NAHUM 1:8 - KITAB NU TUMPU ALLA LELE MA'IMAI'

⁸ Susumo iyaba' anu daka' monganjuhakonmo; ka' ihansunan-Nyomo na to sampo-sampo bali'-Nyo. Aha anu baani mongewa Ia, pinotudun-Nyomo na kasilakaan sahingga sinilakamo.

NAHUM 1:8 ပူးပေါင်းရင်းမြစ်များ

AYUB 30:15

Anu talalo ahi' okabuhuk na nontuda'i mae butongku; sumomo ahi' mombun na nompuhakon angga'nyo nu butongku tinilahabakonnyomo; susumo kundom notulu, i madi'anmo kino kasananganku.

AYUB 40:11

Jonohi na aha anu saja' mohangka-hangkat butongnyo; lubatakonmo mae na pusa nu beleyum ka' poki pomohokotmo na aha.

YESAYA 13:10

Toto saangu' na mandala ka' gombuan nu mandala' madi'mo daagi' kojingkanyo; batu nu sinaa pikatmo de ia bete'mo mae, ka' mule' bitu'on madi'mo daagi' majingka mae.

YESAYA 13:9

Sinaa nu Tumpu malia'mo mae toka ka' toka isinaa aijo' nu potudunmo nu Tumpu na tambuha'-Nyo ka' mule' pusa-Nyo anu taha-tahahumo. Tano' timbalimo tampat anu mateges ka' toto samian anu binaladosa'mo osilakaimo.

YESAYA 28:17

Kaadilan Ku pojadimo kahohon bau pongukuli, ka' kajujunan Ku pojadimo kahohon bau ponsupati.” Ujan batu na mombelesi'imo iwi-iwi' na kabaleko'an anu ota-otaha'imani nu belemiu. Iaba' na monganjuhakon tampat anu lewa' paninsulukan nu belemiu.

YESAYA 28:18

Palajanjian nu belemiu tiba kapatean ka' mule' palasitujuan nu belemiu tiba dunia nu mian anu sinilakamo osampomo, sahingga de balaa' aijo' tokamo mae belemiu mohintutumo na opahampeja'akon.

YESAYA 28:2

Tumpu monsaimo mamba hi aha samian anu mahoson ka' mule' baani. Ia toka mae sumo antong anu makansang hondo hingga-hinggat mae tiba ujan eis nu sumomo ahi ujan puhos ka' mule' iaba' anu timbali monganjuhakon. Kalana kabohosannyo nu lumbu'akonmo na aha mokiita' ikatano'an.

YESAYA 8:22

kabai mokaiyong madi' ko apa-apaa na anu nu toa nu aha ola ahi' samata-mata kasansala'an ka' kapintungan ka' mule' kasusa'an na tina'up. Aha saidi' mae olumbu'akonmo i tampat pintu-pintung aijo'.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEREMIA 51:64

Ka' otaloakon, ‘Sumo aiya na saidi' mae jadi i Babel. Lipu' aiya saidi' mae molomosmo ka' madi'mo daagi' lubat mae kalana aha tinuda'anmo nu balaa' nu Tumpu.’ ”

YEHEZKIEL 13:13

Tumpu Anu Matangkas na Kuasanyo notatae, “De Aku motambuha'mo, Ku potokamo mae na baleba' anu makansang hondo, ujan anu daka' hondo ka' mule' ujan eis da mohansunimo pagan mesen haha aijo'.

DANIEL 11:10

Lantas anak to momo'ane nu tomundo' sasu utara mogogau'mo da mahampatemo ka' momposa'angu'mo to sulu-suludadu manjo-manjoo'. Sala'samian anu aijo' hi aha nambamo nontumbuhi sumomo ahi' iaba'. Nontumbuhi ko pinduannyo ia nontumbuhimo benteng nu sampobali'nyo.

DANIEL 11:22

Iwi-iwi' na suludadu anu mongewa ia ka' mule' Imam Daka' suele nu pateimo.

DANIEL 11:40

De kakuasa'annyo nu tomundo' nu lipu' sasu utara ohanimo mingkot, saba' tomundo' nu lipu' sasu salatan montumbuhimo mae ia. Lantas tomundo' nu lipu' sasu utara mombalosimo aha anu nontumbuhimo mae aijo' ka' memang nu ideimo totu-totu'u. Manjoo' hondo na kareta anu bau pahampate; ajahan, tiba kapan, Nu tumbuhimo totu-totu'u susumo uee anu ingiaba'mo ka' mongkuasaimo manjoo' hondo na lipu'.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

AMOS 8:8

Dunia langkakatanmo ka' iwi-iwi' na mian susa'mo na kinyonyoa. Songko-songko na lipu' tolohunjongmo ka' madi'mo daagi' tenda susumo Kaunyo nu Nil.

NAHUM 1:1

Sumo uuka na potuunon nu Tumpu mongkona aha Ninewe. Potuunon aijo' pinonyata ihan anu pinotoa hi Nahum samian na nabi anu nolengkat mae i Elkos.

NAHUM 2:8

Mian da'isan nu Ninewe nopadekamo sinumolinsakmo namba nonsaui bunga-bunga, sumomo uee anu nosabatmo mae ipinongompoknyo anu notobamo. Daagi ko loboo' “Belenti, belenti!” panyo madi' ko anu nongka'oho' ninsusule'.

ZEFANYA 2:13

Lapas aijo' Tumpu monggunakonmo kuasa-Nyo da mohansunimo Asyur. Kota' nu Ninewe opotimbalimo da liingmo hondo ka' timbalimo tano' anu mateges.

MATIUS 7:27

Tempo'nyo ujan tudun, ka' iaba' toka tiba mombun makansang montintip laigan aijo', laigan aijo' motua'. Ka' ka'idekannyo talalo hondo!”

MATIUS 8:12

Padahan to mia-mian anu sabenannyo timbali mian anu palesayamo hi Tumpu, o alin i kapintungan anu i sambiha'nyo. I kiijo' aha humaang ka' mongoa'i sansala.”

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.