NAHUM 3:6 - KITAB NU TUMPU ALLA LELE MA'IMAI'

⁶ Ku baumo na beleyum susumo balang anu mohumimi'i, Ku pahambunu'akonmo na beleyum nu anu sala', Ku pojadimo na beleyum da bau balang anu lewa' otoa nu mian.

NAHUM 3:6 ပူးပေါင်းရင်းမြစ်များ

AYUB 30:19

Aku ilumbu'akon-Nyomo i uno nu hensek, aku me susumo duhehe!

AYUB 30:8

Sanggo nu aha i madi'an ka' madi' ko angga'nyo, to mia-mian anu i laa'mo mae lengkat i lipu' nu aha.

AYUB 9:31

Tinanomakonmo nu Tumpu Allah na aku i hensek anu madi' belesi', sahingga baju'ku suele nontaloakonmo tukoonyo aku nahenyumo.

YEREMIA 51:37

Lipu' aijo' timbalimo tambulan nu anu ihansunmo ka' mule' timbalimo tampat paninsulukan nu dedeng nu alas. Mian mabuhukmo na montoa, ka' madi'mo ko mian anu mongka'oho' jojoong ikiijo'.

MOHAANGI 3:16

Ohupku dinumolakon-Nyomo itano' bese'ku dinosikakon-Nyomo ibatu sampe nopato'.

YEHEZKIEL 16:37

Kalana aijo' anu toho'mo nonsinta beleyum, iwi-iwi' Ku posihukmo, mau anu nu ka'ima'i nu beleyum mau anu nu ka'ideki nu beleyum. Aha tuminjoje saidi' mae montikubi beleyum ka' mongukatakonmo iwi-iwi' baju' nu beleyum sahingga timbalimo nu toa nu aha songko-songko na butong nu beleyum anu ilanggo'mo atina.

NAHUM 1:14

Sumo uuka na putusan nu Tumpu mongkona bansa Asyur, “Aha madi'mo daagi ko tulunan anu mombolosakon bansanyo. To pato-patong nu pilogot anu daagi kiijo' i laigan ponsomban, Ku hansunimo. Polamunan bansa Asyur Ku toukaimo kalana aha madi'mo pantas na tumuu'!”

HABAKUK 2:16

Uuka aiya tinokamo na tempo'nyo hi beleyum da o'ambangimo, misa' da oholomati. Kaholomatan nu beleyum timbalimo anu madi' oholomati. Nu pakisamo nu Tumpu na beleyum monginum aijo' igalas anu ingisianmo hukuman da obee' hi beleyum. Nuinumo nu beleyum ka' mahasungonanmo.

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

MALEAKHI 2:3

To ana-anak nu belemiu Ku hukumo ka' mule ohup nu belemiu Ku sapuimo nu sengkun nu binatang anu kinolobanakonmo nu belemiu, ka' mule' belemiu oboamo i tambulan nu sengkun.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”

1 KORINTUS 4:13

de mian mombusi-busiki kami, obalosi mami nu potatae toto ima-ima'. Kami sumomo duhehe nu dunia aiya; sampe uuka aiya, kami daagi' osangka sumo duhehe nu dunia.

1 KORINTUS 4:9

Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

IBRANI 10:33

Toto minsan komiu pinopo'ambang, ka' lewa' kinabisa'an madi' ma'ima' i ahop nu mian da'isan. Toto minsan komiu suele nongoa'imo sansala tiba aha anu lewa' kinabisa'an susumo aijo',

YUDAS 1:7

O inau' singkona na kota nu Sodom ka' Gomora tiba to kota-kota anu mompaha ohani, mian anu jojoong i kiijo' nombaumo sumo hahan anu binaumo nu malaikat haha aijo'. Aha nombaumo hahan masala' ka' anu palaganta, sahingga aha sinakisamo nu hukuman apu, anu sampe toka sidu-sidutu', da bau pompokinde'i hi iwi-iwi' na mian.