MOHAANGI 3:38 - KITAB NU TUMPU ALLA LELE MA'IMAI'

³⁸ Ka'ima'an ka' ka'idekan opojalan ola kalana palentah nu Tumpu.

MOHAANGI 3:38 ပူးပေါင်းရင်းမြစ်များ

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

MAZMUR 75:7

Kalana anu momputusi ulusan misa' molengkat mae i sasu kabete'an kabai i sasu kinsoban misa' mule' molengkat mae i sasu utara kabai i sasu selatan.

AMSAL 29:26

Manjoo' na mian molio-lio da okalibosi nu mian anu balakuasa, panyo anu mombee'i ka'adilan ola ahi' samata-mata Tumpu.

ANU MOMPOLELE POTATAE NU TUMPU 7:14

Jadi bilahimo ahi' de beleyum nohumpakmo dale'. Panyo de beleyum nu tokaimo nu balaa' boli okolilimi saba' Tumpu nombee'mo ohu-ohua' aijo'. Apaa na anu jadi mule' madi' osumbu'to.

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

YEREMIA 32:42

Susumo Aku nompotokamo mae balaa' hi aha bansa aiya, sumo aijo'mo na Aku mombee'mo iwi-iwi' na anu ma'ima jijinanji'-Kumo hi aha.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?