NEHEMIA 12:8 - KITAB NU TUMPU ALLA LELE MA'IMAI'

⁸ To mia-mian nu Lewi. Anu mongkapalai manyanyi nyanyian pontalima kase hi Tumpu: i Yesua, i Binui, i Kadmiel, i Serebya, i Yehuda ka' i Matanya.

NEHEMIA 12:8 ပူးပေါင်းရင်းမြစ်များ

1 TAWARIKH 9:33

Sambagian na mian nu aha Lewi sangga'at mongala bahagian manyanyi i Laigan nu Tumpu. To tu'a-tu'anyo nu auwan nuaha jojoong i Laigan daka' anu pa' sangkuka na konjoo'nyo kiijo' i Laigan nu Tumpu. Aha madi'mo binee'an kalaja sangga'at, kalana aha binee'anmo kalaja sinaa ka' malom.

EZRA 2:40

Aha sa'anakan mae i Lewi anu ninsusule'mo lengkat mae i Babel anu pinomboan aha: i Yesua tiba Kadmiel (lee' mae i Hodawya) – 74 Anu lewa' manyanyi i Laigan nu Tumpu (lee' mae i Asaf) – 128 Mian anu monjagai sabatan daka' i Laigan nu Tumpu (lee' mae i Salum, i Ater, i Talmon, i Akub, i Hatita tiba i Sobai) – 139

EZRA 3:2

lantas i Yesua anak i Yozadak ka' to sanga-sangalunyo aijo'mo to ima-imam ka' i Zerubabel anak i Sealtiel tiba to utu-utusnyo, nombaumo mule' mezbah bau ponsomban Tumpu Allah nu aha Israel. Tiba jalan anu sumo aijo' aha timbalimo nompotunu koloban i mezbah aijo', susumo anu tinulismo i kitab Atulan i Musa, posaihon nu Tumpu Allaha aijo'.

NEHEMIA 11:22

To mia-mian nu aha Lewi anu montoa mian anu mokalaja, anu jojoong i Yerusalem aijo'mo: i Uzi anak i Bani ka' makumpu i Hasabya. Sala'samian na mompolee'nyo mae sangga'at aijo'mo: i Matanya tiba i Mikha. Ia minsoop aha sa'anakan mae i Asaf anu mokalaja mongulus to panya-panyanyi i Laigan nu Tumpu.

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

NEHEMIA 12:9

Mian anu manyanyi monyanyiakon nyanyian bau pontaami: i Bakbukya, i Uni, ka' to sanga-sangalunyo anu aha sa'anakan mae.

NEHEMIA 7:43

Aha sa'anakan mae i Lewi anu ninsusule'mo mae lengkat i Babel pinomboan aha aijo'mo: i Yesua ka' i Kadmiel (lee' mae i Hodewa) – 74 Anu mahaik musik i Laigan nu Tumpu (lee' mae i Asaf) – 148 Anu monjagai sabatan daka' i Laigan nu Tumpu (lee' mae i Salum, i Eter, i Talmon, i Akub, i Hatita ka' i Sobai) – 138

NEHEMIA 9:4

Ikiijo' daagi' ko mimban kau' katinjoan nu to mia-mian Lewi ka' tinuminjomo na i Yesua aijo', tiba i Bani, i Kadmiel, i Sebanya, i Buni, i Zerebya, i Bani tiba i Kenani. Aha binalado'amo daka-daka' hi Tumpu Allah nu aha.