MOHAANGI 4:6 - KITAB NU TUMPU ALLA LELE MA'IMAI'

⁶ Mianku anu palesayamo i hukumo lebe maboat molingkudui aha mian anu jojoong i Sodom anu ola tolo kulap, i hansunmo na pinombau nu lima nu Tumpu Allah misa kalana pakalaja'an nu manusia.

MOHAANGI 4:6 ပူးပေါင်းရင်းမြစ်များ

KAJADIAN 19:24

Monti-montiik Tumpu nontudunakonmo ujan alilang anu ko apunyo hi Sodom ka' Gomora.

KAJADIAN 19:25

Ohu-ohua' na kota aijo' i hansunmo, ka' suele songko-songko na bangka'nyo ka' iwi-iwi' na hemput ka' kau', tiba iwi-iwi' na mian anu jojoong ikiijo'.

YESAYA 24:2

Iwi-iwi' na mian mongoa'imo katantuan nu kantumuu'an anu pokakana: aha to ima-imam tiba mian da'isan, botuan tiba anu mompojoong, anu mompobaluk tiba anu mongoli, anu monsabon tiba anu momposabonakon, kaya tiba anu kasiasi.

YEREMIA 20:16

Pojohok da mian anu momboa lele aijo' pokakanamo sumo kota-kota' anu ihansunanmo nu Tumpu madi'mo nonginau kalibosan. Pojohokmo da ia mohongo kihis nu mian kalana nalanitmo daagi' subu, tiba ais nu anu nahampatemo sonsu'un sinaa.

YEREMIA 23:14

Panyo mule' ahi' i Yerusalem tinoang-Ku to nabi-nabi nombaumo palabuatan anu lebe ma'idek mule'. Aha binaleko'mo ka' nasala'mo ka' mule' nonsangaja'imo mian anu mombau palabuatan anu ma'idek sahingga madi'mo daagi' ko samian na kahanda' balatobat. Ku anggap na aha iwi-iwi' na'idekmo susumo mian anu jojoong i Sodom tiba i Gomora.”

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.

DANIEL 8:25

Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

MATIUS 24:21

Tempo' nu sinaa anu ma'idek hondo aijo' daagi' ko kasusa'an anu daka' sumo anu ma'isa toho' tinimbali lengkat pe'e i tampu'unan nu dunia toka tempo' aiya, ka' madi'mo mompo'ule' timbali.

LUKAS 10:12

O inau', i Sinaa Kakiamatan, mian nu Sodom lebe dengke o ampuni nu Tumpu, panyo mian nu kota aijo' madi' dengke na o ampuni!”

LUKAS 12:47

Posaihon anu monsumbu' pongka'oho' nu tuannyo, panyo madi' mosadia ka' madi' mombau kahanda' nu tuannyo aijo', o doke maho-mahoson.