaluan nu aha.

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

YEHEZKIEL 20:15

I padang tampat anu kaho bone'nyo aijo' suele Aku nontambuha'imo tukoong-Ku bansa Israel madi'mo daagi' Ku boa minsoop itano' anu pinotoukakonmo hi aha aijo'mo tano' anu kaya ka' mule' ma'omuk ka' mule' anu ma'ima' hondo isongko-songko na dunia.

NOMBILANGMO 14:30

Kalana aijo' belemiu tionyo ahi' matemo ka' bangke' nu belemiu motanatamo i padang bola aiya. Olamo i Kaleb ka' i Yosua na anu daagi' tumuu', madi' ko samian pe'e anu atina' hi belemiu anu umunnyo uampulu'mo na taun mokiita' na timbali minsoop i lipu' anu jinanji'-Kumo hi belemiu.

PO'ULE' INGULIT 1:21

Belengku notatae: Uka komiu timokamo i da'erah bungkut nu mian Amori, tano anu bine'mo hi kita i Tumpu-Allahnto ka Allah mompole'to. Toa i ahop miu tala-tala na tano' aijo. Lako'mo patundui susumo anu pinalentah nu Tumpu. Bolimo bata-bata kabai mabuhuk.

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

PO'ULE' INGULIT 8:3

Ia nompojohokmo belemiu da mo'ohop, lantas belemiu binee'an-Nyomo manna da okaan. Daagi' pe'e u'utu mae belemiu ka' mompolee' miu ma'isa toho' nongkaan kaanon aijo'. Tumpu nombau sumo aitu da mongajan belemiu kalana manusia madi' tumuu' de ola kalana anu okaan, panyo maumo pa' apaa na anu nutaeakon nu Tumpu timbali bau kantumuu'an.