NEHEMIA 13:16 - KITAB NU TUMPU ALLA LELE MA'IMAI'

¹⁶ Pa' aha sangkuka na mian nu Tirus anu jinojoongmo i Yerusalem nomboamo ikan ka' ngangahan anu balang sangga'at anu mamba opobaluk i Yerusalem kinakonamo i sinaa nu Sabat, da opobaluk hi aha mian nu Yahudi.

NEHEMIA 13:16 ပူးပေါင်းရင်းမြစ်များ

NEHEMIA 13:15

Tempo'nyo aitu tinoangkumo i sinaa nu Sabat daagi' ko mian nu Yehuda pa' aha sangkuka nompao'mo anggur. Daagi' mule' ko mian sangga'at anu momposake'mo gandum, anggur anu noko pao'mo, bua' nu anggur, bua' nu ara ka' balang sangga'at aijo' i keledai nu aha ka' binoamo nu aha i Yerusalem. Tinewa'kumo na aha mobalu-baluk i Yerusalem.

NEHEMIA 13:17

Pinokinde'ankumo na to pola-polaya' nu Yehuda tukoongku, “Madi' osumbu' nu belemiu na belemiu nombaumo anu ma'idek kalana nohenyuimo sinaa nu Sabat?

NOSABATMO 20:10

panyo sinaa anu ko ipitunnyo aijo'mo na sinaa pilawean anu obee' hi beleng-Ku. I sinaa aijo' madi' ko samian pe'e na timbali mokalaja, mau belemiu mau pe'e to ana-anak nu belemiu, to posa-posaihon nu belemiu, potuu'on nu belemiu, kabai mian anu i salipu'an mae anu jojoong i lipu' nu belemiu.

NOSABATMO 23:12

Anom sinaa i uno nu sa'angu' na duminggu belemiu timbali mokalaja, panyo sinaa ko ipitunnyo belemiu tionyo ahi' milawemo da potuu'on nu belemiu, to posa-posaihon ka' to mia-mian anu lengkat mae i salipu'an anu mokalaja hi belemiu milawemo suele.

PO'ULE' INGULIT 5:14

panyo sinaa anu ko ipitunnyo aijo'mo na sinaa pilawean samata-mata monsombahmo Aku, Tumpu Allah nu belemiu. I sinaa aijo' madi' ko samian pe'e na anu timbali mokalaja mau belemiu, to ana-anak nu belemiu, to posa-posaihon nu belemiu, potuu'on nu belemiu kabai mian anu lengkat mae i salipu'an anu jinojoongmo i lipu' miu. Posaihon nu belemiu haha aijo', tionyo ahi' milawe susumo belemiu suele.