MOHAANGI 4:5 - KITAB NU TUMPU ALLA LELE MA'IMAI'

⁵ Aha anu saja' mongoa'i mongkaan anu to tami-tami', ka' tumuu' i uno nu kalambakan uuka aiya dinumadangkangmo molio kaanon i tambulan nu duhehe, ka' sinilakamo nu ohop tutuus jalan.

MOHAANGI 4:5 ပူးပေါင်းရင်းမြစ်များ

2 SAMUEL 1:24

O boune nu Israel, haangi ka' tando'i na i Saul, tomundo' aijo'! Anu nombaju'imo belemiu nu hude buhitnyo momea' ka' mule' ma'ima' hondo, ka' nompakeimo belemiu nu mosoni' anu ko mainannyo ma'ima' hondo.

2 TOMU-TOMUNDO' 18:27

Tinamaan nu suludadu anu matangkas na pangkatnyo aijo', “Te ola hi belemiu ka' hi tomundo' nu belemiu na pinonsaian mae nu tomundo' Asyur da pompoto'iannyo iwi-iwi' aiya? Madi'! Aku suele motatae ahi' hi aha mian da'isan anu paha-paha suhang i pagan mesen aita' anu saidi' mae tiba belemiu mongkaanmo anu sala' nu belemiu ka' tatidi' nu belemiu o' inummo nu belemiu.”

AYUB 24:8

Ia i humpismo nu ujan anu mabohos hondo kiita' mae ibungkutnyo, lantas ninsondo'mo i batu anu daka'hondo da mingkong.

AMSAL 31:21

Ia madi' bata-bata de tempo' nu bakin tokamo mae; kalana baju de opusok mapanas na butong sinadiamo hi aha salaigan.

MOHAANGI 1:11

I uno nu motusa' ka' mompele-pele'na miannyo anu jojoong i kiijo molio anu okaasan; balang anu ko halaga'nyo mahan pinontolosimo nu aha roti, ola kalana da aha tataap tumuu' ka' boli silaka. Yerusalem nolobo'mo, “O Tumpu, toa mae na aku, palahatikan mae na iwi-iwi' kasala'anku.”

LUKAS 15:16

Ia talalomo no'ohop, mompai isimo kompongnyo nu kaanon nu bau' haha aijo'. Mau ia talalomo no'ohop, madi' ko samian pe'e nombee'i kaanon hi ia.

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

LUKAS 7:25

Komiu namba montoa apaa? Samian na anu mimbaju' ma'ima'? To mia-mian anu mipake sumo aijo', ka' anu tumuu' molabi jojoong i laigan nu tomundo!

1 TIMOTIUS 5:6

Panyo balu anu mongka'oho' tumuu' ola basana-sanang, ia natemo mau mule' ia daagi' tutuu'.