NAHUM 3:8 - KITAB NU TUMPU ALLA LELE MA'IMAI'

⁸ O Ninewe te toho'mo mule' beleyum na lebe ma'ima' molingkudui Tebe puso nu kota' Mesir? Tebe suele tampatnyo ibiwi nu kaunyo anu mongompo susumo pagan mesen. Ya Kaunyo nu Nil aijo'mo na benteng salaku bau kahosonannyo.

NAHUM 3:8 ပူးပေါင်းရင်းမြစ်များ

YEREMIA 25:19

Aiya na daputan nu to mia-mian sangga'at anu tionyo ahi' monginum anggur igalas nu Tumpu aijo': tomundo' nu Mesir tiba to mia-mian anu ko pangkatnyo tiba anu toto pangka-pangkat matangkas; iwi-iwi' na aha mian nu Mesir tiba mian anu lengkat mae isalipu'an anu jojoong i Mesir; iwi-iwi' na tomundo' ilipu' Us; iwi-iwi' na tomundo' nu kota' Filistin, anu jojoong i Askelon, i Gaza, i Eskron; iwi-iwi' na mian anu daagi' tumuu' i Asdod; iwi-iwi' na aha mian nu Edom, Moab tiba Amon; iwi-iwi' na tomundo' nu aha Tirus tiba Sodom; iwi-iwi' na tomundo' nu daerah sonibi nu Ambai anu i Totonga'nyo kota-kota' nu Dedan, Tema, tiba Bus; iwi-iwi' na mian anu mongkodo'imo ubaknyo na monggunting; iwi-iwi' na tomundo' nu aha Arab; iwi-iwi' na tomundo' nu tulunan nu bansa anu nogogalo'anmo anu jojoong ipadang tampat anu mateges; iwi-iwi' na tomundo' nu aha Zimri, Elam, tiba Madai; iwi-iwi' na tomundo' anu isasu utara, maumo ahi' ma'jo'on kabai ohani, samian ka'samian. Sinin na bansa anu aiya idunia, tionyo ahi' monginum anggur aijo'. Ka' mian anu imihi-mihinyoje na suele tionyo ahi' monginum anggur aijo' atina'mo tomundo' nu aha Babel.

YEREMIA 46:12

Kantumuu'an nu belemiu anu moko ambang aijo' sinumbu'mo nu to bansa-bansa. Loboo' nu belemiu kinahongoanmo isongko-songko na dunia. Suludadu samian montumpakmo suludadu sangga'at; sahingga aha sama-sama tinombahangkangmo kulu-kulup itano'.

YEHEZKIEL 29:15

anu madi' hondo mahoson isongko-songko na dunia. Ku pojadi na belemiu madi' hondo mahoson sahingga belemiu madi' moko ala mompalentah bansa-bansa sangga'at kabai ko bubuun hi aha.

AMOS 6:2

Lako' mae toa kiijo' i Kalne lantas lajangmo ahi lau-laus mokiijo' i kota' Hamat anu daka' aijo', lapas aitu mokiijo'mo i kota' Gat i Filistin. Ponsangka nu belemiu kota' haha aijo' lebe ma'ima' molingkudui kalaja'an Yehuda tiba Israel? Apaa daerah nu aha lebe daka' molingkudui daerah nu belemiu?