NAHUM 1:4 - KITAB NU TUMPU ALLA LELE MA'IMAI'

⁴ Ia nonsegaimo ambai ka' nompo 'otimo iwi-iwi' na kaunyo pinojadimo notiis na ueenyo. Bungkutnyo nu Karmel ka' iwi-iwi na padang anu kiijo' i Basan madi'mo na omuk ka' kiijo' i Libanon nagayoumo iwi-iwi' na bunga-bunga.

NAHUM 1:4 ပူးပေါင်းရင်းမြစ်များ

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

2 SAMUEL 22:16

Lana nu ambai tinabuka'mo ka' suele babatungo nu dunia tinabuka'mo tempo'nyo Tumpu nonsegaimo iwi-iwi' na sampo bali'nyo kalana Ia pinusamo.

AYUB 38:11

Aku notataemo hi ia, ‘Aiyamo na potempasannyo. Boli nu liu-liu! Ola toka i aiya na katokaan nu bokonum iwi-iwi' anu toto hoso-hoson belentimo.’

MAZMUR 104:7

Salatan sineganmo nu Belento, uee aijo' no'ilimo mabohos hondo na no'ili kalana talalo ahi' daka' na potatae nu Belento.

MAZMUR 106:9

Kalana palentah-Nyo Ambai Gelagah no'otimo, Ia nomboamo mian anu palesayamo hi Ia i lumajang nontulu ambai, sumomo nontulu i tampat padang anu mateges na tano'nyo.

MAZMUR 114:3

Ambai Gelagah nontoamo-Ia lantas nopalaimo, Kaunyo nu Yordan madi'mo no ili.

MAZMUR 114:5

Nosiamo, o, ambai, sahingga beleyum nopalaimo, ka' mule' Kaunyo nu Yordan madi'mo no ili?

MAZMUR 18:16

Lananyo nu ambai kinantoaanmo ka' latasnyo nu dunia tinabuka'mo tempo'nyo Tumpu notambuha'mo sinegan-Nyomo na sampobali'nyo.

MAZMUR 74:15

Belento nompotimbalimo da mata nu uee ka' kaunyo mo'ili; kaunyo anu daka' pinotimbalimo nu Belento da no'oti.

YESAYA 33:9

Lipu' opala'imo sahingga liingmo. Iwi-iwi' na alas nu Libanon mateekmo, ka' bangka'nyo nu Saron anu molumba' hondo sumomo padang tampat anu mateges. I Basan tiba i Bungkutnyo nu Karmel, iwi-iwi na hon nu kau' singkapmo mo hudu'.

YESAYA 42:15

Bungkutnyo tiba puge'nyo Ku potimbalimo tano' anu kuunmo, Iwi-iwi' na anu tumuu' ikiijo' Ku potimbalimo magayou. Iwi-iwi na bangka'nyo nu kaunyo Ku abali'mo da timbalimo padang tampat anu mateges, iwi-iwi' na dowiwi Ku po'otimo.

YESAYA 44:27

Akumo na notatae hi lananyo nu ambai: Tolotutusmo na oko! Aku kahanda'mo mongotii iwi-iwi na kaunyo nu beleyum.

YESAYA 51:10

Belento mule' ahi' na nompo'otimo ambai, uee nu ndalangon anu maleeng hondo. Belento nombaumo jalan montulu uee aijo da to mia-miana nu oposalamatmo timbali motaap ikiijo'.

YEHEZKIEL 30:12

Ku po'otimo na Kaunyo nu Nil ka' songko-songko na Mesir obee'mo hi aha mian anu ma'idek na kinyonyoanyo. Aha to mia-mian anu isalipu'an mae Ku pokaumo mohopu'i songko-songko na lipu' aijo'. Aku, Tumpu notataemo.”

YEHEZKIEL 38:20

Iwi-iwi' na ikan tiba tomonsi', iwi-iwi' na binatang anu daka' tiba anu ise', ka' iwi-iwi' na mian anu aiya i dunia, nu lakatmo nu buhuk na mongahopi Aku. To bungku-bungkutnyo motuha-tuhanmo, to kele-keles mule' motuha-tuhanmo ka' pagan mesen iwi-iwi' mohobo-hobo'mo.

AMOS 1:2

Aiyamo na anu tinaloakon i Amos, “Tumpu noloboo'imo aita' mae i Bungkutnyo nu Sion, potatae-Nyo pinodaka'mo lengkat mae i Yerusalem. To pada-padang hemput tinimbalimo napeges, hemput i Bungkutnyo nu Karmel i nagayoumo hondo.”

AMOS 5:8

Tumpu na nompotimbali to manda-mandala' aita' ilanga mandala' mian totolu' ka' mandala' mian da'isan. Ia nombabali'i pikat tinimbali na jingka ka' sinaa tinimbali pihi, uee lengkat mae i ambai binubusakon-Nyo i katano'an. Anu nombau iwi-iwi' aijo', sanggonyo aijo'mo Tumpu.

MATIUS 8:26

“Kadaka' komiu mabuhuk?” Tukoonyo i Yesus. “Komiu madi' talalo palesaya hi belengku!” Lapas aijo' i Yesus tinuminjo ka' nonsegai mombun tiba dowiwi aijo'. Lantas dowiwi aijo' nolinomo hondo.

YOSUA 3:16

tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.