MOHAANGI 5:17 - KITAB NU TUMPU ALLA LELE MA'IMAI'

^17-18 Bungkutnyo nu sion i liingmo ka' pinala'ianmo; i kiijo' mae dedeng nu alas lewa'mo nololo. Kalana aijo' kinyonyoa mami i na'idekanmo hondo, kami i humangmo sampe pinahaamo na kami montoa.

MOHAANGI 5:17 ပူးပေါင်းရင်းမြစ်များ

AYUB 17:7

Matangku pinahamo kalana lewa'mo i humang; songko-songko na butongku nagesukmo hondo.

MAZMUR 31:9

Belento madi' mompojohok mae aku nu hakop ka' nu boa nu sampobali'ku, panyo mompobee' ahi' mae aku lumajang bebas.

MAZMUR 38:8

Sakit nu sihabi mompapumo mae butongku, madi'mo daagi' ko anu mahoson i uno nu butongku.

MAZMUR 6:7

Aku talalomo hondo nalawe kalana saja'mo notusa' sampahu-pahu na lolu'ku jumuju mohumpisi kahoyotanku.

MAZMUR 69:3

Aku tinopolosmo i tampalang anu maleeng hondo, madi'mo kinopanimpeja'an. Aku tinonu'mo i uee anu maleeng hondo, inganjuhakonmo nu ambai anu binundokmo.

YESAYA 1:5

Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

YESAYA 38:14

Potataengku ko ise-ise'nyomo ka' madi'mo mahoson, susumo tomonsi' dara aku saja'mo mompele-pele'. Matangku napoe'mo na saja' monsinda langit, Tumpu pobebasakonmo mae na aku da madi'mo susa' susumo aiya.

YEREMIA 46:5

Panyo Aku, Tumpu nontoamo aha ninsusule'mo mae kalana nabuhukmo. To sulu-suludadu nu aha pinatundu'mo mae ka' nopalaimo mae kalana nabuhukmo madi'mo daagi' nonsiloi hiku.

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

MOHAANGI 1:13

Lengkat mae i langit tinudunakon-Nyomo mae na apu nompapui toka-toka' i uno nu butongku. Pinokona-Nyo na so'o i ahopku, sahingga aku kinonanyomo ka' notua'mo. Lantas pinojohoknyomo na aku ola sausa'ku, na nongoa'i sansala kopinnyo sansina-sinaa.

MOHAANGI 1:22

Palahatikan iwi-iwi' na ka'idekan nu aha haha aijo', ka' baumo na aha susumo belento nombaumo aku, kalana iwi-iwi' na dosa' anu binaungkumo hi belento, Tina upkumo na kasansala'an kinyonyoangku sinusa'mo ka' butongku ko page-pagesuknyomo.”

MOHAANGI 2:11

Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

YEHEZKIEL 21:15

Ia nompojadimo bansang-Ku da madi'mo binaani ka' nohumpakmo kasusa'an. Pinopobuhuk-Kumo na kota' nu aha nu bajak anu jijinongkilabanmo aijo' susumo kilat ka' me kogia'nyo mompatei.

YEHEZKIEL 21:7

De aha mompokilawa kadaka' beleyum nososonmo saba' poto'i taalu' beleyum sinusa'mo na kinyonyoa kalana lele nu balaa' anu saidi' mae toka. Lele aijo' mompolangkakatanmo kinyonyoa nu aha, lima nu aha lundengmo, ka' ike-ike' nu aha suele langkakatanmo ahi', aha madi'mo daagi' bilak. Memang sinaanyo aijo' tokamo mae, ka' iwi-iwi' aijo' tionyo ahi' jadimo. Aku, Tumpu Anu Matangkas na Kuasanyo notataemo.”

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

MIKHA 6:13

Uuka aiya Aku montampu'unimo monsantip ka' mohansuni belemiu kalana dosa' nu belemiu iwi-iwi'.

PO'ULE' INGULIT 28:65

Kiijo' mae hi bansa haha aijo' madi' mohumpak kasanangan nu kantumuu'an, ka' madi' ko tampat anu timbali osanggo anumo nu belemiu; Tumpu mompotimbalimo belemiu da hentemo hondo-hondo madi'mo ko anu otaha'imani.