MOHAANGI 4:7 - KITAB NU TUMPU ALLA LELE MA'IMAI'

⁷ Naipuan mae to pola-polaya' mami madi' ko anu opisala'i susumo kapas anu pute' hondo. Aha betek ka' mahoson, bikas ka' madi' ko panyakit.

MOHAANGI 4:7 ပူးပေါင်းရင်းမြစ်များ

AYUB 28:16

Mosoni' ka' mainan anu mahan hondo na olinyo madi' moko ala mongkakanai angga'nyo.

AYUB 28:18

Kapandean bapikin na lebe matangkas na angga'nyo molingkudui manyi-manyi anu momea' na bau olo', kristal, kabai mutiara.

MAZMUR 144:12

O'amalakon da to ana-anakto mo'ane de daagi' olitau sumomo sosu'anon anu ko daka-daka'nyomo. O'amalakon da to ana-anakto boune sumomo ahi' ohi anu handa, anu bau pombunga-bungai pasu'nyo i laigan nu tomundo'.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

NOSABATMO 24:10

ka' aha nontoamo Tumpu Allah nu aha Israel tinuminjomo aita' mae anu lupanyo sumo salo, te batu mainan na binau buhitnyo mobilu' sumo langit najingkamo.

NYANYIAN ANU TALASANGGO 5:10

Sindua'anku handa ka' tingkaion, lebe molingkudui aha anu sampulu' na madala na mian.

NYANYIAN ANU TALASANGGO 5:15

Tengkenyo sumomo ohi' mar-mar anu mopute', anu ilatasan nu mosoni' anu madi' ko galo'nyo. Tambong nu butongnyo sumomo ko ima'nyo nu bungkutnyo nu Libanon, ka ko hosonnyo sumomo kau' aras.

DANIEL 1:15

Salatan tempo'nyo ningkotmo aha tinoa lebemo sinehat ka' mule' nahosonmo ilingkuduannyomo nu aha iwi-iwi' na to oli-olitau anu mohumpak kaanon i meja' nu tomundo'.

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

TO MIA-MIAN KOPIAN 13:5

De anak nu beleyum aijo' hampemo, boli hondo-hondo o gunting na ubaknyo kalana i uno pe'e nu ma'alum ia tinantukanmo da mombau anu nupalentahkon nu Tumpu. Ia na montinjohakon da mompobebas aha bansa Israel da bolimo nukuasai nu mian Filistin.”

TO MIA-MIAN KOPIAN 13:7

Panyo ia notataemo tukoonyo aku poboamo ka' mohumpakmo samian na anak mo'ane. Ia mule' notatae tukoonyo aku madi' timbali monginum anggur kabai anu moko palangu, kabai mongkaan apa-apaa anu madi' toho' okaan, kalana anak aijo' tionyo ahi' o bee' hi Tumpu Allah da timbali mian anu mombau apaa na anu nupalentahkon nu Tumpu i uno nu kantumuu'annyo.”

TO MIA-MIAN KOPIAN 16:17

Ahennyo sinisikmo i Simson na lahasianyo. I Simson notataemo, “Ubak ku ma'isa toho' ginunting,” “Aku binee'mo hi Tumpu Allah da Tumpu Allah-mo na tumpunyo da mombau apaa na anu Nu palentahkon. Salatanmo pe'e aku i hampe, aku tinimbalimo mian anu mombau apaa na anu nupalentahkon nu Tumpu. De ubak ku o guntingmo aku madi'mo mahoson, aku lundengmo ka' timbalimo susumo mian baban.”

1 SAMUEL 16:12

Lantas pinokaumo i Isai na mian da mamba molaga aijo'. Taalu' ia samian anu olitau hondo ka' mahoson na butongnyo ka' matanyo mule' ma'ima' na otoa. Lantas notataemo na Tumpu hi Samuel, “Aiyamo na ia; hangkatmo ka' balakatimo na ia!”