NAHUM 1:2 - KITAB NU TUMPU ALLA LELE MA'IMAI'

² Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

NAHUM 1:2 ပူးပေါင်းရင်းမြစ်များ

AYUB 20:23

Salatan ia tinasiagamo mongisi kompongnyo, tinambuha'anmo hondo nu Tumpu Allah na ia ka' i hukum-Nyomo.

MAZMUR 94:1

O Tumpu, Belentomo na Tumpu anu mombalosi, potoamo mae na pombalasi nu Belento o, Tumpu.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOSABATMO 34:14

Boli monsombah pilogot sangga'at, kalana Aku, Tumpu, te Tumpu Allah anu madi' mongka'oho' opokakanakon tiba mau mule' pa' apaa.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

YESAYA 42:13

Tumpu mambamo mahampate susumo samian na talenga' susumo samian na suludadu anu binanimo na mahampate. Ia nongaisakonmo ais nu pahampatean, ka' nompotoamo ka untungan-Nyo mahampate de mongewamo sampobali'.

YESAYA 51:17

Pobulamo, o, Yerusalem, pobulamo! Hukuman anu inabu'akonmo nu Tumpu kalana tambuha'-Nyo ingoa'anmo nu beleyum sampe iningkot.

YESAYA 51:20

Isinin na puusnyo nu jalan aha to mia-mian nu beleyum tombahangkangmo kalana madi'mo ko kahosonan pokakanamo susumo jonga anu nu konamo nu so'o. Aha kinonamo nu tambuha' nu Tumpu, ka' sineganmo nu Tumpu nu beleyum.

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

YEREMIA 25:15

Tumpu, Tumpu Allah nu aha Israel, notataemo mae hi belengku, “Ala na galas nu anggur aiya anu ingisian-Kumo nu anggur tambuha'-Ku. Boamo hi iwi-iwi' na bansa pa' iya na kalambanan ponsaian-Ku beleyum mamba, ka' pokau na aha da monginum anggur aiya.

YEREMIA 28:8

To nabi-nabi ma'isa pe'e kinokitanyo polo'mo nongkila-kila tukoonyo nu aha pahampatean, balaa' kapatean, ka' mule' panyakit anu molele mongkonamo manjoo' na bansa tiba kalaja'an anu toto hoso-hoson.

YEREMIA 3:5

Beleyum mule' notatae, kooyum Aku madi' mule' saja'mo montambuha'i beleyum. Sumo aijo' na anu tinaloakonmo nu beleyum, o Israel, panyo hau-haunyo aijo' saja' ahi' nu bau na palabuatan iwi-iwi' anu timbali nu poko ala nu bau.”

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 50:15

Aisakonmo na ais nu pahampatean aijo' titikup ikota' aijo'! Uuka aiya Babel madi'mo daagi' noko ala nombau apa-apaa. Sinin na pagannyo mesen singkapmo biniha-biha' ka' ihobo'akon. Aku nombalosakonmo palabuatan nu Babel. Kalana aijo' baumo na aha susumo aha lewa'mo nombau mian sangga'at.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 38:18

Tumpu Anu Matangkas na Kuasanyo notatae, “Panyo salatan i Gog moko lapasmo na nontumbuhi Israel, Aku mangamu'mo.

YEHEZKIEL 38:19

Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

YEHEZKIEL 5:13

Beleyum mongoa'imo tambuha'-Ku anu taha-tahahumo ka' mule' Aku mangamu'mo sampe Aku puasmo. Salatan iwi-iwi' aijo' jadimo atina'je ka beleyum palesaya taalu' Akumo ahi' na Tumpu anu notataemo hi beleyum kalana Aku notambuha'imo beleyum madi' tulu-tulutan.

YEHEZKIEL 6:12

Aha iwi-iwi' mongoa'imo tambuha'-Ku anu taha-tahahumo. Aha tomia-mian anu majo'on kiijo' mae i pinomboan ka' pinompojoongan masakitmo lantas silakamo; anu aiya ohani silakamo kalana mahampate, ka' tuha'nyo silakamo kalana madi'mo ko anu okaan.

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YOËL 2:18

Lantas Tumpu nompalahatikanmo tano'-Nyo ka' nongkalibosimo mian-Nyo anu palesayamo.

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

ZAKHARIA 1:14

ka malaikat aijo nompo kau aku da' mompotoka apa na anu tinaeakon nu Tumpu Anu Matangkas na Kuasa-Nyo. Aku mongkalibosi kondo ka molibos kondo kota Yerusalem, kota-Ku anu susi'.

ZAKHARIA 8:2

“Aku kahanda'mo hondo montulungi Yerusalem kalana Aku talalomo hondo mongkalibosi miannyo anu jojoong ikiijo', ka' kalana kalibosan-Ku aijo' kinyonyoang-Ku na'idekanmo hondo hi aha anu lewa monsampobali' mae kota' aiya.

NOMBILANGMO 25:11

“I Pinehas, anak i Eleazar, makumpu i Imam Harun, jinunjuhi'mo na nontijohakon katalasanggoan-Ku hi aha mian nu Israel, sahingga Aku madi'mo pusa ka' Aku madi'mo sida na mompatei bansa aijo'.

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”

ROMA 13:4

Kalana pamalentah posaihon nu Tumpu anu mokalaja bau ka'ima'an. Panyo de kita Utus mombau anu ma'idek, memang kita Utus tionyo mabuhuk hi ia, kalana madi' ola palasuma na ia ko kuasa mohukum mian. Ia posaihon nu Tumpu anu monabu'akon hukuman nu Tumpu hi to mia-mian anu mombau anu ma'idek.

PO'ULE' INGULIT 4:24

kalana Tumpu Allah nu belemiu sumo apu montoyo'i. Ia madi' mongka'oho' opokakanakon sumo pa' apaa.

PO'ULE' INGULIT 7:10

Panyo madi' ko madi'nyo Ia sabole-bole mohukum aha anu mongka'ideki Ia.

IBRANI 10:30

Osumbu'to ihe na Ia anu notataemo, “Ku balosije! Ku hukumje!” ka' anu notataemo, “Tumpu momputusije mian anu palesayamo hi ia.”

YOSUA 24:19

Lantas i Yosua notataemo, “Panyo belemiu kugantang madi' moko ala palesaya ka' mohongo-hongo Tumpu, kalana Ia Tumpu Allah anu susi'. Anu Ola Sa'a-sa'angu'nyomo. Ia madi' mongka'oho' ko anu mongkakanai. De belemiu mompala'imo Ia ka' palesayamo ka' mohongo-hongomo hi to pilo-pilogot sangga'at, Ia madi'mo mongampuni dosa' nu belemiu. Panyo ola ahi', Ia mongewamo ka' mohukum belemiu. Ia mompateimo belemiu, maumo naipuan mae Ia nanonongmo hi belemiu.”

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,