MOHAANGI 4:14 - KITAB NU TUMPU ALLA LELE MA'IMAI'

¹⁴ Mimbalu-balu' mian mapisok memo mahalajangan i sinin na jalan sumo aijo'mo na to pola-polaya' i kota' Yerusalem. Baso' nu aha nohumimi'imo baju' nu aha sahingga madi'mo ko anu mongka'oho' montiik aha.

MOHAANGI 4:14 ပူးပေါင်းရင်းမြစ်များ

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YESAYA 56:10

Koonyo nu Tumpu, “To pola-polaya' nu bansang-Ku atina'mo na to mia-mian anu mapisok! Aha madi' monsumbu' apa-apaa. Aha susumo dedeng anu momo' anu madi' mohu'akon panyo ola ahi' hoyot ka' mongipi. Sanang hondo na aha hoyot!

YEREMIA 2:34

Baju' nu belemiu binanodamo nu baso' nu mian kasiasi tiba mian anu madi' kosala'nyo, misa' baso' nu mian anu saja' montomang na ihakop. Panyo maumo ahi' sumo aijo',

YEREMIA 26:8

Lia-lia' salatan pinokopoto'ingkumo na potuunon nu Tumpu susumo anu pinalentahkon-Nyomo, aha nohakopmo mae aku ka' noloboo'mo, “Beleyum matemo!

YEHEZKIEL 23:45

Panyo mian anu singkap palesaya totu-totu'u na momputusimo ahi hukuman nu aha anu moto utus aijo' kalana kasala'an masala' ka lewa'mo nompatei kalana aha memang ahi' sinala'mo.”

HOSEA 4:2

Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

ZEFANYA 1:17

Tumpu notatae, “Ku potokamo mae manjoo' hondo na balaa' hi aha mian sahingga aha mahakanyanganmo saidi' mae susumo mian anu napisokmo. Aha binaladosa'mo hi beleng-Ku ka' uuka aiya baso' nu aha saidi' mae mobubusmo susumo uee ka' iwi-iwi' na bangke' nu aha mabusikmo ibawo nu tano'.”

NOMBILANGMO 19:16

Batu-batu mian anu nonsala' kanyangmo mian anu sinilakamo kalana pinatean, kabai anu nosi silaka i ale' nahumimi'mo pitun sinaa na kopinnyo. Sumo aijo' mule' na mian anu nonsala' kanyangmo pinongkubunan kabai buku nu mian anu sinilakamo.

NOMBILANGMO 35:33

De belemiu mombau sumo aijo' belemiu mohumimi'imo tano' kajojoongan nu belemi. Han mompatei aijo' mohumimi'imo lipu'. Jadi madi' ko jalan sangga'at na mompobelesi lipu' aijo' de misa' jalan mombubut nyawa nu anu nompateimo.

MATIUS 15:14

Madi' timbali opalahatikan na to mia-mian Farisi aijo'. Aha aijo' mapisok montaka' anu mapisok; jadi, de mian mapisok montaka' mian mapisok ua-ua'aha timbali manabu' i uno nu bolo'.”

EFESUS 4:18

Pikilan nu aha pinintungmo. Aha madi'mo monsumbu' kantumuu'an anu binee' nu Tumpu. Kalana aha madi' ko anu nu pisumbu-sumbu' nu aha mongkona Tumpu. Aha sumo aijo' kalana bangilan.