NAHUM 2:2 - KITAB NU TUMPU ALLA LELE MA'IMAI'

² Totu-totu'u Tumpu po'ule'mo mompokopiani Israel da timbali po'ule' ma'ima' susumo u'utu mae tempo'nyo ma'isa pe'e binulingan nu sampo bali'.)

NAHUM 2:2 ပူးပေါင်းရင်းမြစ်များ

MAZMUR 47:4

Ia nombee'imo mae kita ka untungan nahampate nongewa bansa-bansa, nompojadimo kita binalakuasa hi aha to tulu-tulunan nu bansa.

YESAYA 60:15

Beleyum madi'mo opala'i ka' oka'ideki, ka' madi'mo opojohok da timbali liing hondo. Beleyum Ku pojadimo katalompoan sampe toka sidu-sidutu' bau tampat kalame'an sampe toka sidu-sidutu'.

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEREMIA 48:11

Tumpu notatae, “Salatanmo pe'e naipuan mae na kantumuu' nu Moab madi' ko anu nompoposia. Ma'isa toho' ia binoa itampat pinompojoongan. Ia sumomo ahi' anggur anu pinotendamo ka' madi' toho' ilambe'akon itampat nu anggur sangga'at. Anggurnyo daagi' ahi' singongohan ka' ma'ima'.

YEREMIA 49:9

De mian montipu bua' nu anggur saja' ko anu nu potuha' nu aha, ka' de tololang toka mae pihi, ia ola mongala apaa na anu nu ka'ima'i.

YEHEZKIEL 37:21

Lantas poto'imo hi aha, taalu' Aku, Tumpu Anu Matangkas na Kuasanyo mongalamo mae iwi-iwi' na bansang-Ku lengkat mae ilipu'-lipu' anu kinalambananmo nu aha. Aha Ku posihukmo ka' po ule'mo Ku boa mae iposi lipu' nu aha.

YEHEZKIEL 37:23

Aha madi'mo daagi' mohenyui butong nu aha nu palabuatan mombau dosa' ka' monsombah to pilo-pilogot anu mohenyui aha. Ku pobebasmo na aha da madi'mo mombau iwi-iwi' na kasala'an anu monsaduakon aha madi'mo mompajuli mae Aku. Ku posusi'mo na aha; aha timbalimo mian anu palesayamo hi belengku ka' Aku Tumpu Allahmo nu aha.

HOSEA 10:1

Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

NAHUM 2:10

Ninewe ihansunmo ilingmo ka' kinunmo. Kinyonyoa natawasmokalana nabuhukmo. Ike-ike' ilundengmo ka' ilakatnyomo. Ohup nu mian iwi-iwi' singkapmo ine'es hondo.

NAHUM 3:14

Taukmo na uee anu oposadia hau-haunyo beleyum otikumo, ka' opohoson na benteng iwi-iwi' nu beleyum! Peja-peja' na lega da bau tela ka' oposadia na ponsetakannyo!

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.