NEHEMIA 7:65 - KITAB NU TUMPU ALLA LELE MA'IMAI'

⁶⁵ Gubernur nu aha da'erah Yehuda nontewa'mo aha madi' timbali mongkaan kaanon anu sinombahkonmo hi Tumpu Allah, opakeakon je ahi' Urim ka Tumim nu samian na imam da opokilawa pe'e hi Tumpu Allah.

NEHEMIA 7:65 ပူးပေါင်းရင်းမြစ်များ

EZRA 2:63

I gubernur nu da'erah Yehuda madi' mompobee' aha mongkaan kaanon anu osombahkon hi Tumpu Allah, mompoitaje pokinde' hi Tumpu Allah na imam anu opakeakon Urim ka' Tumim pa' mosia na koo-Nyo.

NEHEMIA 10:1

Mian anu momona nontekengi sulat aijo', aijo'mo i Gubernur Nehemia anak i Hakhalya. Lapas aijo' i Zesekiamo. Ilapas na aha aijo' atina'je ka' mian haha aiya suele nontekengimo:

NEHEMIA 7:66

Mian haha aijo' anu ninsusule'mo i lipu' nu aha lengkat mae i Babel pinomboan aha konjoo'nyo 42.360 na mian. Ka' mule' sangga'at to mia-mian posaihon nu aha konjoo'nyo 7.337 na mian ka' to panya-panyanyi konjoo'nyo 245 na mian. Aha suele nomboamo mae manjoo' na binatang nu aha, aijo'mo: Ajahan – 736 Bagal – 245 Unta – 435 Keledai – 6.720

NEHEMIA 7:70

Manjoo' na aha to mia-mian da'isan nombee'mo bau pontulungi da boli maboat na mongongkosi bau pompoko'ima'i Laigan nu Tumpu: lengkat mae hi gubernur – 8 kilogram na mosoni' 50 mangko anu opake de monsombahmo Tumpu 350 jubah anu nupusok nu imam lengkat mae hi to kapa-kapala nu aha anu sa'anakan mae: – 168 kilogram na mosoni' 1.250 kilogram na salaka lengkat mae hi to mia-mian sangga'at – 168 kilogram na mosoni' 140 kilogram na salaka 67 jubah anu nupusok nu imam

NEHEMIA 8:9

Nohongo Atulan anu binasa'mo aijo' mian da'isan tinongkolibosonmo, lantas i humangmo sahingga i gubernur Nehemia ka' i Imam Ezra anu pande hondo i Atulan aijo', ka' aha mian nu Lewi haha aijo' anu nontutuhakonmo Atulan aijo', nompoto'imo hi mian da'isan iwi-iwi' sumo uuka na koonyo nu aha, “Sinaa aiya sinaa anu tinantukanmo nu belemiu hi Tumpu Allah, jadi bolimo talalo tongkoliboson ka' humang.

NOSABATMO 28:30

Pokonai Urim ka' Tumim i uno nu anu opa-opake i saha'an aijo' da nupake i Harun de ia mangadapmo mae hi beleng-Ku. De tempo'nyomo susumo aijo' tionyo ahi' saja' mompake anu opa-opake i saha'an, da nusumbu' pa' mosia na pongka'oho'-Ku kona hi aha mian nu Israel.”

IMAMAT 2:10

Labihnyo baumo bagi nu to ima-imam. Roti aijo' susi' hondo kalana ingala i kaanon anu sinombahkonmo hi Tumpu.

IMAMAT 2:3

Labihnyo nu koloban anu sinombahkonmo baumo bagi nu to ima-imam. Koloban aijo' susi' hondo kalana ingala i kaanon anu sinombahkonmo hi Tumpu.

IMAMAT 8:8

Lantas pinokonanyomo na pongkukubi saha'an hi Harun, ka' i uno nu pongkulubi saha'an aijo' pinosoopnyomo na Urim ka' Tumim,

NOMBILANGMO 27:21

I Yosua tionyo ahi' mompoita pokinde' hi Imam Eleazar, ka' i Eleazar tionyo ahi' mompokilawa hi beleng-Ku mosia na pongka'oho'-Ku monggunakon Urim ka' Tumim. Tiba jalan anu sumo aijo', na i Eleazar mompotiju' i Yosua ka' hi iwi-iwi' na bansa Israel ka' iwi-iwi' mule' na han anu nu ahopi nu aha.”

PO'ULE' INGULIT 33:8

Mongkona tulunan nu bansa Lewi, ia notatae: “Tiba Urim ka' Tumim poto'imo apaa na anu okahanda'i nu Belento poto'i hi mian nu Lewi, posaihon nu Belento anu tulu-tulutan. Kita nonsobaimo aha kiijo' mae i Masa, ka' pinainggagamo tiba aha i mata nu uee Meriba.