NAHUM 1:14 - KITAB NU TUMPU ALLA LELE MA'IMAI'

¹⁴ Sumo uuka na putusan nu Tumpu mongkona bansa Asyur, “Aha madi'mo daagi ko tulunan anu mombolosakon bansanyo. To pato-patong nu pilogot anu daagi kiijo' i laigan ponsomban, Ku hansunimo. Polamunan bansa Asyur Ku toukaimo kalana aha madi'mo pantas na tumuu'!”

NAHUM 1:14 ပူးပေါင်းရင်းမြစ်များ

2 TOMU-TOMUNDO' 19:37

Daagi' kino sansinaan hau-haunyo ia monsombah i uno nu kuil pilogot Nisrokh, ia natemo tinabas i Adramelekh nu bajak tiba i Sarezer, tiba to ana-anaknyo momo'ane. Lapas aijo' aha nalaimo i lipu' Arafat. Sahingga i Esarhadan, anaknyo mo'ane sangga'at na tinimbali tomundo' nombolosakon ia.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

AYUB 18:17

Ia madi'mo sinumbu-sumbu' i unonyo kabai i sambiha' nu kota'; mau pe' samian madi'mo ko anu nonsumbu-sumbu' sanggonyo.

MAZMUR 109:13

Bakas da iwi-iwi' na lee'nyo opateimo, ka' sanggonyo nu kolilimimo nu tulunan anu aiya mae i ahop.

MAZMUR 71:3

Potimbalimo mae susumo bungkutnyo nu batu na belento da bau pihohunganku, anu dengke, na saja' ku poko ala ku sahak. Kalana Belento nontantukanmo momposalamat aku, Belentomo na bau pihohunganku ka' pingkonganku.

NOSABATMO 12:12

Pihi aijo' Aku lumajangmo monsongkohi tano' nu Mesir, ka' mompateimo to ana-anak tumpe mo'ane, mau manusia mau pe'e binatang. Ku hukumo na pilogot iwi-iwi' i Mesir, kalana Akumo na Tumpu.

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YESAYA 33:13

Bakas da iwi-iwi' na mian anu ohani kabai anu majo'on mohongo mae palabuatan-Ku ka' mongakuimo kakuasa'an-Ku.”

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

DANIEL 11:21

Malaekat aijo' notatae mule', “Tomundo' anu saidi' mae mompalentah lipu' sasu utara samian na anu madi' ko agamanyo ka' madi' ko hak timbali tomundo'. Panyo katokaannyo mae madi' osangka-sangka ka' mongagoimo pangkat salaku tomundo' mompake kapandean mongakali.

DANIEL 5:27

tinimbang, belento Tuanku tinimbangmo ka' sinumbu'mo madi'mo tinalakana';

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

MIKHA 5:13

Iwi-iwi' na tugu nu Pilogot boune, Asyera i lipu' nu belemiu Ku hobo'akonmo ka' mule' to kota-kota' nu belemiu anu ko bentengnyo Ku hansunimo.

MIKHA 5:14

Tambuha'-Ku anu tala-talalomo hondo sahingga Ku balosakonmo na palabuatan nu aha anu ma'i-ma'idek aijo' iwi-iwi', kona hi aha bansa anu madi' tulu-tulutan hi beleng-Ku.”

HABAKUK 2:10

Panyo tanga'an nu beleyum aijo' ola ahi' monsaduakon da ma'ambang na auan nu beleyum. Kalana lewa'mo nompahuhui manjoo' na bansa, beleyum nosi polugi'mo butong nu beleyum.

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.