NAHUM 1:7 - KITAB NU TUMPU ALLA LELE MA'IMAI'

⁷ Tumpu aijo' manonong, Ia monjagai mian-Nyo anu pinalesayamo tempo'nyo aha sinusi'mo; Ia monjagai mian anu ninsoopmo palesaya hi Ia.

NAHUM 1:7 ပူးပေါင်းရင်းမြစ်များ

1 TAWARIKH 16:34

Montalima kase hi Tumpu, kalana Ia manonong; kalibosan-Nyo sampe toka sidu-sidutu'.

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

2 TAWARIKH 13:18

Mian nu Yehuda na inguntung nahampate, kalana aha montaha'imani samata-mata balakat nu Tumpu Allah na montulungi aha, aijo'mo Tumpu Allah nu mompolee' mae nu aha.

2 TAWARIKH 32:11

Pa' pinoto'imo i Hizkia tukoonyo Tumpu Allah nu belemiu na mompobebas belemiu da boli okuasai mami? Boli mompalesaya, kalana ia ola mongakali belemiu. Ia ola mompojohok belemiu da mate nu ohop ka' mate nu megot.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

EZRA 3:11

Mian da'isan nonyanyiakonmo pompuji-puji' Tumpu, ka' nonguli-ulit anu mongohanimo kapupusan nu nyanyian, sumo uuka na onyi'nyo, “Tumpu aijo' ma'ima'; ka' kalibosan-Nyo hi aha Israel sampe toka sidu-sidutu'.” Iwi-iwi' na mian da'isan suele nontaligalaimo ka' nompuji'mo Tumpu, kalana mesen bau pompotinjoan Laigan nu Tumpu binaumo.

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 100:5

Kalana Tumpu aijo' manonong; kalibosannyo sampe toka sidu-sidutu' ka' kanonongannyo aijo' sampe molundu-lundu na tulunan.

MAZMUR 20:1

Anu mongkapalai panyanyi. Mazmur i Daud.

MAZMUR 25:8

Kalana Tumpu manonong ka' adin, Ia na mompotiju' jalan hi mian anu sinala'mo na jalan.

MAZMUR 27:5

Tumpu na monjagai mae aku de aku nu tokaimo mae nu kasusa'an; Ia momposuluk aku i uno nu Laigan-Nyo, ka' mohangkat aku mokiita' ibungkutnyo nu batu.

MAZMUR 37:39

Nu posalamat nu Tumpu na mian anu bala iman hondo; ka' Nu jagai na aha de ko kasusa'anmo.

MAZMUR 37:40

Nu tulungi na aha ka' mule' Nu posalamat ka' Nu poluput na aha da madi' nu silakai nu to mia-mian anu ma'idek na kinyonyoanyo, kalana aha ninsondo'mo hi Ia.

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 59:16

Aha mamba momoya molio anu okaan, ka' mintaumo de madi'mo mobosu.

MAZMUR 71:3

Potimbalimo mae susumo bungkutnyo nu batu na belento da bau pihohunganku, anu dengke, na saja' ku poko ala ku sahak. Kalana Belento nontantukanmo momposalamat aku, Belentomo na bau pihohunganku ka' pingkonganku.

MAZMUR 86:7

Tempo'nyo aku sinusa'mo, aku binalado'amo hi Belento, kalana belento montaami mae aku.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

YESAYA 25:4

Kalana Belento baumo palaian nu to mia-mian anu madi' mahoson, tampat anu madi' ko mian mompoposia hi aha mian anu kasiasi i uno nu kasusa'an. Belentomo na bau pihohungan de ko baleba' makansang, ka' pingkongan de talalo mapengges na singit. Kalana mian anu buhingison de montumbuhi pokakanamo ahi' susumo anton daka' itempo' nu ehua, susumo mombun mapanas itano' anu kuunmo.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 17:17

Boli mae Belento timbali susumo anu mompopobuhuk mae kinyonyoangku. Belentomo ahi' na tampat popalaianku de nutokaimo mae nu kasusa'an.

YEREMIA 24:5

“To mia-mian anu pinojohok-Kumo binoa i Babel aijo' Ku anggap sumomo bua' nu kau' ara anu toto ima-ima' haha aiya; kalana aijo' Aku, Tumpu Allah Israel mongatun ahi' aha ima-ima'.

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

MOHAANGI 3:25

Tumpu sanang hi mian anu montaha'imani ia, ka' hi mian anu molio ia.

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:23

Tumpungku nonsaimo mae malaekat-Nyo nonggintumo nganga' nu singa haha aijo' sahingga aha madi'mo nompoposia aku. Ia nomposalamatmo aku aiya kalana Nu sumbu' na aku aiya madi' ko kasala'an hi Ia ka' mule' hi belento Tuanku.”

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

MATIUS 27:43

Ia palesaya hi Tumpu ka' notatae, tukoonyo Ia Anak nu Tumpu. Soba imbo' da otoanto pa' Tumpu timbali momposalamat Ia uuka.”

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

YOHANES 10:14

Akumo na polaya' anu manonong. Susumo Tuuma monsumbu' Aku, ka' Aku monsumbu' Tuuma, sumo aitumo mule' Aku monsumbu' domba-dombang-Ku ka' aha suele monsumbu' Aku. Aku mombee' nyawang-Ku, kalana monsawani aha.

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

ROMA 11:22

Jadi aiya otoantomo na kononongnyo hondo nu Tumpu tiba mule' na koboat nu palentah-Nyo. Palentahnyo maboat hondo hi mian baladosa', panyo ia manonong hi kita Utus – asan kita Utus tataap tumuu' i anu nu ka'ima'i. De madi', tantu kita mule' suele o'alin.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”