NAHUM 2:11 - KITAB NU TUMPU ALLA LELE MA'IMAI'

¹¹ Iyamo mae na kota' aijo' uuka aiya? Kota' anu sumomo liang tampat kalukutan nu singa? Tampat nu to ana-anak nu singa obee'i mongkaan, tampat anu lewa' kalambanan nu singa lakinyo tiba behenyo tampat anu madi' ko anu mompoposia to ana-anaknyo?

NAHUM 2:11 ပူးပေါင်းရင်းမြစ်များ

KAJADIAN 49:9

I Yehuda sumo singa anu daagi' bata'nyo; ia mompatei gampanyo binatang da nu kaan, lantas po'ule' minsusule' jojoong i liangnyo; ia uminyohatmo lantas lumukutmo, ka' madi' ko samian pe'e na baani mohenggo ia.

YESAYA 13:7

Toto samian nu oa'i kapi'mo na limanyo ka' madi'mo kokabaaniannyo.

YESAYA 31:4

Tumpu notataemo hi belengku, “Susumo singa molohu'mo da madi' o, agoi na kaanonnyo ka' madi' opoko ala opopobuhuk nu to pola-polaya' binatang maumo ahi' aha sanggombu na monsia'i ka' sola' molokihis anu pinalentahmo mongewa ia, sumo aijo'mo na Aku mahampate da boli o, hungku'i na Puge'nyo nu Sion.

YESAYA 5:29

To sulu-suludadunyo molohuu' susumo singa anu sala'je nonsa'u kaanonnyo lantas pinopadeka'akonnyomo ka' madi' ko anu moko ala mongagoi aijo' hi ia.

YEREMIA 2:15

Sampobali'nyo mohu'akonmo ia susumo singa tano'nyo opokunmo ka' madi'mo daagi' ko isinyo iwi-iwi' na kota'nyo mingkotmo nu toyo'i nu apu opojohokmo madi'mo ko anu monjojoongi.

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

YEREMIA 50:44

Sumo singa nasasubamo mae lengkat i alas anu daka' koko Kaunyo nu Yordan ka' nambamo ipadang tampat pongototan nu domba, sumo aijo'mo na Aku, Tumpu, mompasasubahimo mae aha mian nu Babel sahingga aha mopalaimo mompala'imo kota' nu aha lia-lia'. Lantas Ku pile'imo na samian da bau polaya' mompalentah bansa aijo'. Ihe na timbali bau pompokakanakonan Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

YEHEZKIEL 32:2

“O manusia anu madi' tumuu' batu, pokinde'i totu-totu'u na itomundo' Mesir. Potokakon na potuunon-Ku aiya hi ia, ‘Beleyum montihomo susumo singa anu daagi' bata'nyo aijo hi aha to bansa-bansa, panyo beleyum lebe montiho susumo bua' anu jojoong i uno nu uee. Tengke nu beleyum mompohibu ka' mongkotoni iwi-iwi' na kaunyo.

YOËL 2:6

Tempo'nyo aha nolambanimo iwi-iwi' na mian i lakatnyomo iwi-iwi' na ohup nu mian i ne'esmo ka' nangkuyumo.

MIKHA 5:6

Aha mian nu Israel anu daagi' tinontuha' timbalimo susumo dondu'ok ka' loop hondo anu lengkat mae hi Tumpu da bau bagi nu to bansa-bansa ka' mule' susumo ujan tudunmo mongujani sosu'anon. Aha palesaya memo ahi' hi Tumpu ka' misa'mo hi manusia.

NAHUM 2:12

U'utu mae kiijo' mae ponsa'uan nu singa kaanonnyo, ka' nu bini-binit nu bee' hi tinanyo ka' mule' hi anaknyo. Ia mompobuke liangnyo nu antok anu binini-binitnyomo anu mamba sina'unyo.

NAHUM 3:1

Silakamo na kota' aiya anu talalomo na leko' manjoo' ka' anu pinateannyomo, kahomo balang anu pinahuhuakon ka' anu ingagoan.

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

NOMBILANGMO 23:24

Bansa aijo' tinuminjomo sumomo singa behenyo, ka' tinuminjomo sumomo singa lakinyo. Ia madi' lumukut de ma'isa pe'e mongkaan kaanonnyo ka' monginum baso' nu anu sina'unyomo.”