MOHAANGI 4:20 - KITAB NU TUMPU ALLA LELE MA'IMAI'

²⁰ Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

MOHAANGI 4:20 ပူးပေါင်းရင်းမြစ်များ

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

KAJADIAN 44:30

“Kalana aijo' kita Tuanku,” notatae na i Yehuda hi Yusuf, “De aku minsusule' hi tuuma mami madi'mo ko utus ise' mami aijo', tantu tuuma mami silakamo. Santuu'nyo totoong hi anak aijo', ka' ia talalomo hondo i langkai', sahingga kasusa'an anu opotoka mami hi ia aijo' mongahenakonmo kasilakannyo.

2 SAMUEL 1:14

I Daud notatae, “Baani hondo na beleyum nompateimo tomundo' anu pinile'anmo TUMPU!”

2 SAMUEL 1:21

O to bungku-bungkutnyo haha aita' i Gilboa hongo mae na potataengku: Boli ko dondu'ok ka' ujan mohumpisi belemiu! Pojohok da manggas ka' mateges na ale' nu belemiu tiba padang nu belemiu. Kalana kiita'mo mae na pinanintimpasan nu kanta nu mian anu baani hondo. Ka' kanta i Saul mule' ingatakonmo madi'mo ilanya'an.

2 SAMUEL 18:3

Panyo mian haha aijo' nontaami, “Boli Tomundo'. Kalana de kami mopalaimo kalana madi'mo opoko ala mami kabai kami mau olaje sambagian na silaka, sampo bali' ma'isa ahi' sanang kalana belento ahi' Tomundo' na nulio nu aha. Belento Tomundo' angga'nyo bailako' sampulu' na madala na kami. Ka' mule' lebe ma'ima' belento Tomundo' monsaije mae mian anu montulungi kami lengkat aiya ikota'.”

2 SAMUEL 19:21

Nohongo potatae aijo' i Abisai anak i Zeruya notataemo, “I Simei pantasmo na ohukum mate kalana ia nongkutukimo tomundo' anu pinile'anmo nu Tumpu.”

2 TAWARIKH 35:25

I Nabi Yeremia nontulismo sa'angu' na nyanyian bau pohangi i Tomundo Yosia. Sampe sangkutnyo tempo' uuka aiya nyanyian aijo' daagi' saja' onyanyi nu to panya-panyanyi i Israel, mau mo'ane kabai boune, de mombaumo adat monginau' i Yosia sinilakamo. Nyanyian aijo' pinosa'angu'mo i kitab nu nyanyi-nyanyian anu bau ponyanyiakon mian silaka.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

YEREMIA 39:5

Panyo suludadu nu Babel nololoi'mo aha ka' nohakopmo i Zedekia i hatanyo nu Yerikho. Lantas ia binoamo hi Tomundo' Nebukadnezar ikota' Ribla idaerah Hamat, lantas binee'anmo hukuman mate.

YEREMIA 52:8

Panyo suludadu nu aha Babel nololoi'mo ahi' i Tomundo' Zedekia ka' nohakopmo ia ihata'nyo nu Yerikho. Iwi-iwi' na suludadunyo nopalaimo nompala'imo ia.

YEREMIA 52:9

Lapas aijo' i Tomundo' Zedekia binoamo hi Tomundo' Nebukadnezar kiijo' ikota' Ribla idaerah Hamat, lantas binee'anmo hukuman mate.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

YEHEZKIEL 12:13

Panyo buani'-Ku, Ku buani'akonmo bau pohakop ia. Lantas ku boamo na ia ikota' Babel ka' ikiijo' mae ia silakamo padahan madi' montoa kota' aijo'.

YEHEZKIEL 17:18

Kalana ia nolanggaimo sumpa' tiba palajanjiannyo, ia madi'mo daagi' moko ala mopalai.

YEHEZKIEL 31:17

Aha mombatukimo mamba i dunia nu mian anu sinilakamo ka' sihukmo tiba aha anu nanabu'mo momona. Ka' iwi-iwi' na anu naipuan mae sinumuhangmo ipatuu nu kau' aijo' oboamo isongko-songko na bansa-bansa.

DANIEL 4:12

Honnyo iwi-iwi' molonde' ka' mahampe hondo na bua'nyo, sukup na nu kaan nu mian anu jojoong i dunia aiya. To bina-binatang anu ma'ela' lumukut i patuunyo ka' to tomo-tomonsi' mimpeta ito panga-panga'nyo, ka' iwi-iwi na anu ko nyawanyo timbali mongkaan bua'nyo.

HOSEA 13:10

Belemiu momoitamo tomundo' tiba anu bau polaya' nu belemiu, panyo iyamo na aha uuka iwi-iwi'? Pa' timbali na aha moko ala momposalamat belemiu mian da'isan?

TO MIA-MIAN KOPIAN 9:15

Hemput anu ko hii'nyo aijo' nontaami, de totu-totu'u belemiu kahanda'mo mompotimbali aku tomundo nu belemiu, imbo' pingkoong mae i patungku. De belemiu madi' mongka'oho', saba' to panga-panga'ku anu ko hii'nyo aiya na kalubatan nu apu anu mompapui sahingga mingkot na to kau-kau' aras anu kiijo' i Libanon mopapu.’ ”

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”

1 SAMUEL 12:5

Lantas notataemo na i Samuel, “Sinaa uuka aiya Tumpu ka' tomundo' anu pinile'an-Nyomo na timbali sakisi saba' aku memang madi' ko kasala'an maumo ola ise-ise'.” “Memang totu'u Tumpu na bau sakisinto,” tinaaman nu aha.

1 SAMUEL 16:6

Salatan sinihukmo ka' tinoamo i Samuel na i Eliab anak i Isai tantu koonyo, “Aiyamo na anu pinile'anmo nu Tumpu.”

1 SAMUEL 24:10

I Saul nosiloimo no utu i hikunyo, ka' i Daud nonsombahmo salaku nongadati ka' notatae, “Kadaka' belento Tomundo' nohongomo sisik nu mian anu nompoto'i tukoonyo nu aha aku aiya kahanda'mo mompatei belento Tomundo'?

1 SAMUEL 24:6

Panyo lapas aijo' tinutugan i Daud ia sinala'mo kalana nombaumo na ia sumo aijo'.

1 SAMUEL 26:16

Beleyum madi' moko ala mombau apaa na anu pinalentahkonmo, o Abner! I uno nu sanggo nu Tumpu anu tumuu', belemiu iwi-iwi' sahanyo silakamo kalana madi' monjagai tuan nu belemiu tomundo' anu pinile'anmo nu Tumpu. Soba toa! Pa' iyamo na talombo' i tomundo'? Pa' iyamo na pongisian uee anu koko ubaknyo?”

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.