NAHUM 1:6 - KITAB NU TUMPU ALLA LELE MA'IMAI'

⁶ Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

NAHUM 1:6 ပူးပေါင်းရင်းမြစ်များ

1 TOMU-TOMUNDO' 19:11

“Posabatmo mae atina' i liang,” na koonyo nu Tumpu hi ia, “tinjo aita' i bungkutnyo mongahopi mae Aku.” Lantas Tumpu notulumo kiijo', panyo mombun na momona notulu makansang hondo, sahingga to bungku-bungkutnyo nobiha'mo ka' to bungku-bungkutnyo nu batu noposo-poso'mo. Panyo Tumpu madi' nanintoa i mombun aijo'. I lapas na mombun aijo' tinoka mule' na luulu', panyo' hau-haunyo ko luulu' aijo', Tumpu madi' ahi' nanintoa.

AYUB 26:11

De Ia tolosegamo daka-daka', sinin na ohi' pontungkon langit gayu'an.

AYUB 40:11

Jonohi na aha anu saja' mohangka-hangkat butongnyo; lubatakonmo mae na pusa nu beleyum ka' poki pomohokotmo na aha.

AYUB 9:5

Tumpu Allah molalin bungkutnyo madi' nusumbu-sumbu' nu mian, latnas nubali-balikakonmo kalana ia motambuha'mo ka' talalomo hondo pusa.

MAZMUR 130:3

De Belento saja' monginau' dosa' mami, o, Tumpu, ihe na moko ala totahan i ahop nu Belento?

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 76:7

Iwi-iwi' na ajahan tiba anu monsake'i nanabu'mo ka' sinilakamo kalana sineganmo nu Belento, o, Tumpu Allah i Yakub!

MAZMUR 76:8

Totu-totu'u Belento okabuhuk hondo. De Belento motambuha'mo, ihe na moko ala mongahopi?

MAZMUR 90:11

Ihe na monsumbu' tambuha' nu Belento anu taha-tahahumo kabai mangalati' hondo pa' mosia na ka'ahenannyo nu tambuha' nu Belento?

YESAYA 10:16

Kalana aha mian nu Ayur nombuulakonmo butong nu aha, sahingga Tumpu Anu Daka' na Kuasanyo mompotokamo mae panyakit anu molele da bau pohukum to sulu-suludadu anu toto tangka-tangkas na pangkatnyo ka' mule' toto hoso-hoson. Aha molasaimo pipin sakit nusihabi anu taha-tahahumo pokakanamo susumo apu anu madi'mo kokamingkotannyo na montoyo'i.

YESAYA 13:13

Ku pojadimo na langit tananggahan ka' tano' gayu'an itampatnyo de tokamo na sinaanyo Aku, Tumpu Anu Daka' na Kuasanyo mompotoamo tambuha'-Ku.

YESAYA 27:4

Aku madi'mo daagi' motambuha'. De bisuanyo ko hemput kabai kuhat anu ko hii'nyo, Aku na mompatei ka mompapui sampe mingkot.

YESAYA 33:14

Aha to mia-mian baladosa' i Sion nu lakatmo nu nubuhak. Aha motataemo, “Kaputusan nu Tumpu sumo apu anu banyela-nyelakmo sampe toka sidu-sidutu'. Te daagi' ahi' komian anu moko ala tumuu' i uno nu apu anu mompateimo aijo?”

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

MOHAANGI 2:3

I uno nu kapusan-Nyo anu tala-talalomo kino suhu-suhut kahosaonan nu Israel binau-Nyomo da pinatundu'mo Salatan kita tinumbuhanmo nu sampobali' Ia madi'mo nontulungi. Susumo apu binanyela-nyelakmo anu nontoyo'imo apa-apaa sumo aitumo na tumpu nontambuha'i kita iwi-iwi'.

MOHAANGI 2:4

Susumo sampobali' Ia nompotajumo pompeletnyo ka' nompopatumo mae hihisnyo hi kita Iwi-iwi' na mian anu nomposanangmo kinyonyoanto ningkotmo na pinatean-Nyo Sinumbuhakon-Nyomo na kapusan-Nyo susumo apu nokiijo' i uno nu kota' Yerusalem aiya.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 21:31

Ku potudunmo na tambuha'Ku anu inoakmo susumo apu hi belemiu. Ka' belemiu Ku bee'mo hi to mia-mian anu talalo buhingison anu memang ahi' ingajanmo na mompatei.

YEHEZKIEL 30:16

ka' kota' aijo' mongoa'imo kasansala'an. Memang totu'u Ku papumo na Mesir. Iwi-iwi na pagan mesen nu kota' Tebe mohobo'mo ka' mule' kota' aijo' nu anjuhakonmo nu iaba'.

YEHEZKIEL 39:6

Ku potokamo mae na apu da mompapu tano' nu Magog tiba isinin na sonibi nu bone anu ko miannyo monjojoongi ka' tumuu' madi' ko anu mompoposia. Sahingga nu sumbu'je nu aha iwi-iwi' taalu' Akumo ahi' na Tumpu.

YEHEZKIEL 7:8

Madi'mo daagi' pin na belemiu mongoa'imo tambuha'-Ku anu taha-tahahumo. Ku putusimo na hukuman nu beleyum sitimbang tiba palabuatan nu beleyum. Ku balosakonmo hi beleyum iwi-iwi na palabuatan nu beleyum anu talalo mahumimi'.

NAHUM 1:2

Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

ZEFANYA 2:2

da ma'isa pe'e belemiu magayou ka' manggas susum bunga-bunga! Sinsumbu'mo da ma'isa pe'e toka na sinaa potambuha'an nu Tumpu anu ko suhu-suhutmo aijo'.

MALEAKHI 3:2

Tetapi ihe na moko ala totahan i sinaa nu Tumpu anu tokamo mae aijo' ka' mompotoamo butong-Nyo? Kalana Ia sumomo ahi' apu nu tukang anu lewa' monsopu' logam, ka' mule' sumomo ahi' sabung nu tukang baso'i hude.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

ANU PINOTO'I HI YOHANES 16:1

Lantas aku nohongo potatae anu daka' lengkat mae i Laigan nu Tumpu potatae hi malaikat anu popi-popitu' aijo', “Lako'mo bubusakon na isi nu popitu' na tampat pinongisian tambuha' nu Tumpu aijo' i bawo nu dunia!”

ANU PINOTO'I HI YOHANES 16:8

Lapas na aijo' malaikat ko opatnyo nombubusakonmo isi nu tampatnyo i batu nu sinaa, sahingga batu nu sinaa pinobee'mo mompapui mian nu panasnyo anu talalo hondo aijo'.

ANU PINOTO'I HI YOHANES 6:17

Sinaa anu okabuk aijo' tinokamo, uuka aiya aha mompobuntumo tambuha' nu aha, ka' madi' ko samian pe'e na moko ala totinjo i ahop nu aha!”