NAHUM 3:18 - KITAB NU TUMPU ALLA LELE MA'IMAI'

¹⁸ O tomundo' nu lipu' Asyur! To gubernur-gubernur nu beleyum sinilakamo ka' mule' to bupati-bupati nu beleyum ihoyotmo sidu-sidutu'. Mian da'isan nu beleyum noga'a-ga'atmo namba i bungkutnyo ka' madi'mo ko samian pe'e na anu moko ala monsule'akon mae aha.

NAHUM 3:18 ပူးပေါင်းရင်းမြစ်များ

1 TOMU-TOMUNDO' 22:17

Binalosan i Mikha, “Tinoangku na suludadu nu Yizreel nosungke-sungkehetmo i bungkutnyo haha aijo'. Aha susumo domba anu madi'mo ko polaya'nyo, ka' tinaloakonmo nu Tumpu na aha, 'Mian haha aiya madi'mo daagi' ko polaya'nyo pobakasmo da aha minsusule'mo mae ma'i-ma'ima'.’ ”

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

YESAYA 13:14

Mian anu lengkat mae i salipu'an jijinojoongmo i Babel saidi' mae moga'aga'atmo ka' mopalaimo minsusule' ilipu'nyo toto samian. Aha pokakanamo susumo jonga anu mopalaimo da madi' nu kabot nu mian anu mompagalapi, kabai susumo gombuan nu domba anu madi'mo ko polaya'nyo.

YESAYA 47:1

Tumpu notatae, “O, Babel pintatau', bolimo sumuhang atina' ikadela nu beleyum, ka' suhangmo i abu'. Beleyum madi'mo nompokopiani butong ka' madi'mo natopos susumo naipuan mae.

YEREMIA 50:18

Kalana aijo', Aku, Tumpu Anu Balakuasa hondo, Tumpu Allah Israel mohukumo i Tomundo' Nebukadnezar tiba lipu'nyo susumo Aku nohukumo itomundo' Asyur.

YEREMIA 51:39

Panyo jota nu aha kahanda' mongkaan na tahahumo ahi'. Ku posadiaimo anu okaan na aha, ka' molanguimo aha ka' malintunga'mo na ubak sampe tohoyotmo ka' madi'mo daagi' moko ala mobula.

YEREMIA 51:57

Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

ANU PINOTO'I HI YOHANES 6:15

Lantas to tomu-tomundo i dunia, ka' to mia-mian daka', ka' pangkat-pangkat daka' nu suludadu, to mia-mian anu kaya ka' mian anu ko kuasa, ka' to mia-mian sangga'at, mau posaihon, mau anu misa' posaihon, iwi-iwi' naninsulukmo i uno nu liang ka' i olotnyo nu batu i bungkutnyo.