NAHUM 1:5 - KITAB NU TUMPU ALLA LELE MA'IMAI'

⁵ Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

NAHUM 1:5 ပူးပေါင်းရင်းမြစ်များ

2 SAMUEL 22:8

Lantas dunia ilulu'onmo, ka' ginayu'anmo, pu'unnyo nu bungkutnyo iwi-iwi' nongkohenggomo kalana Tumpu Allah notambuha'mo!

AYUB 26:11

De Ia tolosegamo daka-daka', sinin na ohi' pontungkon langit gayu'an.

AYUB 9:5

Tumpu Allah molalin bungkutnyo madi' nusumbu-sumbu' nu mian, latnas nubali-balikakonmo kalana ia motambuha'mo ka' talalomo hondo pusa.

MAZMUR 104:32

Ia montonto'i dunia ka' mompotimbali langkakatan bungkutnyo iwi-iwi' i henggonyo, sahingga nosabatmo mae na tibuknyo.

MAZMUR 114:4

Iwi-iwi na bungkutnyo naha lumpatanmo susumo mee', iwi-iwi' na puge'nyo suele naha lumpatanmo susumo anak nu domba.

MAZMUR 114:6

Nosiamo na belemiu iwi-iwi na bungkutnyo ka' naha lumpatanmo ka' belemiu iwi-iwi' na puge'nyo naha lumpatanmo?

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

MAZMUR 18:8

Lantas tano' ginayu'anmo ka' ginenggohanmo, pu'un nu bungkutnyo iwi-iwi' tinolohenggomo ka' ilangkakatanmo kalana Tumpu notambuha'mo.

MAZMUR 46:6

Tumpu jojoong kiita' mae, sahingga kota aijo' madi' hansun; Ia na montulungi mae salatan jingka bete'mo mae.

MAZMUR 68:8

O, Tumpu tempo'nyo Belento nolaya' mian anu palesayamo hi Belento i lumajang notulu i tampat anu madi' ko ueenyo,

MAZMUR 98:7

Pombuhokmo mae na belemiu ambai tiba iwi-iwi' na isinyo dunia ka' iwi-iwi' na anu monjojoongi.

NOSABATMO 19:18

Songko-songko na Bungkutnyo nu Sinai sinaputmo nu tibuk, kalana Tumpu nintatau'mo aita' i uno nu apu. Tibuk aijo' kino puha-puhamo susumo tibuk i tampat anu pinapuanmo, ka' songko-songko na bungkutnyo ginayu'anmo hondo-hondo.

YESAYA 24:1

Tumpu monsilakaimo tano' sahingga mategesmo ka' mule' liingmo. Nu bali-balikakonmo na aita' kilitnyo nu tano' ka' mule' mongga'a-ga'atakonmo miana nu monjojoongi.

YESAYA 24:20

Loda nu tano' mahasulonanmosusumo mian anu nalangumo ka' gayu'anmo susumo tahop tinuda'mo nu tobusisi'. Tano' mohobo'mo kalana piniboatanmo nu dosa'nyo. Ia hansunmo ka' madi'mo po ule' tuminjo.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 4:24

Tinoangku na bungkutnyo tiba puge'nyo anu toto tangka-tangkas talalomo ahi' na ginayu'an.

YEHEZKIEL 38:20

Iwi-iwi' na ikan tiba tomonsi', iwi-iwi' na binatang anu daka' tiba anu ise', ka' iwi-iwi' na mian anu aiya i dunia, nu lakatmo nu buhuk na mongahopi Aku. To bungku-bungkutnyo motuha-tuhanmo, to kele-keles mule' motuha-tuhanmo ka' pagan mesen iwi-iwi' mohobo-hobo'mo.

YOËL 2:10

Hau-haunyo aha mongahopimo tano' i lakatnyomo, ka' langit suele ilakatnyomo. Lantas pinikatmo na batu nu sinaa ka' bitu'on ka' jingka nu to manda-mandala' i madi'mo.

AMOS 9:5

Dunia tinolohunjongmo ka' mian anu jojoong i dunia sinusa'mo kalana i henggomo nu Tumpu anu Matangkas ka' Daka' na kuasanyo. Susumo Kaunyo nu Nil iyaba' ka' mo'oti sumo aitumo na aha moliba' lantas nanabu'.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 27:51

Lalanse' anu pinosegot i uno nu Laigan nu Tumpu, nobeak tinimbali ohua', lengkat i buannyo tinoka i aluknyo. Dunia ginayu'an, ka' to bungku-bungkutnyo nu batu nobiha-biha'.

MATIUS 28:2

Monti-montiik kino luulu'mo anu daka' hondo. Samian na Malaikat nu Tumpu nintatau' lengkat mae i suluga' lantas nolingginakon batu pinongkulubi aijo', ka' sinumuhang i buannyo.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

ANU PINOTO'I HI YOHANES 6:14

Langit madi'mo tinoa sumomo kalatas anu i lulunmo, ka' iwi-iwi' na bungkutnyo ka' togong ilalinmo nompala'imo tampatnyo.

TO MIA-MIAN KOPIAN 5:5

To bungku-bungkutnyo ginayu'anmo i ahop nu anu mongkuasai Sinai, i ahop nu Tumpu, Tumpu Allah nu aha mian Israel.