NAHUM 1:3 - KITAB NU TUMPU ALLA LELE MA'IMAI'

³ Memang Tumpu madi' malia' pusa, panyo Ia mule' talalo ahi' balakuasa sahingga de ihe na mombau kasala'an, madi' Nu pobebas ihukuman. Iya mae na kalajangan nu Tumpu ikiijo' tokamo mae na antong anu daka' hond, itampat panimpeja'an nu tengke-Nyo ikiijo' abu' timbali kundom.

NAHUM 1:3 ပူးပေါင်းရင်းမြစ်များ

2 SAMUEL 22:10

Langit biniha'-Nyomo lantas nintatau'mo na Ia, i kundom anu butolu hondo akaong i aluk nu tengke-Nyo.

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

AYUB 10:14

Nu jagai na aku dumo mamanga mombaumo kasala'an, da madi' nu bee'nu Belento na ka'ampunan.

AYUB 38:1

Lapas aijo' notataemo na Tumpu, potataenyo nolengkat mae aijo' i uno nu antong anu daka' hondo hi Ayub sumo uuka:

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

MAZMUR 103:8

Kalana Tumpu saja' mongkalibosi ka' mongkanonongi, Ia talalo hondo sabaan ka' kalibosannyo daka' hondo.

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 145:8

Tumpu aijo' pangkalibosi ka' pangkanonongi, madi' sampa motambuha' ka' saja' mongkalibosi.

MAZMUR 147:5

Daka' hondo na kuasa ka' opalias hondo na Tumpunto, kapandean-Nyo talalo hondo manjoo'.

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

MAZMUR 62:11

Boli montaha'imani anu ola o humpak kalana opakisa hi mian, ka' boli montakabunakon balang anu opahuhuakon. Ka' mule' de kakaya'an nu belemiu mompaka pintuangmo, boli kinyonyoa nu belemiu me saja' kiijo' i halata'.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YESAYA 29:6

Tumpu Anu Daka' na Kuasanyo mompobebasmo kota' aijo' nu antong anu daka' hondo tiba luulu' anu daka' hondo. Ia mompotokamo mae antong anu daka' hondo ka' apu anu banyela-nyelakmo.

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

YEREMIA 4:13

Soba toa sampobali tinokamo mae sumomo ahi' kundom. Kareta nu aha anu bau pahampate sumomo ahi' tombusisi', ajahan nu aha lebe malia' nulingkudui na bonyia nu mahap. Ado silakamo na kita! Kita mohopu'mo!

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

HOSEA 8:7

Mian-Ku anu palesayamo monsa'u mombun jadi aha mompadakje antong! Ale' nu gandum nu aha madi' jadi maha mokini ka' madi' mule' mohasinakon labu da okaan. Panyo de gandumnyo i ale' aijo' maha ka' mokini ahi' saba gandumnyo aijo' ola ahi' nu ingkoti saidi' mae nu to bansa-bansa sangga'at.

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

NOMBILANGMO 14:18

‘Aku, Tumpu, madi' malia' pusa. Ku potoamo na kalibosan-Ku ka' kanonongan-Ku molabi-labi. Aku mongampuni mian anu baladosa' ka' anu panggaga hi beleng-Ku. Mau mule' sumo aijo', kasala'an nu tu'anyo saidi' mae Ku balosakonje hi to ana-anaknyo ka' hi to maku-makumpunyo, sampe toka i lee'nyo anu ko totolu'nyo ka' ko opatnyo.’

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!