NAHUM 2:8 - KITAB NU TUMPU ALLA LELE MA'IMAI'

⁸ Mian da'isan nu Ninewe nopadekamo sinumolinsakmo namba nonsaui bunga-bunga, sumomo uee anu nosabatmo mae ipinongompoknyo anu notobamo. Daagi ko loboo' “Belenti, belenti!” panyo madi' ko anu nongka'oho' ninsusule'.

NAHUM 2:8 ပူးပေါင်းရင်းမြစ်များ

KAJADIAN 10:11

Lengkat kiijo' mae ia nambamo nokiijo' i Asyur, lantas nompotinjomo kota Niniwe, Rehobot-Ir, Kalah,

YESAYA 13:14

Mian anu lengkat mae i salipu'an jijinojoongmo i Babel saidi' mae moga'aga'atmo ka' mopalaimo minsusule' ilipu'nyo toto samian. Aha pokakanamo susumo jonga anu mopalaimo da madi' nu kabot nu mian anu mompagalapi, kabai susumo gombuan nu domba anu madi'mo ko polaya'nyo.

YESAYA 38:14

Potataengku ko ise-ise'nyomo ka' madi'mo mahoson, susumo tomonsi' dara aku saja'mo mompele-pele'. Matangku napoe'mo na saja' monsinda langit, Tumpu pobebasakonmo mae na aku da madi'mo susa' susumo aiya.

YESAYA 47:13

Beleyum malawemo kalana manjoo'mo na pokinde'. Pokau da toka mae na to mia-mian anu saja' mongkila kila; mian na momposalamat beleyum, aha anu sola'mo nonselidiki iwi-iwi na langit songko-songko, ka' lewa'mo nonggulu'i apaa na alati'nyo nu mandala' toto sa'angu'. Ka' salatan bitu'onmo anu sala'je mae bete' mongkila-kilamo apaa na anu jadi ibutong nu belemiu.

YESAYA 48:20

Lako'mo popalai ka' bolimo jojoong i Babel, ka' bebakonmo na lele aiya toka-toka iyaya mae. Poto'imo ka' pontaligalaimo lame-lame': “Tumpu nomposalamatmo posaihon-Nyo aha Israel!

YESAYA 59:11

Kami nabuhukmo ka' sinusa'mo; kami molio ka'adilan, panyo imadi'an; kami montaha'imani kasalamatan, panyo ola ahi' pinalasuma.

YEREMIA 46:5

Panyo Aku, Tumpu nontoamo aha ninsusule'mo mae kalana nabuhukmo. To sulu-suludadu nu aha pinatundu'mo mae ka' nopalaimo mae kalana nabuhukmo madi'mo daagi' nonsiloi hiku.

YEREMIA 47:3

Aha mohongomo galupak nu ajahan, tiba daladak nu kareta ka' mule' gelegek nu bolanyo. Mian to tu'a-tu'anyo lusekmo na butong nu aha ka' madi'mo daagi' sola' montutugi to ana-anak nu aha.

YEREMIA 50:16

Bolimo daagi' opobee' na mian mongale' kabai mongala isi nu ale' ilipu' aijo'. Iwi-iwi' na mian anu lengkat mae isalipu'an minsusule'mo ahi' ilipu' nu aha, kalana aha mabuhukmo hi suludadu anu montumbuhimo mae.”

YEREMIA 51:13

Lipu' aijo' kaya hondo ka' mule' manjoo' na kaunyo, panyo kasampatan nu ia tumuu' ningkotmo; kamingkotan nu kantumuu'annyo tinokamo.

YEREMIA 51:30

Suludadu nu aha Babel binelentimo nahampate ka' jinojoongmo ibenteng-benteng. Aha madi'mo daagi' kinokabaaniannyo ka' madi'mo daagi' noko ala nombau apa-apaa. Iwi-iwi' na sabatan daka' nu kota' pinaha tobahanmo, ka' iwi-iwi' na laigannyo nu aha pinaha papuanmo.

NAHUM 1:1

Sumo uuka na potuunon nu Tumpu mongkona aha Ninewe. Potuunon aijo' pinonyata ihan anu pinotoa hi Nahum samian na nabi anu nolengkat mae i Elkos.

NAHUM 3:17

To mia-mian daka' tiba to pega-pegawe nu beleyum sumomo sampahas na kihi-kihi' anu nihohung'mo nihohungmo i iwi-iwi na pagan mesen tempo'nyo nu bakin. Panyo salatan batu nu sinaa binete'mo aha sampamo lumahap; madi' ko samian pe'e na monsumbu' pa' noya na kinalambanan nu aha.

ANU PINOTO'I HI YOHANES 17:1

Lapas aijo' sala'samian na malaikat anu aha popitu' aijo' nontoongimo popitu' na tampat nu anggurnyo tinoka mae hi belengku ka' notatae, “Imbo', ku potiju'je hi belemiu mosia na anu talalo hondo masala' aijo' o hukum, aijo'mo kota daka' aijo', anu pinotinjo koko kaunyo haha aijo'.

ANU PINOTO'I HI YOHANES 17:15

Malaikat aijo' po'ule' notatae, “Uee anu tinoa nu beleyum aijo', tampat kinasuhangan nu to mia-mian masala' aijo', aijo'mo to bansa-bansa, to laya-layat, to nega-negara, ka' to basa-basa'.