NAHUM 1:10 - KITAB NU TUMPU ALLA LELE MA'IMAI'

¹⁰ Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

NAHUM 1:10 ပူးပေါင်းရင်းမြစ်များ

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

MAZMUR 118:12

Susumo uani' aha nongkampuhimo mae aku; kalana kakuasa'an nu Tumpu aha pinatundu'kumo. Ola sinangkinihap aha pinoho'mo susumo apu anu nontoyo'imo kuhat anu ko hi'nyo.

MAZMUR 68:2

Tumpu nomposungkehetmo ka' nongga'a-ga'atmo anu nonsampobali' Ia, mian anu mongka'ideki Ia nopalaimo madi'mo noko ala tinuminjo i ahop-Nyo.

NOSABATMO 15:7

Tiba katalasanggoan nu Belento anu daka' hondo Belento nohopu'imo iwi-iwi' na anu nongewamo Belento Pusa nu Belento talalomo hondo kino juhu-juhut susumo apu ka' nompapuimo aha susumo hat.

NOSABATMO 5:12

Sahingga nambamo na mian nu Israel nonsongkohi songko-songko na tano' nu Mesir mompolimu' haat.

YESAYA 27:4

Aku madi'mo daagi' motambuha'. De bisuanyo ko hemput kabai kuhat anu ko hii'nyo, Aku na mompatei ka mompapui sampe mingkot.

YESAYA 47:14

Soba toa, aha sumomo ahi' hat anu nu kaanmo nu apu; madi' ahi' nu poko ala nu aha na mosi posalamat butong nu aha! Moak nu apu aijo' talalo ahi' mapanas na nu oa'i nu aha, misa' panas nu apu anu bau pinjohuan.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

YESAYA 9:18

Tumpu Anu Daka' na Kuasanyo talalomo hondo notambuha' ka' hukuman anu Nu nabu'akon sumomo apu anu kino ilos-ilosmo ka' bansa aijo', aijo'mo na anu nu nu toyo'imo. Madi'mo daagi' kosamian na anu mongkalibosi utusnyo.

YEREMIA 51:39

Panyo jota nu aha kahanda' mongkaan na tahahumo ahi'. Ku posadiaimo anu okaan na aha, ka' molanguimo aha ka' malintunga'mo na ubak sampe tohoyotmo ka' madi'mo daagi' moko ala mobula.

YEREMIA 51:57

Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

MIKHA 7:4

Anu talalomo ma'ima' na kinyonyoa ka' mule' anu talalomo tageo' na kinyonyoanyo aijo' hi aha panyo sumo-sumomo ahi' hemput anu kohii'nyo madi' kokaliangannyo. Tinokamo na tempo'nyo Tumpu mohukumo mian-Nyo anu palesayamo susumo anu toho'mo pinotuka'-Nyo hi aha to nabi-nabi-Nyo ka' to nabi-nabi-Nyo na nompoto'imo hi aha. Uuka aiya tinokanmo nu pahantuda'an hi posi bubu'mo aha.

NAHUM 3:11

O Ninewe beleyum suele poso'mo kalana malangumo. Beleyum suele bala'usaha da madi' nu poposia nu sampo bali' nu beleyum iwi-iwi'.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

1 SAMUEL 25:36

Salatan i Abigail ninsusule'mo hi Nabal tinokannyo kinobau-bauonmo anu kada' hondo i laigan nu aha sumomo bau-bauon nu tomundo'. Jadi kalana i Nabal nalangumo ka' talalomo i lame' na ia, sahingga bengkele'nyo ma'isa nompoto'i apa-apaa sampe tinoka dodododopnyo.