MOHAANGI 3:64 - KITAB NU TUMPU ALLA LELE MA'IMAI'

⁶⁴ Hukumo na aha sitimbang tiba kalakuan nu aha, o Tumpu.

MOHAANGI 3:64 ပူးပေါင်းရင်းမြစ်များ

MAZMUR 28:4

Hukumo na aha kalana palabuatan nu aha kalana palabuatan ma'idek anu binaumo nu aha. Hukumo na aha sitimbang tiba palabuatan nu aha; bee'i hukuman na aha anu sitimbangmo ipalabuatan nu aha.

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 15:15

Lantas aku notataemo, “O Tumpu, Belento mangalati'. Inau'akon mae ka' tulungiakon mae na aku. Balosakon na aha nololoimo mae ka' mule' nonsakisamo mae aku. Tokolo' talalo monsabaanakon aha sahingga aha saidi' mae timbalimo mompatei aku. Inau'akon mae saba' kalana Belento sahingga ingambanganmo mae na aku.

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEREMIA 51:24

Tumpu notatae, “Posi sakisimo mosia na Aku uuka aiya mombalosimo Babel tiba mian anu jojoong ikiijo' ka' mule' iwi-iwi' na palabuatan ma'idek nu aha anu binaumo nu aha hi Yerusalem.

YEREMIA 51:56

Aha tinokamo nongidei Babel, nompaha hakopakonmo to sulu-suludadu nu aha ka' nompato'imo sinin na toongon anu bau pahampate nu aha. Akumo na Tumpu anu mohukum palabuatan anu ma'idek, ka' Babel Ku balosakonmo sitimbang tiba palabuatannyo.

YEREMIA 51:6

Posalamatmo na belemiu! Popalaimo mae pala'i na Babel dumo belemiu suele opateimo kalana dosa' nu aha! Kalana aiyamo na tempo'nyo Aku mombalosimo palabuatan ma'idek anu binaumo nu aha Babel, ka' mohukumo ia sitimbang tiba palabuatan nu aha.

2 TIMOTIUS 4:14

I Aleksander, tukang tutuk tambaga aijo' nombaumo hahan anu ma'idek hondo hi belengku. Tumpuje na mombalosi ia sitimbang tiba apaa na anu binaunyomo.

ANU PINOTO'I HI YOHANES 18:6

Obau na ia sumo pinombaunyomo belemiu; obalosi na ia pinduan lipat han iwi-iwi' na anu binaunyomo. Isi na mangko'nyo nu inumon pinduan lipat nu anu lebe molangui anu pinosadiakonnyomo hi belemiu.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”