MOHAANGI 4:2 - KITAB NU TUMPU ALLA LELE MA'IMAI'

² Naipuan mae to ana-anak anu tumimpasmo i kota' Sion sumomo ahi' mosoni' anu mahan na olinyo, panyo uuka aiya binaumo susumo gumbang anu ola ahi' tano' na binau.

MOHAANGI 4:2 ပူးပေါင်းရင်းမြစ်များ

YESAYA 30:14

Belemiu mohintutumo susumo kuhon tano' anu moposo'mo ka' motatabumo, sahingga anu nohintutumo aijo' madi'mo ahi timbali opake mau ola ponsake'an mae oba aijo' itolukun kabai mau ola bau pontauk uee aijo' ibak nu uee.”

YESAYA 51:18

Anu atina' jojoong hi beleyum madi' ko anu nontaka aha, anu atina' jojoong hi beleyum madi' ko anu nontuntuni aha.

YEREMIA 19:1

Tumpu nompalentahmo aku namba nongoli selekan tano', ka' nonsale'imo pa' aha sanggkuka na to pola-polaya' nu bansa tiba pa' aha sangkuka na to ima-imam anu langkai'mo,

YEREMIA 19:11

Aku tionyo ahi' mompoto'imo hi aha taalu' Tumpu Anu Mahakuasa nompoto'imo mae sumo uuka, “Bansa tiba kota' aiya Ku hansunimo sahingga timbalimo susumo selekan tano' anu noposo'mo aijo' anu madi'mo timbali daagi' opoko ima'i. Mian molamunmo bangke haha aijo' nu aha i Tofet, kalana madi'mo daagi' ko tampat polamunan sangga'at.

YEREMIA 22:28

Aku i Yeremia nompoto'imo, “Pa' i Tomundo' Yoyakhin tinimbalimo susumo kuhon tano' anu noposo'mo anu o alinmo ka' madi'mo daagi' oka'ima'i? Mokonyo aijo' ia tiba to ana-anaknyo olaa'mo ka' oboamo ilipu' anu madi' nu sumbu-sumbu' nu aha?”

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

MOHAANGI 5:12

To pola-polaya' mami i hakopmo ka' pinokalayo' to tu'a-tu'anyo mami madi'mo daagi' iholomatan.

HOSEA 8:8

Susumo kuhon tano anu noposo sumo aitujemule na Israel madi'o daagi ko'alatinyo, ka tinimbalimo bansa biasa pokakana tibaa bansa sanggaat.

ZAKHARIA 9:13

Yehuda Ku pakemo susumo pana' nu suludadu anu baani ka' mule' Israel susumo hihis nu pana' anu sasadiamo opeletakon. Mian anu jojoong i Sion Ku pakemo susumo bajak tiba bajak aijo' aha to mia-mian nu Yunani Ku tumbuhimo.”

2 KORINTUS 4:7

Panyo halata' nu rohani anu ma'ima' hondo aijo' oboa i butong mami anu madi' ko olinyo aiya anu tano' na binau. Jadi desumo aijo' nyata'mo taalu' kakuasa'an anu daka' aijo' una-una' hi Tumpu misa' hi kami.

2 TIMOTIUS 2:20

I uno nu laigan daka' daagi' ko ngangahan nu pakakas. Daagi' ko anu salaka na binau kabai mosoni', panyo daagi' mule' ko anu kau' na binau kabai tano'. Daagi' ko anu pinake da bau kapalaluan anu talalo penting, ka' daagi' mule' ko anu opake bau kapalaluan anu biasamo.