NEHEMIA 8:18 - KITAB NU TUMPU ALLA LELE MA'IMAI'

¹⁸ Pinitun sinaa na kopinnyo na aha nolame'akon. Sansina-sinaa bahagian nu kitab Atulan nu Tumpu Allah nubasa'akon i Ezra. Tinoka i sinaa ko ualunnyomo nombaumo adatnyo salaku kamingkotannyomo, susumo anu pinoto'imo nu Atulan nu Tumpu.

NEHEMIA 8:18 ပူးပေါင်းရင်းမြစ်များ

NEHEMIA 8:2

Lantas binoamo i Ezra na kitab aijo' i ahop nu mian anu sinilimu'mo, aijo'mo to momo'ane, to boboune ka' to ana-anak anu tu'amo ka' anu sinsumbu'mo.

NEHEMIA 8:3

Lantas lengkat pe'e daagi' subu-subu tinoka-toka sonsu'unmo na sinaa, i Ezra nombasa'mo Atulan aijo' i ahop nu aha. Aha iwi-iwi' singkapmo nompotombihing totu-totu'u.

IMAMAT 23:41

Lamean aijo' tionyo ahi' obau nu belemiu kopinnyo pitun sinaa. Atulan aijo' tionyo ahi' obau nu lee' nu belemiu sampe toka sidu-sidutu'.

NOMBILANGMO 29:35

I sinaa ko ialunnyo belemiu tionyo ahi' sihukmo da monsombah Aku ka' madi'mo timbali mokalaja maboat.

YOHANES 7:37

I sinaa kamingkotannyomo nu lamean aijo', aijo'mo sinaa anu talalo hondo penting, i Yesus tinuminjomo i Laigan nu Tumpu ka' notatae daka-daka', “Mian anu megot toka mae hi beleng-Ku da monginum.