MOHAANGI 4:10 - KITAB NU TUMPU ALLA LELE MA'IMAI'

¹⁰ Talalo hondo okabuhuk na balaa' aijo' anu nontuda'i mo mianku anu palesayamo sahingga to tina-tina anu ma'ima' na kinyonyoanyo nongunjangmo posi anaknyo da bau pongisi kompong.

MOHAANGI 4:10 ပူးပေါင်းရင်းမြစ်များ

2 TOMU-TOMUNDO' 25:3

I tanggan ko osio'nyomo bitu'on anu ko opatnyomo i taun aijo' salatan tinalalomo hondo na balaa' kasusa'an i anu o kaan, sahingga mian da'isan madi'mo hondo-hondo ko anu okaan,

YESAYA 22:2

Madi' pantas na iwi-iwi' na kota' sola' mombau bau-bauon ka' lewa' montaligalai. Kalana iwi-iwi' na suludadu nu belemiu anu sinilaka aiya misa' sinilaka kalana nahampate.

YESAYA 49:15

Tumpu nontaamimo mae, Ia notatae, “Tetoho' mule' samian na tina nu anak mongkolilimi anaknyo, ka' madi'mo mongkalibosi anak anu kinandungnyomo? Maumo ahi' ia na mongkolilimimo, panyo Aku na madi' ahi' mongkolilimi beleyum!

YEREMIA 19:9

Sampobali' montumbuhimo mae kota' aiya, ka' bala usahamo mompatei miannyo anu jojoong ikiijo'. Nontumbuhi aijo' tinalalomo hondo na kino ideknyo, sahingga aha to mia-mian anu i uno nu kota' aiya nompaha kakaanmo sangalunyo ka' mule' ahi' posi to ana-anak nu aha suele.”

MOHAANGI 2:11

Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

MOHAANGI 3:48

Lolu'ku no'ilimo susumo kaunyo kalana bansangku i hansunmo.

MOHAANGI 4:3

Sadangkan tinanyo nu serigala momposusumo anaknyo, panyo mianku anu palesayamo talalo hondo buhingison susumo tomonsi' unta i padang.

YEHEZKIEL 5:10

Tuuma tiba tinanyo mongkaanmo posi anaknyo ka' mule' anak mongkaanmo tuuma tiba tinanyo. Sumo aijo' na aha Ku hukum, ka' anu daagi' tumuu' Ku ga'a-ga'atakonmo oboa i iwi-iwi na tampat.

IMAMAT 26:29

Belemiu madi'mo ko kaanon sahingga belemiu mongkaanmo posi to ana-anak nu belemiu.